المشاركة الأصلية كتبت بواسطة أبو يحيى
السلام عليكم
معلش هو فيه خلط حصل بس طبعا مش مقصود من أصدقائنا
بصوا يا جماعة و على أد معلوماتى البسيطة
1 - عمود الكردان ده بيبقى زى ماسورة حديد قطرها 2 بوصة تقريبا بيبقى موجود أسفل السيارة
ووظيفته بينقل الحركة من صندوق التروس ( اللى تحت الفتيس ) الى الكرونا ( اللى بتبقى عاملة زى البطيخة ودى بتبقى فى أخر العربية بين العجلتين الخلفيتين )
2 - نيجى بقى لعمود الكامة ( الكامات ) وده بيبقى عمود داخل الموتور وبيقى عليه دواير بيضاوية اللى هى بيسموها الكامات وده فايدته التحكم فى فتح وغلق صمامات دخول البنزين للموتور وخروج العادم منه
ده على حسب معلوماتى البسيطة أرجو أن أكون قد أفدتكم ولو بمعلومة بسيطة
لسيادتكم جزيل الشكر وكل عام وحضراتكم [الف خير