مهندس طيران و كلية ظباط التحصص .. محتاج اهل الخبره

**Mecha** · 18-09-2015 01:11 AM

المشاركة الأصلية كتبت بواسطة ahmed_eng2001

طالما قلت البوشباك يبقى ليك فى كار الطيران كمان :) ... من ناحية مريحة .. ايوة طبعا مريحة .. و بتتعامل مع ماكينة ب 100 مليون دولار ( الطائرة ) بالميت .. و مش بتعمل حاجة بايدك ... و رعاية صحية و عربية تاخد و تجيبك من البيت

شكلك تعبت و لا ايه ؟1 .... ده انت لسة مشوارك طويل

ايوه عملت خدمات ارضيه فتره بسيطه ,بوص يا بشمهندس .في مصر في الشركات الكبيره راحة الدماغ اهم شئ .لان اي مهندس مش هيقدر يغير شئ .ودي شركه قطاع عام تقيله قد الفيل .عاوزه رئيس وزاره وما فوق عشان يعدلها .وتفتكر كان لها رئيس بيهبش وزراء الطيران.

**ahmed_eng2001** · 18-09-2015 01:21 AM

ايوة طبعا ... فهيم ريان .. و هو ده يتنسى ... بس انسى انها تتعدل ... الواحد كان عنده احلام و طموحات كبيرة لما اتخرجنا ... و تحطم اغلبها فى الايام القليلة الى اشتغلناها فى مصر للطيران .. و عرفنا بعد كدة ان مصر للطيران من اسوأ التجارب الادارية الى قابلت الواحد فى حياته
و بجد ... الى عاوز يعرف حال مصر ... يتفرج على مصر للطيران من جوة .. و كفاية كدة علشان الموضوع ميقلبش سياسة و ناخد وقف

**Mecha** · 18-09-2015 01:39 AM

المشاركة الأصلية كتبت بواسطة ahmed_eng2001

ايوة طبعا ... فهيم ريان .. و هو ده يتنسى ... بس انسى انها تتعدل ... الواحد كان عنده احلام و طموحات كبيرة لما اتخرجنا ... و تحطم اغلبها فى الايام القليلة الى اشتغلناها فى مصر للطيران .. و عرفنا بعد كدة ان مصر للطيران من اسوأ التجارب الادارية الى قابلت الواحد فى حياته
و بجد ... الى عاوز يعرف حال مصر ... يتفرج على مصر للطيران من جوة .. و كفاية كدة علشان الموضوع ميقلبش سياسة و ناخد وقف

بالضبط كدا , بس التاس فيها متظبطين في القبض وخلافو وموش شايلنها هم.حتي شغلانات الجراش او تحت السلم هههههه.
http://www.parker.com/parker/jsp/doc...lay.jsp?mgmtid..

**Mecha** · 18-09-2015 02:53 PM

المشاركة الأصلية كتبت بواسطة omar.shawki

وفى مصر للطيران مرتين وفى الاخر بياخدوا بتوع ميكانيكا عادى
انا والله مش بحبطك يمكن الوضع دلوقتى اتغير بس نصيحة لو مش معاك واسطة كبيرة جدا جدا فى مصر للطيران
كمل ضباط متخصصين وربنا يوفقك

دا بتوع ميكانيكا بيتعاملو جوكر هههههههههه.بردك بتوع طيران شفتهم شغالين بيع قطع غيار معدات.
الضباط المتخصصين بردك حلو وظيفه مضمونه ومستقره .لكن خد بالك في الجيش متقلهمش انا عاوز طيران اناباشمهندس او عاوز تخصصي
.هيتعاملو معاك انك ضابط اولا واخيرا . مطرح ما يودوك اخدم.

**mohanad elsaye** · 18-09-2015 08:12 PM

المشاركة الأصلية كتبت بواسطة ahmed_eng2001

يا نهاااااار
ربنا يديهم الصحة الاول علشان منقرش عليهم ....
لما تخرج للحياة العملية ان شاء الله ... حتعرف مثلا ان هانى نجم كان انسان محترم جدا ... على هاشم من اكثر الشخصيات الى ممكن تقابلها احتراما فى حياتك ... ده غير علمه .. ربنا يزيده

ايه اقصى حاجة ممكن دكتور يعملهالك ؟؟؟؟ يسقطك فى مادته ؟؟؟ ايه يعنى !!!! لما تخرج للحياة حتعرف ان الدكاترة مش مؤذيين اوى زى ما كنا فاكرين

هو كدة القسم مش بحطة ايدى اوى انا قديم شوية..... مين د ايمن ؟ و مين د فاروق عويس ؟؟

