سمعت من صحابى و قريت ان فيه برنامج على الموبايل تنزله
و تشترك فيه بفيزا
و تفتح البرنامج ده و تطلب تاكسى و هيجيلك فى اقل من خمس دقايق
التكلفه كلها بتكون
تلاته جنيه للبدايه + جنيه و 30 قرش للكيلو + 20 قرش للدقيقه
الاسعار تعتبر رخيصه اوى لانى لما بركب تاكسى بديله حقه مرتين
و كمان بيحسب من اول ماتركب
و العربيات موديلات جديده زى الالنترا و السيراتو و الكيا سول
و فيه عربيات تانيه بس غاليه محدش يعرف عنها كتير زى المرسيدس و البى ام دبليو و السوبارو
انا من اسكندرية حد يعرف الموضوع ده شغال هنا ولا القاهره بس بدل ما اشترك على الفاضى و يحكى تجربته
شوية حسابات عملتهم
من المندرة لمحطة مصر
3 جنيه بدايه + 1.30 × 18 كيلو حسب كلام جوجل + 0.20 × 15 دقيقه = 29.40 جنيه
من فلمنج لمحطة مصر
3 + 1.30×9 + 0.20×10 = 16.70 جنيه
من فلمنج لسيدى جابر
3 + 1.30×4 + 0.20×10 = 10 جنيه
الاسعار تعتبر ارخص من التاكسى العادى
بس حاجه انضف
انا هستنى اشوف رأيكم ايه فى الشركة نفسها فى مصر يعنى القاهره برضه عشان بسافر كتير
و فى اسكندرية برضه