العربية عندى كان فيها حتة مخبوطة فى الرفرف اليمين حوالى شبر ونص فى شبر ورا الفانوس على طول مخلية منظر العربية وحش وكمان كانت الكارتيرات ورا وقدام سايبين قلت اروح المنصورة اعملهم لان المنصورة مشهورة طبعا بالسمكرية النضاف اللى بيشتغلوا على البارد المهم رحت النهارده وصفولى واحد عند ترب الاقباط رحت له لقيته ماشاء الله لابس شيك اوى مش شكل سمكرى خالص المهم وريته الخبطة وحتة كمان فى شفة الباب والكارتيرات اللى سايبة قالى هتتكلف 400 جنيه انا اتصدمت بصراحة بس قلت فى عقلى لو هيعملها صح ماشى بس صديقى اللى معايا كان مستكتر المبلغ جدا وقالى بس انا خفت اروح لحد تانى يبوظها . المهم رجعت له بعد ساعتين لقيت العربية ماشاء الله الحقيقة فابريكة بس برضه مستكتر ال 400 ج