ارجو المساعدة بخصوص مفتاح سيارة فورد فوكس 2005 علشان ضاع منى

**مدحت سمير** · 20-09-2015 02:06 AM

السلام عليكو
انا اشتريت فورد فوكس 2005 و انا عايش فى الغردقه
وكل شويه يحصل عطل فى العربيه ادوخ علشان اصلحها
واخر حاجه المفتاح ضاع ومش عارف اعمل ايه
ايه الحل ارجو المساعدة وشكرا

**مدحت سمير** · 20-09-2015 02:16 AM

معلش انا ليا استفسار ثانى
انا ركبت عربيات انواع كتير ومكنتش اتخيل
قبل ما اشترى العربيه ان عدد محلات التى بتبيع قطع غيارها بتاع 10 محلات فى القاهرة
وللاسف اتعملت مع محلات بدون ذكر اسمائها وللاسف محلات كبيرة
ومش فاهمين حاجه فى العربيه
ازاى اسم كبير زى فورد يكون دة حاله فى مصر
كمان قطع غيار بسيطه فى العربيه ومش لاقيها جديدة او استيراد ازاى
ولو فى ماركه تانيه لاى عربيه حتلاقيها فى كل حتى
زى محتاج سوسته بتاعه العفشه بتاعت الفورد فوكس 2005 الخلفيه مش لاقيها ولا جديدة ولا استيراد
وحاجات تانيه بسيطه

**moshakes** · 20-09-2015 08:11 PM

اولاً اشكرك على الرد عليا ف موضوعي

ثانيا انت مش عرف تفتح العربية اصلاً؟؟

ثالثاً جربت تنزل الوكالة

عند مصطفى البطاح أو كريم الفولي أو علي فورد او تسألهم بالتليفون انا بتعامل معاهم فى عربيتي الاسكورت وهم ناس تمام

**مدحت سمير** · 29-09-2015 01:00 PM

بعد التحيه
هوا الموضوع صعب مافيش حد رد عليا
العربيه بقلها 15واقفه
هل ممكن ابرمج مفتاح علي كنترول عربيه بدل ما انزل عربيه مصر
وهل لو اشتريت مغتاح استبراد ب الكونتاكت بتاعه حيشتغل علي عربيه
حتي سئالت محلات ق غ الاستيراد محدش فاهم حاجه

**Mostafa Darsh** · 29-09-2015 09:04 PM

فى رقم الكود بتاع العربيه حضرتك هتلقيه على العربيه من قدام على الشمال هتاخد الكود ده وتروح التوكيل او تكلمهم وهما هيعملولك مفتاح تانى

**مدحت سمير** · 30-09-2015 03:32 PM

للاسف كلمت التوكيل واخترت رقم صيانه رد عليا موظف
مش فاهم حاجه في صيانه وقلي انت كده محتاج تروح صيانه قلتله انا مش بكلم رقم
صيانه قلي اه بس رقم كول قلتله مش فروض كول سنتر صيانه ولا حاجه تانيه
المهم قلي حسئالك وسبني شويه
وبعدين قالي هات عربيه مركز صيانه وهما يشوفو حلها ايه
قلتله مش مفروض بمديل العربيه ورقم شاسيه اخد مفتاح
زي اي توكيل قالي لا قلتله طيب في مفاح للعربيه عندكم مش عارف

**مدحت سمير** · 30-09-2015 07:45 PM

للاسف الفورد ف مصر محدش فاهم حاجه فيها
كلمت ناس كتير بتوع مفاتيح مشفره و بتوع قطع غيار
استيراد كل واحد له راي مختلف عن الثاني
في ناس بتقول ممكن ابرمج كنترول بره عليه مفتاح واركبه عربيه تدور وناس بتقول انه كلام غلط مش حينفع مع فورد
وبخصوص الاستيراد برضوع كل واحد براي
مش عارف اعمل ايه

**مدحت سمير** · 05-10-2015 10:13 PM

ارجو المساعدة العربيه واقفه بقلها شهر

**مدحت سمير** · 14-10-2015 12:02 PM

تم حل المشكله
خت كنترول ونزلت بيه مصر
روحت محل في مدينه نصر الاستاذ مدحت بتاع مفاتيح
انسان محترم جدا وجدع واخلاق مش مغلواني
جاب عربيه فورد فوكس بتاعت واحد صحبه من معادي
وبرمجلي 2 مفتاح علي كنترول بتاعي
وخد 600 جنيه سعره كويس اقل من ناس كتير