انت اخدت البيزك على حسابك ؟؟؟ لو معندكش مانع ... اعرف اخدتها فين و بكام
انا اخدت البيزك ب 4000 جنيه فى مصر للطيران :) كان معمول لنا تخفيض

المشكلة هى الشركة الى حتعينك .... لو اخدت فرقة الطيارة بيكون ليك اولوية عن الى مش معاه الفرقة ... لو بتتكلم عن مصر للطيران ... الاولوية للى معاه واسطة طبعا
للأسف انا منقطع عن المجال من فترة طويلة ... بس سمعت ان فيه شركة جديدة اسمها نسما .. و فيه المصرية ... و دى قديمة شوية ... و فيه BAS حدمات البترول الجوية و كان فيه AMC

حضرتك عارف السكة ؟ بيزك ... و بعدين ojt الى هو التدريب العملى بعد البيزك ... و بعد كدة تمتحن و تصدر without type rating و بعدين تخش على الطراز ... تاخد الكورس و تمتحن و تصدر رخصة الطراز ده ...
و ربنا معاك

والله انا بحب اغلبهم .. كلهم ناس محترمه مافيش شك
انا اخدت البيزك في المطار برضو وبعد تخفيض 50% بئا بـ15000 .. فرق جامد اوي :)
وهمشي في سكة الwork sheet بس لما اشوف حكاية الجيش ايه الاول

بس حتى لو معايا رخصة without .. ممكن يكون ليا فرصه اشتغل في المجال .. اظن صعب لازم طراز
وانا عن نفسي مش مستعد ادفع مبلغ كبير تاني عشان كورس

بس برضو محدش اداني رأي مختصر ومفيد كدا في موضوع ظباط التخصص
يعني الناس الي شغااله في مصر للطيران .. انتو واخدين حقكو تمام من حيث فلوس واجازات ومعامله الى اخره ولا لو رجع بيكو الزمن كنتو اختارتو حاجه تانيه؟

**ahmed_eng2001** · 18-09-2015 09:49 PM

المشاركة الأصلية كتبت بواسطة mohanad elsaye

والله انا بحب اغلبهم .. كلهم ناس محترمه مافيش شك
انا اخدت البيزك في المطار برضو وبعد تخفيض 50% بئا بـ15000 .. فرق جامد اوي :)
وهمشي في سكة الwork sheet بس لما اشوف حكاية الجيش ايه الاول

بس حتى لو معايا رخصة without .. ممكن يكون ليا فرصه اشتغل في المجال .. اظن صعب لازم طراز
وانا عن نفسي مش مستعد ادفع مبلغ كبير تاني عشان كورس

بس برضو محدش اداني رأي مختصر ومفيد كدا في موضوع ظباط التخصص
يعني الناس الي شغااله في مصر للطيران .. انتو واخدين حقكو تمام من حيث فلوس واجازات ومعامله الى اخره ولا لو رجع بيكو الزمن كنتو اختارتو حاجه تانيه؟

ياااه ... البيزك اصبح ب 30 الف جنيه ؟؟!!! .. الله يكون فى عونك

من فترة سابقة ( على ايامى ) .... كانوا بياخدوا مهندسين حديثى التخرج و مش معاهم بيزك

و على فكرة انا مش بشتغل فى مصر للطيران حاليا ... هى كانت فترة قصيرة فى البداية بعد ما اتخرجت و سبتها .. و على حد علمى ... حال المهندسين الان افضل من حالهم ايامنا ... مرتباتهم زادت و بدلاتهم .. و اصبحوا قريبين من مرتبات الشركات الخاصة

**mohanad elsaye** · 21-09-2015 02:23 AM

حد عنده اي اقتراح؟

**diablo1231** · 21-09-2015 10:05 AM

بص يا باشمهندس انا هتكلم عن الضباط المتخصصين :
1- هتخدم في القوات الجوية كمهندس .
2- مفيش ميري اوي زي مانت فاكر في القوات الجوية ده لو انت مش حابب الميري .
3- هتخدم لمدة سنتين اول ما تتخرج في المطارات او ممكن ورش تخصصية .
4- بعد اول سنتين هتخدم في الورش التخصصية للطائرات واللي موجودة في القاهرة و حلوان يعني لو انت من سكان القاهرة هتفضل تخدم في القاهرة مش هتخدم بعيد ان شاء الله .
5- انت جوا مهندس و قوات جوية محدش يقنعك انك هتشوف بهدلة اوي و اي شغل عامة فيه بهدلة .
6- عليك واجبات اي ضابط من نباطشيات و غيره بس القوات الجوية و بكرر السلاح ده بالذات الدنيا كويسة فيه .
ربنا يوفقك