الموضوع: مشكلة في فتيس اتوماتيك استرا 2003

انا معايا اوبل استرا 2003 و عندي مشكلة في الفتيس الاتوماتيك ياريت اهل الخبرة يساعدوني فيها

المشكلة باختصار ان الفتيس عندي علي ال r العربية مش بترجع حتي لو دوست بنزين مع ان جميع الغيارات
التانية شغالة و العربية ماشية معايا عادي و بجري بيها كمان و بعد اللف علي الميكانيكة و ورش الصيانة لقيت تسريب في خرطوم التبريد بتاع الفتيس و عالجته و زودت زيت موبيل 220 و لسه المشكلة موجودة. طبعا الصانيعية قالولي محتاجة فتيس ب 3000 بس انا مش مقتنع بكلامهم لانها لو فتيس مكنتش مشيت خالص المهم واحد ميكانيكي ابن حلال قالي احتمال تسريب الزيت اللي حصل حرق الكالتش اللي مسؤول عن الريفرس و محتاجة نحل الفتيس و نغير الكالتش و ده هيكلفني 1500 و نسبة نجاح الموضوع ده 50% و
دلوقتي انا محتار و مش عارف اعمل ايه و هل موضوع الكالتش ده صح ولا ايه وهل لو عملتو كده الفتيس
يبقي رجع لحالته و هل ممكن يقعد شهر و لا شهرين و بعدين اضطر اغير الفتيس كله ارجو من اهل الخبرة
يفيدوني و يقولولي اعمل ايه مع العلم اني ساكن في اكتوبر

اسف جدا جدا لو كنت طولت عليكم

ادخل على الجروب رابطه ملاك سيارات اوبل وكروز فى مصر والجروب دا على الفيس بوك هتلاقى ناس متخصصه فى فتيس اﻻوبل ان شاء الله