مطلوب المشورة لشراء اصغر موتور ماء لخزان صغير
السلام عليكم عاوز اخذ رايكم فى مشكلة بسيطة انا مركب خزان ماء متر مكعب واحد على السطح لشقتى (البيت 4 ادوار فقط و انا فى الثالث)....المهم غيرت الخزان من كام يوم و لاحظت ضعف شديد فى ضغط الماء النازل من الخزان للشقة (بقوة الجاذبية طبعا) و طلع السبب ان مخرج المواسير من الخزان نصف بوصة و متوصل ببوصة كاملة و الحل تغير الخارج من الخزان او تركيب موتور ماء صغير يسحب الماء من الخزان للشقة و خفت العب فى الخزان علشان ميخربش قلت اركب موتور ماء و حسب علمى قلت موتور ثلث حصان + مفتاح و سلك موضوع بسيط لقيت السباك بيقلى موتور و اتوماتيك و خلافه 1200 جنيه و حاسس انه بيلعب على انا بفكر موتور يركب على المواسير نفسها و من غير بالونة و لا اتوماتيك حتى لانى باستخدمه فى حالات محدودة عند الطوارئ فقط مش فتحه على طول ....آسف للاطالة بس علشان اوضح لحضراتكم علشان تساعدونى بشكل افضل و شكرا
فلو ماك ايطالى السعر 270 جنيه
IMG_0559.JPG (file://ALI-VAIO/Users/ali/Pictures/IMG_0559.JPG)
تم تركيب الموتور و الفلوماك
عيد اضحى مبارك على الجميع ان شاء الله احب احكى لحضراتكم ما تم بالنسبة للموتور الرئيس للشقة و ده كالبيدا واحد ونصف حصان كانت لما المياة الواصلة للعمارة تقل او تنقطع يفضل الموتور شغال و يسخن جدا ....لغيت البلونة و ركبت فلوماك و الحقيقة فرق شاسع و يبدو انه تكنولوجى متقدم عن مووع البالونة فى حالة ضعف الماء او لنقطاعه يفصل لوحده و عند ارتفاع حرارة الموتور لاى سبب برضه يفصل لوحده حقيقى ممتاز و دلوقت عندى البالونة و الاتوماتيك القديم مش عارف اعمل بيهم ايه ....زالحاجة التانيه ركبت على سطح العمارة موتور نصف حصان بس صينى اسمه ماجيك و ملفه نحاس و الريش الداخلية نحاس على الماسورة اللى طالعة من الخزان الخاص بشقتى و طبعا الفرق واضح قوة الماء شديدة و السخان الغاز 10 لتر شغال تمام التمام .....صحيح شوية تكاليف بس بتحسن ظروف المعيشة خاصة ان الشتاء على الابواب و كل عام و حضراتكم بخير و اشكر المهندس "ميكا" الفاضل على توجيهاته القيمة