مقارنة بين سيات توليدو و بيجو 301 هام للاعضاء

السلام عليكم و رحمة الله و بركاته
انا بصراحة في حيرة كبيرة انا راكب اكسنت و و عايز اغير النهاردة نزلت اباظة اللي في التجمع و شوفت عربيتين عجبوني البيجو 301 و السيات توليدو و الاتنين اعلي فئة و مش عارف اقرر ايه و خصوصا ان البيجو سمعت عن المشاكل اللي كانت مع التوكيل بس باشوفها كتير في الشارع و التوليدو لا باسمع عنها و لا باشوفها كتير
انا عايز عربية حلوة عائلية و في نفس الوقت التوكيل بتاعها محترم و حاجتها موجودة فيه لاني مش هتعامل عند صنايعية برة لان طلع عيني منهم في الاكسنت فارجوكوا يا ريت تسعدوني
و شكرا لكل اللي هيمر ع الموضوع و يديني رايه

ممكن تقولى لقيت التوليدو فى اباظه متوفرة تسليم فورى ولا لا. وبكام.
انا كمان بفكر فيها جديا كقيمة مقابل سعر وانا حاطط ايدى على قلبى من
توافر وسعر قطع الغيار
وقلة عدد مراكز الخمة
وسعر اعادة البيع

ربنا يهدينا لما فيه خير

بسم الله الرحمن الرحيم

اخى الفاضل الجارحى

مع كل احترامى و تقديرى لحضرتك. . . . . . ارى انه ظلم فادح ان تقارن بين ال 301 او حتى السى ايليزيه بالتوليدو.

من فضلك ضع كل سياره فى مكانها الصحيح. . . . . . اخى الفاضل لو انك قارنت الوليدو بالاسكودا رابيد ستنتصر التوليدو بكل هدو فما ظنك بال 301 او حتى السى ايليزيه.

التوليدو اعلى بكثير من جداً من ال 301. و اذا احببت عقد مقارنه مع التوليدو فاعقد المقارنه بينها و ىين شقيقاتها الالمانيات.

هداك الله لارشد امرك و اقومه

السلام عليكم ورحمة الله و بركاته

اقتباس:

---

المشاركة الأصلية كتبت بواسطة nahsawy

ممكن تقولى لقيت التوليدو فى اباظه متوفرة تسليم فورى ولا لا. وبكام.
انا كمان بفكر فيها جديا كقيمة مقابل سعر وانا حاطط ايدى على قلبى من
توافر وسعر قطع الغيار
وقلة عدد مراكز الخمة
وسعر اعادة البيع

ربنا يهدينا لما فيه خير

---

اه يا افندم متوفرة تسليم فوري تمنها من الوكيل 147 و تسليم فوري 154

مواتير و انتشار البيجو تكسب بسهولة

فرق 10 احصنة فى الموتور للبيجو و شبه غياب للتوليدو فى الشارع

و لو فتيس التوليدو dsg انسى

Seat Toledo

اقتباس:

---

المشاركة الأصلية كتبت بواسطة م أحمد

مواتير و انتشار البيجو تكسب بسهولة

فرق 10 احصنة فى الموتور للبيجو و شبه غياب للتوليدو فى الشارع

و لو فتيس التوليدو dsg انسى

---

التوليدو مش dsg
الفتيس 6 سرعات عادي
نفس فتيس و موتور الاوكتافيا
و هي عربيه اعلي كثير من ال 301 في الثبات و عوامل الامان و حتي قوه الموتور و الاتساع

اقتباس:

---

المشاركة الأصلية كتبت بواسطة arc_sherif_81

التوليدو مش dsg
الفتيس 6 سرعات عادي
نفس فتيس و موتور الاوكتافيا
و هي عربيه اعلي كثير من ال 301 في الثبات و عوامل الامان و حتي قوه الموتور و الاتساع

---

مسألة الثبات دى محتاجة واحد ركب العربيتين و ساق على نفس الطريق بنفس السرعة علشان يحدد العربية الثابتة حس بيها ثابتة ازاى و اللى كانت هتتقلب كان فاضل لها اد ايه و تتقلب

عوامل الامان موجودة فى الاتنين

قوة الموتور ...البيجو اقوى و مش عارف ازاى يعنى " حتى قوة الموتور " بعد مواصفات فنية منشورة و معروفة و مين قال لك موتور الاوكتافيا بالقوة اللى انت فاكرها...بكلمك من واقع ركوبى لها و هى محملة بالتكييف

طيب يعني ما فيش حد ركب العربيتين و يقول رايه تاني ولا اقفل الموضوع واروح اشتري كيا سيراتو !!!

انا مركبتش الاتنين بس التوليدو حلوة جدااا إمكانيات علية صناعة اوربى سعر ممتاز اوبشن كتير
انا عن نفسى عايز اجبها بس حليا مش هينفع
العربية عليها طلب كبير اليومين دول
حضرتك خش قسم سيات هتلقى تجارب للاعضاء فية
وممكن تدور على الجروب بتعها على الفيس بوك لو حابب اجبلك اللينك قلى