عربيه سعاده الباشا

**AHMEDCAR** · 20-11-2008 11:36 AM

العربيه دى بتاعه ظابط صورتها امبارح و انا رايح الشغل كنت سايق العربيه و بصراحه منظر العربيه بتاعه الظابط ده استفزنى اوى خلانى احس ان فى حد بيمصلح عليا

و بصراحه معرفتش هو رتبته ايه علشان الفاميه بتاع العربيه بس هو غالبا ملازم اول او نقيب و طبعا النمره اللى موجوده قدام شايلها خالص و سايبلنا النمره اللى وراء

و ده شكلها

**madoo** · 20-11-2008 11:56 AM

استهبااااااااااااااال اكيد

وشكرا على الموضوع

**mada121977** · 20-11-2008 12:35 PM

ماهى الصوره دى اكبر دليل على عداله ونزاهه قانون المرور الجديد اللى بيفرق بين عامه الشعب اللى زينا والبشوات والبهوات بتوع الشرطه والنيابه
بلد تقرف

**Amrrr** · 20-11-2008 12:35 PM

حلوة منك اويييييييييييييييييي انا لسة شايف منظر شبه دا في صلاح سالم الصبح بس هو كان سايب النمر بتاعة عامة الشعب (متواضع يعني ) لكن العربية اوضة نوم في هيونداي كوبيه وبرضة كانت سودا مش عارف ايه حياة السواد اللي بيحبوا يعيشوا فيها بدلة سودا ونمر عربيات سودا وواغلب الوان العربيات سودا والفاميه طبعا اسود من كل اللي فات لدرجة اشك انه يكون بيشوف بالليل منها

**AHMEDCAR** · 20-11-2008 12:38 PM

عاوز اقولكوا حاجه ياشباب برضو مش كلهم لكن الاغلبيه منهم****

يعنى مثلا اخويا الكبير و كيل نيابه عربيته فعلا سوداء قولتله مافيمتهاش ليه قالى يعم مش كل شويه حد يوقفنى و اقعد اطلعله الكارنبيه الكلام ده و فى الاخر الناس هاتبصلى بصه مش كويسه على ايه خليها كده

و برضو حاطط النمره بتاعه عامه الشعب

غالبا هو مش وكيل نيابه و بيضحك علينا فى البيت:k20:

**tutankhamoun** · 20-11-2008 12:39 PM

هي دي مصر يا باشا

**ahmed76** · 20-11-2008 12:55 PM

هو ايه المشكله يا جماعة دايما كده نسىء الظن بالبشوات
طيب مين عرفك انه ظابط
ده مواطن عادى وغلبان جدا و
دى اللوحات المعدنيه الجديده اللى هتنزل 2009

و لو عمل مخالفة بلغ عنه
سيارة نيسان صنى
ملاكى الاوفيسر سترونج اينف رقم
private home 1010

والراجل كاتب رقم بيته كمان

**wesam_salom** · 20-11-2008 12:57 PM

دى مش بلدنا
احنا مخطوفين فى الذره
دى بلدهم هما بس
وكل واحد حر فى بلده

**A_H_M_A_D** · 20-11-2008 01:01 PM

أنا شفت قبل كده ظابط مش حاطط نمر لا قدام ولا ورا
كل اللي حطة 3 نجوم ورا مكان النمرة ..... وعجبي

**Amrrr** · 20-11-2008 01:04 PM

المشاركة الأصلية كتبت بواسطة AHMEDCAR

غالبا هو مش وكيل نيابه و بيضحك علينا فى البيت:k20:

جامدة

وفعلا مش كلهم طبعا في منهم مؤدبين جدا وولاد ناس - في واحد صاحبي ملازم وقفوة مرة في كمين ودهنوا النمر بتاعته !!! هو محترم انه لم يعترض على تصرفهم معاة وهما محترمين (اللي في الكمين) عشان مارضيش يسيبه يمشي بنمرة الممسوحة وهو ظابط
بس دا قليل جدا انك تلاقيه في طبقة الظباط ووكلاء النيابة ولاحظت انه كل ماكبر في السن بيزداد احتراما لنفسه ولبدلته والسلطة اللي في رقبته وبيكونوا فهموا الدنيا صح غير اول ماتخرج من الكلية

الموضوع: عربيه سعاده الباشا

LinkBack

أدوات الموضوع

عرض

عربيه سعاده الباشا - انشر الموضوع فى :

-

-

-

المواضيع المتشابهه

الشرطة فى خدمة بنات الباشا

الباشا قعد يخمس بالعربية لحد ما وقع فى حفرة == صور ==

ما هى .... عربيه احلامك.....عربيتك الحاليه... عربيه نفسك تشتريها...عربيه تحب شكلها ؟

الباشا المعوووووووج

القبض على عربية سعاده الباشا

الكلمات الدلالية لهذا الموضوع

المفضلات

المفضلات

ضوابط المشاركة