حد جرب تاكسى uber

**mado83** · 21-09-2015 09:44 AM

المشاركة الأصلية كتبت بواسطة sherif1988

ممكن حضرتك تكملنى خاص
انا بفكر اجيب عربية واشغلها كدة فا كنت عايز اعرف الموضوع كويس وياريت لو حضرتك توصلنى بصحبك اللى شغال معاهم كدة

اية رئيم انا بفكر اجيب عربية قسط واشغلها كدة وعلى الأقل هيا عربيتى ملاكى وبشتغل عليها بردك بدل التكس وبهدلتة وتناكة وتعامل الشرطة والكلام
خاصة ناس بتقولى ممكن اعمل في الشهر بتاع 15 الف لو اشتغل كتير

هبعلتك رقمه على الخاص كلمه وهو يقولك بالتفصيل
بس علشان تجيب عربيه جديده وتقسيط لازم تكون متفرغ للشغل مع اوبر علشان ربنا يكرمك وتقدر تسدد الاقساط وكمان يطلعلك ربح
انما لو معاك عربيه شرط تكون موديل فوق ال2011 وماتكوتش ولا بى واى دى ولا لانوس ولا فيرنا ممكن فى الحاله دى تشتغل فى اى وقت حتى لو انته شغال شغلانه تانيه تزود دخلك يعنى

**mohamed_hamdi** · 21-09-2015 09:50 AM

الخوف كل الخوف مع انتشار الفكرة بالذات بين الشباب و جميعهم من حاملي ال smart phones اننا نلاقي سواقين التاكسي العادي عملوا مظاهرات و قلق نتيجة قلة الطلب عليهم لان الاكيد ان الفكرة شيك و ناجحة و فيها احترام الآدمية جدا زي ما اي إنسان بيتمنى.

**sherif1988** · 21-09-2015 09:58 AM

المشاركة الأصلية كتبت بواسطة mado83

هبعلتك رقمه على الخاص كلمه وهو يقولك بالتفصيل
بس علشان تجيب عربيه جديده وتقسيط لازم تكون متفرغ للشغل مع اوبر علشان ربنا يكرمك وتقدر تسدد الاقساط وكمان يطلعلك ربح
انما لو معاك عربيه شرط تكون موديل فوق ال2011 وماتكوتش ولا بى واى دى ولا لانوس ولا فيرنا ممكن فى الحاله دى تشتغل فى اى وقت حتى لو انته شغال شغلانه تانيه تزود دخلك يعنى

الف شكر لحضرتك جداا
هوا انا شغال صحفى بس حضرتك عارف الأحوال عملة ازى والواحد لازم يشتغل حاجة واتنين و3 علشان يعرف يكون نفسة في البلد دى
فا انا بالنسبة ليا طول النهار تقريبا فاضى وعندى استعداد اشتغل من 8 الصبح ل6 ولا 7 المغرب
المهم الواحد يعرف يعمل حاجة ويعين قرش

انا للأسف مش معايا عربية بس بفكر اجيب عربية استعمال من السعودية مالك اول ليا ابن عمى شغال هناك بيتهيئلى هتبقا افضل من انى ادخل في قسط كبير لعربية جديدة
وبدل ما اجيب عربية قسط زيرو اخد قرض واتصرف في باقى المبلغ واجيبها استعمال

ولا راى حضرتك اية

فا افتكر على كلام المكاتب انى ممكن اعملى دخل شهريا مثلا 4 ولا 5 الالف صافى او اكتر كمان بعيد عن القسط و مصاريف العربية من بنزين وزيت وخلافة

وربنا يسهل ويعين الواحد ويقدر يعمل حاجة

والف شكر لحضرتك

**mado83** · 21-09-2015 10:17 AM

المشاركة الأصلية كتبت بواسطة sherif1988

الف شكر لحضرتك جداا
هوا انا شغال صحفى بس حضرتك عارف الأحوال عملة ازى والواحد لازم يشتغل حاجة واتنين و3 علشان يعرف يكون نفسة في البلد دى
فا انا بالنسبة ليا طول النهار تقريبا فاضى وعندى استعداد اشتغل من 8 الصبح ل6 ولا 7 المغرب
المهم الواحد يعرف يعمل حاجة ويعين قرش

انا للأسف مش معايا عربية بس بفكر اجيب عربية استعمال من السعودية مالك اول ليا ابن عمى شغال هناك بيتهيئلى هتبقا افضل من انى ادخل في قسط كبير لعربية جديدة
وبدل ما اجيب عربية قسط زيرو اخد قرض واتصرف في باقى المبلغ واجيبها استعمال

ولا راى حضرتك اية

فا افتكر على كلام المكاتب انى ممكن اعملى دخل شهريا مثلا 4 ولا 5 الالف صافى او اكتر كمان بعيد عن القسط و مصاريف العربية من بنزين وزيت وخلافة

وربنا يسهل ويعين الواحد ويقدر يعمل حاجة

والف شكر لحضرتك

هما بيشترطو عربيه فوق موديل 2011 وماتكوتش هاتشباك ولا صينى

**EgyArmy** · 22-09-2015 03:33 PM

والله لو واحد شغال معاهم هيسهل عليكم الاسئله كلها او للشركة فرع فى مصر هيبقى اسهل ده بالنسبه للى عايزين يشتغلوا
و كمان من رأى انهم مش بيقبلوا بالصينى عشان وسائل الامان
لكن ممكن لوجان او اتراج او صنى او سياز و الله اعلم

**marsguy** · 22-09-2015 05:33 PM

المشاركة الأصلية كتبت بواسطة egyarmy

والله لو واحد شغال معاهم هيسهل عليكم الاسئله كلها او للشركة فرع فى مصر هيبقى اسهل ده بالنسبه للى عايزين يشتغلوا
و كمان من رأى انهم مش بيقبلوا بالصينى عشان وسائل الامان
لكن ممكن لوجان او اتراج او صنى او سياز و الله اعلم

أعتقد بيقبلوا صيني عشان أنا مره ركبت جيلي إميجراند

**ibrahim sallam** · 22-09-2015 05:47 PM

فكره ممتازه

اتمنى تطبق في اسكندريه

**sherif1988** · 22-09-2015 10:22 PM

المشاركة الأصلية كتبت بواسطة egyarmy

والله لو واحد شغال معاهم هيسهل عليكم الاسئله كلها او للشركة فرع فى مصر هيبقى اسهل ده بالنسبه للى عايزين يشتغلوا
و كمان من رأى انهم مش بيقبلوا بالصينى عشان وسائل الامان
لكن ممكن لوجان او اتراج او صنى او سياز و الله اعلم

المشاركة الأصلية كتبت بواسطة marsguy

أعتقد بيقبلوا صيني عشان أنا مره ركبت جيلي إميجراند

طيب انا بدور على عربيه مستعمله فى حدود 60 الى 80 الف.
هل ينفع القى حاجة كدة
ولا الى معايا تقريبا 65 الف احطة مقدمة في حاجة جديدة واقسط الباقى ولو هحطة في جديد ترشحولى اية بردك

لو مستمعل اية اللى ممكن يبقا كويس فى الرنج دة
و اية رئيكم فى الافيو و الاوبترا ؟؟؟

ولا اجيب جديد
يعنى مثلا انا بالصدفة لقيت السيتروين سى اليزي والصنى نفس الكلام
جديدة بحوالي 120 الف فا اية رئيك فيها ادفع اللى معايا واقسط الباقى ؟
ولا فية حاجة افضل في نفس الرنج
والحاجت دى اعادة بعها كويسة ولا لا