المدة التي يجب عندها تغيير زيت الفتيس و طقم السيور

عربيتي لانسر بوما 2013 اوتوماتيك كنت عايز اعرف المفروض اني اغير زيت الفتيس بعد كام الف كيلو و نوع الزيت اللي اجيبه ايه و بكام
ــ و كنت عايز اعرف المفروض اغير طقم السيور للعربية بعد كام الف كيلو و ايه هي السيور اللي بتتغير بالظبط وهل لازم اجيب السيور اصلية ولا اجيب السيور من اي محل غير التوكيل عادي
ــ وكمان بالنسبة لزيت الباكم بتاع الفرامل و زيت الباور المفروض بغيرهم و لا بزودهم بس و لو بيتغيروا يبقى عند كام الف كيلو و النوع ايه
يا ريت اللي عند معلومات بخصوص اي حاجة يفيدني لان كل واحد برأى ومش عارف اعمل ايه

ايه يا جماعة مفيش حد غير زيت الفتيس و لا السيور قبل كده

السلام عليكم ورحمة الله وبركاتة
مرحبا اخى الكريم

زيت الفتيس بيتغير كل 40 ألف كيلو
ويفضل تغيرة فى التوكيل
سير الكاتينة بيتغير كل 80 ألف
سير الدينامو والتكيف تقريبا بتغير على 40 الف كم وبتغير معاه زيت الفتيس وفلتر الهواء والبنزين والبوجيهات

غي ناس بتقولي متغيرش زيت الفتيس ابدا خليه طالما مش بينقص

اقتباس:

---

المشاركة الأصلية كتبت بواسطة momo_h

غي ناس بتقولي متغيرش زيت الفتيس ابدا خليه طالما مش بينقص

---

متسمعش لكلام حد تغيير الزيت فى معاده بيطول من عمر الفتيس وبيحافظ عليه
لزوجه الزيت من الاحتكاك والحراره بتقلل فعاليته
وبالتالى بيحصل تآكل لأجزاء الفتيس الداخليه
لكن غير بالزيت الاصلى

ايه هو نوع الزيت الاصلي لفتيس العربية مع العلم ان اللي مكتوب في دفتر الصيانة ان زيت الفتيس يتغير عند 100الف كيلو ده كلام صحيح ولا ايه مش عارف

اقتباس:

---

المشاركة الأصلية كتبت بواسطة momo_h

ايه هو نوع الزيت الاصلي لفتيس العربية مع العلم ان اللي مكتوب في دفتر الصيانة ان زيت الفتيس يتغير عند 100الف كيلو ده كلام صحيح ولا ايه مش عارف

---

طالما الكتالوج بيقول كدة يبقى يبقى تغير تبعا للكلام اللى الشركة المصنعة كتبتة
ونوع الزيت بيكون موبيل

اقتباس:

---

المشاركة الأصلية كتبت بواسطة lancer06

طالما الكتالوج بيقول كدة يبقى يبقى تغير تبعا للكلام اللى الشركة المصنعة كتبتة
ونوع الزيت بيكون موبيل

---

شكرا يا باشا على الرد و الاهتمام