عمرة موتور جين ٢ ٢٠٠٩

**archigenics** · 18-09-2015 03:43 AM

السلام عليكم
من ٣ ايام راجع بضهري خبطت في غطا بلاعة واقف منهم لله اللي سايبينه كده العربية سربت زيت الموتور كله وما حصلش اي حاجة ولا حتي لمبة زيت نورت بس الباور تقل شوية ولمبة البطارية نورت قفلت التكييف فك الباور وكملت ركنتها عادي من غير ماخد بالي من موضوع الزيت ولا حتي لمبة الزيت في التابلوه نورت والغريب اني علاطول في التوكيل حتي غيار الزيت... تاني يوم دارت معايا ومشيت ٢٠ متر الماتور بطل في الملف.
ميكانيكي فتح الكبوت الماتور مفهوش نقطة زيت والفلتر مكسور بس الكرتيرة سليمة جبت زيت وفلتر مشتغلتش محبتش اكشف اعطال بره
جبت ونش سطحة ودتها التوكيل . عز العرب ابو رواش . بعد يوم قالي كشفتا كهربا وكمبيوتر العربية مفهاش حاجة ولسه حنكشف ميكانيكا بكرة
الكشف ٤٥٠ جنيه يتخصمو من فاتورة الاصلاح لو حتصلح عندهم ماكنش تدفعهم وتاخدها
تاني يوم اتصل بيا قالي عايزين يفكو الماتور ب ١٥٠٠ جنيه عشان يكشفو!
وبعد ما يفكو مش حيرجعه تاني يعني ١٥٠٠ كشف بس وماتورك مفتح عشان يصلحة هو مش حد تاني
عمرة الموتور الكاملة من ٨٠٠٠ ل ١١٠٠٠ بالمصنعية بدون ضريبة
البلوك الجديد ١١٠٠٠ و١١٠٠٠ مصنعية يعني ٢٢٠٠٠
المواتير الاستيراد مبيشتغلش فيها وبتعمل مشاكل
المهم يعني معجبنيش الكلام وحسيت انه بيوجهني ناحية عمرة كاملة مفيهاش قطع غيار يعني من ٨٠٠٠ ل ١١٠٠٠ مصنعيات التوكيل + الضريبة يعني ١٣٠٠٠ الف من غير موتور جديد ولا قطعة غيار واحدة و٢٢٠٠٠ موتور جديد ازاي كده ؟!
صارف ٢٠٠٠ جنيه كشف واوناش رايح جاي والعربية مشتغلتش وقريت افلام رعب علي قفش المحرك بس دا للمسافات ونا ما مشيت بيها مسافات
افيدوني افادكم الله...وشكرا
ويا ريت حد يرد عليا قبل ما بيعها

**Mecha** · 18-09-2015 06:36 AM

All you have to do grind the crank
Fit new bearings set
New oil pump
If needed brush liners and fit new rings
Plus cylinder head works

**carrier** · 19-09-2015 12:05 PM

العمرة الكاملة
عند ميكانيكى بوتون شاملة ق.غ ومصنعية وخراطة من 6500 ل 7500ج

وبتطلع ممتازة

**archigenics** · 20-09-2015 10:57 AM

ممكن اسم الورشة والعنوان او التليفونات ... شكراً لاهتمامك وتعبك

**DESIGNER105** · 25-10-2015 01:23 PM

مفهمناش ايه الىحصل للموتور ..الشورت بلوك اتكسر يعنى ؟.....وازاى الخبطه وصلت لجسم الموتور والكرتيره سليمه صعب الموضوع ده ..وبعدين الخبطه جت وانت بترجع لورا يعنى مش حادثه على سرعه .....اسحب العربيه من عند التوكيل ..ووديها لاى ميكانيكى ثقه ...انا مش داخل دماغى موضوع العامره ده ....وبعدين هى اى عربيه مش بتدور يقومو يفكو الموتور ..؟؟ فى 100 حاجه تخلى العربيه متدورش وبتتحل من غير فك المتور .....بصراحه انا لا اثق فى التوكيل ده اطلاقا ...خود العربيه من عندهم واهرب حتى لو هتعمل عمره اعملها بره ...هتلاقى هنا فى المنتدى بيانات كتير لمكانيكيه بشتغلو فى الجين2 ...ابعد عن التوكيل ده

**eng.m7md.ali** · 25-10-2015 08:10 PM

العربية مفيهاش زيت يعني للاسف الموتور قفش

من رأي اشتري شورت بلوك علطول او لو بتحب التسقيط سقط موتور مايفك كبير

**archigenics** · 26-10-2015 09:14 AM

المشاركة الأصلية كتبت بواسطة DESIGNER105

.....اسحب العربيه من عند التوكيل ..ووديها لاى ميكانيكى ثقه ... .....بصراحه انا لا اثق فى التوكيل ده اطلاقا ...خود العربيه من عندهم واهرب حتى لو هتعمل عمره اعملها بره ...هتلاقى هنا فى المنتدى بيانات كتير لمكانيكيه بشتغلو فى الجين2 ...ابعد عن التوكيل ده

والله سحبتها من التوكيل قلتلهم أحسن عقاب ان العربية داخلة مش شغالة وخارجة مش شغالة انا مش جايلكم تانى ما نابنى بس غير 1000 جنيه ونش سطحة رايح جاى مالوش أى تلاتين لازمة

الحمد لله واحد قريبنا كان بيعمل عمرات عربيته بايده جاب ميكانيكى وقف على ايده عملى نص عمرة جابلى طقم صبابات جديد (طلعلى 16 صباب معوج ودا كان مخلى العربية مهربة كبس يعنى عمرة مفيش كلام) وجوان وخرط وش موتور وظبطلى تقسيمة الكاتينة وغيرلى رادياتير وظبطلى تاكيهات وش الموتور وترموستات والحمد لله بقت كويسة بترج شوية فى السلانسيه والفرامل بس تمام سحبها ممتاز كعادتها الحمد لله.