السلام عليكم
زي ماانتم عارفين المصايف في معظم انحاء مصر بقت تقرف والجو مش قد كدة بالاضافه الي غلو الاسعار وبعد ماتدفع قد كدة برضة ماتنبسطش لانت ولا الاسرة
والمصيف بالنسبالي يعني اشوف البحر واشم الهوا بتاعه ف
فكرت جديا اني اخد شقه في حدود 100 متر مسطح غرفتين علي البحر مباشرة ف اي مكان علي الكورنيش وطبعا العمارة متكونش قديمة اوي
الاسعار ايه دلوقتي والمتر ف حدود كام ...وايه رايكم في الفكرة...
للاسف العين السخنة والساحل الشمالي استغفر الله العظيم وحشين جدا ومستواهم قل
مستني رايكم
اعتقد اسكندريه نفسها مش هتكون مريحه بالنسبه ليك علشان الزحمه والمستوى الاجتماعى والله اعلم
عايز شقة على البحر مباشرة
لازم يبقى معاك اتنين مليون على الاقل
عمارة لسة جديدة علي كوبري ستانلي علي طول ، المساحات من ٢٤٠ م٢ و في نموذجين واحد علي البحر و التاني علي الزقاق . المتر ب ٢٠ الف و ١٥الف . متهيالي ده الحد الاقصي دلوقتي.
2 مليووون !!!اقتباس:
المشاركة الأصلية كتبت بواسطة ahmedwagdy03
هي الاسعار بقت كدة!
دة كدة استحاله
انا فاكر حاجة ف حدود 600 او 700 الف بالكتير مثلا
انما 2 مليون ف شقة مصيف كتير جداااا
اعتقد يوجد اسعار اقل
لو انت اسكندرنى يبقى اكيد هاتلاقى حاجه أقل من 2 مليون - انا معرفش الاسعار
لكن اللى اعرفه كالتالى
كل اللى بيشترى شقق فى اسكندريه بيحارب انه يبيعها بعد كده - اسكندريه فى الصيف ما هى الا اتوبيس هيئة نقل عام مزدحم ومرمى فيه زباله وطافحه فيه المجارى
اسكندريه سبحان الله على جمالها وعلى اهلها فى الشتاء
نصيحه بلاش 100 متر - 60 متر كفايه ودور على التالى
قريه سياحيه مغلقه
هتاخد استديوا أو شاليه صغير بالحديقه بتاعته - هايكلفك فى حدود 400.000 وهاتصرف عليه 100.000 - وصاريفه السنويه هاتبقى فى حدود 2000 - 3000 جنيه
القريه يفضل انها تبقى قريبه من منطقه سكانيه عاديه مأهوله بالسكان
متاخدش على البحر مباشرة - خلى بينك وما بين اول صف على البحر 200 متر - صدقنى ارخص وأوفر مستقبليا ويا سلام لو كنت تقدر تشوف البحر بشكل جزئى
الاهم من ده كله المكان لازم يكون راقى علشان متندمش
متابع
فى برجين ورا رمادا المتر كان ب9 واسكندرية مدينة رائعة سواء صيف او شتا وممكن تاخد مساحة 70 متر كفاية
الراجل دا جاب من الاخراقتباس:
المشاركة الأصلية كتبت بواسطة msobhy
اسكندرية راحن عليها خلاص الا فى الشتا
ازيك ياباشا ..احنا اصدقاء من ايام النوبيرا :d :dاقتباس:
المشاركة الأصلية كتبت بواسطة msobhy
كلامك مقنع ولكن فين القرية دي...انا دخلت المعمورة ولقيت فيها شقق وحجات كويسة ..ايه رايك!
