أفتكرت موقف إيجابى وبعدين قلب بسلبى
من كام سنة روحت أوصل أقارب ليا مطار برج العرب
وكنت متخيل انى هروح مكان بدائى وأى كلام
لما وصلت فوجئت بمكان فخم جدا وشيك جدا ومريح نفسيا بكتير جدا عن مطار القاهرة
باركينج بـ 5 جنيه لأى عددد من الساعات ان شاء الله تسيبها طول النهار
وفوجئت انهم بيسمحوا للناس كلها تدخل صالة المطار
فيه كراسى للزوار وتكييف طبعا ونوافير جميلة ومسطحات مائية وشاشات عرض
وحمامات 5 نجوم ومصلى وفيش كهرباء فى كل مكان علشان اشحن موبايلى
واللى إتفاجأت بيه إنترنت واى فاى عالى الجودة مجانا
واتمشيت فى المطار براحتى وكنت مبسوط جدا ومش مصدق نفسى من المعاملة الحضارية المحترمة
روحت نفس المطار تانى بعدها بسنة أو اتنين
كل الإيجابيات اللى ذكرتها إنقلبت الى النقيض
وبقت معاملة بهيمية
الباركينج سلموه لشركة خاصة اسمها الفرسان عاملين بوابات إلكترونية الساعه بـ 5 جنيه
لو ساعه وثانية واحده تدفع 10 جنيه وهكذا !!!
مع ان المطار مش مزدحم اصلا والباركنج كان فاضى قبل كده
ممنوع تدخل الصالة الا المسافرين فقط
والناس تترمى بره فى باركينج السيارات اللى قاعد على الرصيف واللى فارش حصيرة وقاعد على الأرض واللى قاعد فى كافتيريا وحيده بره اى كلام
وكل البشر دول ليهم حمام زبالة متكسر وقذر جنب الكافتيريا
ومكان الصلاة حتة حصيرة فى الباركينج
وحاجه زفت وقطران
وحسبنا الله ونعم الوكيل
هو حرام المواطن المصرى يتعامل بآدمية !!!!
المفضلات