وللاسف ياباشا مصر كلها نادر جدا نااااادر انك تلاقي حاجة فيها جزء من الرقي...قرية مارقيا اللي ف الساحل الشمالي اللي كنا بنحكي عليها ف يوم من الايام روح شوفها دلوقتي...فلاحين ومستواها بقي زفت ودبان ونموس وفوق دة كلو اسعار استعباط
شعب همجي وبلطجي وقليل الادب الا من رحم ربي
يامسهل
بص حضرتك انت لو بتدور على شقه على البحر مباشره فانت بتتكلم فى سعر للمتر من 10000 الى 20000 حسب المنطقه وخدمات العماره ومستواها وبالتالى حرام يتدفع مبلغ زى ده فى شقه مصيفيه ويبقى الحل كالتالى انت ممكن تدور على شقق تالت او رابع نمره من البحر وبتكون شايفاه او روف فى عماره شيك ودول حتلاقى نفسك بتتكلم فى اجمالى سعر شقه 90 متر من 500000 الى 800000 حسب الموقع وخدمات العماره ورؤيتها للبحر او ضحى برؤيه البحر بشكل كبير وخد حاجه تانى شارع او تالت شارع فى حدود 400000
اما عن رأيي الشخصي حاول تاخد حاجه فى الساحل بدايه من الكيلو 34 "كرير" الى الكيلو 55 حتلاقى قري شيك جدا ومستواها مميز وفى رنج السعر اللى انت بتدور عليه ومش شرط ساعتها تاخد حاجه على البحر مباشره لان اغلب القري الجديده بتكون متخططه انك تشوف حدائق وجزء من البحر من القري دى "سيدرا"ودى قريه صغيره ودى تعتبر ميزه وعيب ولكنها ممتازه وراقيه جدا عندك قريه فالنسيا قريه جديده وبالرغم انى مدخلتهاش بس اللى دخلها شكر فيها وعندك كرير لاجون كويسه وهكذا قري كتير فى المنطقه دى حتعجبك والميزه انك حتكون بينك وبين اسكندريه ساعه الا ربع بالكتير ومع ذلك قاعد بعيد عن دوشه اسكندريه فى الصيف اللى احنا كاسكندرانيه بنكره الخروج فىها
والنهايه انت محتاج تنزل فى نهايه الصيف على شهر 10 او 11 وتاخد لفه فى 3 او 4 ايام فى اسكندريه والساحل وحتلاقى اللى يريحك وتكون مرضي بيه لان العقارات فى اسكندريه دلوقتى من كترتها بقت بترضي كل الازواق والمطالب .
تحياتى.
يا هندسه وانا عمرى انسى رجالة الدايو - احلى ايام بصراحه كنا ما زالنا عائله واحدهاقتباس:
المشاركة الأصلية كتبت بواسطة ahmad--ezzat
المعموره نسبيا كويسه - ليه صديق شقته فى المعموره مساحتها تقريبا 90 متر - سنة 2012 كان بيقول لى انها تعمل فى حدود 600.000
بصراحه انا مروحتهاش ولا مره فى الصيف - انا باهرب من اسكندريه فى الصيف وخصوصا يوم الخميس يا معلم
بص يا هندسه - لو انتم عائله كبيره متفاهمه جدا يبقى اتوكل على الله واشترى لك الشقه اللى عجباك - بس انا كل قرايبى اللى بيشتروا بيزهقوا جدا من المكان وبيبقوا عايزين يغيروا
بالنسبه ليه ان شاء الله - يحينا ربنا ويرزقنا - كمان 10 أو 15 سنه هاشترى استديوا فى قريه ينفع اعيش فيها - لكن المهم هو عوامل الامان والرقى النسبى وتوفر الخدمات
والاهم من كل ده انه يبقى بعيد عن الدوشه والزحام
اقتباس:
المشاركة الأصلية كتبت بواسطة ahmad--ezzat
من اكثر من عشرين سنه كان العجمي وتحديدا البيطاش ( شهر العسل وبيانكي) هو المكان المفضل ( لبشوات البلد) والمشاهير منهم واخر عشر سنوات او اكثر هجر هؤلاء العجمي واتجهو للساحل الشمالي.
وتركو لنا حلل المحشي والمكرونه وحضرتك الان تصف لنا الساحل وكانه الواقع الموجود في العجمي ولست ادري أين اتجه هؤلاء بعد الساحل!.
هذا كان رد على جزئية الحال الموجود في الساحل الآن.
اما بالنسبه لشراء شقه كمصيف في الاسكندريه بالمبلغ المرصود فلا انصح به اما لو كان للاستقرار بها فلنا كلام اخر على أية حال.
كما تعلم الاسكندريه معظمها تقع على البحر وشرقها يختلف عن غربها فشرقها افضل واغلى في الاسعار ثم اساسأ اهل الاسكندريه عندما يقصدون المصيف فيهربون الى مطروح.
المبلغ المرصود لشراء شقه كمصيف من الممكن استغلاله في شيء اخر يوفر لك كل عام شقه بمكان محترم بحيث لا تبقى مقيدا بمكان واحد.
عيد سعيد عليك يا هندسه
كلام سليم فعلااقتباس:
المشاركة الأصلية كتبت بواسطة msobhy
بلاش تربط نفسك
جدد كل سنه مكان وانزل فى اوتيلات
كلام من الأخراقتباس:
المشاركة الأصلية كتبت بواسطة gade2
مهما كانت الشقة حلوة ومكان ممتاز هتصيف فيها سنة أو أتنين وبعد كده هتزهق وهتحتاج تغيرها
خلي فلوسك معاك وكل سنة شوف أحسن قرية أنزل فيها سواء في الساحل الشمالي أو الغردقة أو شرم أو حتى مرسى علم
ملحوظة مهمة : مستوى الخدمة في المناطق السياحية بيختلف من وقت للتاني فبلاش تربط نفسك بمكان واحد
متابع
لا تذهب الى الاسكندرية الا في الشتاء ...هي جملة متكررة اسمعها كثيرا....لكنها جملة صحيحة من عشر سنين
اما حاليا فالاسكندرية حالها كحال مدن مصر ....زحام صيف و شتاء
تحياتي