الموضوع: معلومة صغيرة عن ال dsg

شكرا ليك جدا على الموضوع الممتاز.. احنا فعلا محتاجين النوعية ديه من الموضوعات :)
سؤالين بس بخصوص السواقة المانيوال:
1- ايه اللى بيحصل لو انا ماشى مانيوال وسرعتى قلت او زادت عن الغيار اللى انا عليه (مثلا لو ماشى على الاول) هل العربية بتنقل لوحدها ولا بتفضل على نفس السرعه؟
2- اعمل ايه لو انا داخل على ملف او مطب.. هل اهدى وانا ماشى على الd ولا اغير مانيوال؟

..
يا ريت يا جماعة الخير حد يفيدنى
هو فتيس الـ dsg موجود فى موديلات من أول سنة كام فى الباسات.
عايز أشترى باسات وخايف من الفتيس.
لأن معايا أوكتافيا a5 وطبعا فيها نفس المشكلة
مش عايز أخرج من حفرة أقع فى دحديرة ... :)

تحياتى
محمد

سوال ياكبير لو انا قررت اسوق مانول علطول بكده مش هحس بمشكله dsg خالص خاصه ان عربيات dsg مش فيها دبرياج

يابتنزل من الفتيس يا شيفتات التاره


بفكر اجيب باسات محتاج رايك المانول علطول هيحافظ عليه ؟

المشاركة الأصلية كتبت بواسطة stalky911

ال DSG: هو 2 اسطوانة دبرياج و لما بتبقي ماشي براحة بيكون كده و لا كده وحدة معشقة و التانية فاضية فاتشخلل عادي جدا و شوية شوية و حتتعوده عليه.

شوية حاجات كده علشان نحافظ عليه:

هوا احسن فتيس سوقته في حياتي كلها بس ليه طريقة سواقة بال D عادي في الزحمة بس خليك حنيين و متعملش kickdown غير لو فعلا حتيجري جامد مش تعمل Kickdown و تقف علي طول, ده كده يبوظه و كمان متجيبش ال P خالص !!! غير لما حتقفل العربية بس !! يعني متجبهاش كل لما تقف في اشارة
و كمان لما تركن ارفع فرامل اليد الاول !! و بعد كده هات ال P علشان وزن العربية يتحمل علي الفرامل مش الفتيس.

و طبعا للاشف حليك علي طول في الصيانة مع التوكيل و برده في حاجة شبه لذيذة و خدعة حلوة انك في كل صيانة 10,000 كم تبلغ المهندس ان الفتيس بينتش معاك و خليه يعملك اوردر من المانيا بميجا جديدة (حتي لو الفتيس شغال زي الفل) علشان لو لقدر الله حصل حاجة يبقي انت مبلغ عن حوار الفتيس و هما اللي لابسيين الموضوع و انت في ال Safe Side.

طبعا في الجولف عندي 2012 MOVE في حاجة عندي اسمها Oil Temp (عداد ديجيتال في ال MIFI) ]ديه للاسف مش موجودة في كل العربيات و فيه طريقة انك تعملها Active عن طريق ال VAG Com بالكمبيوتر. المهم الدرجة المناسبة للفتيس علشان احسن أداء (للسرعات) هي من 110 لحد 145 أقل من كده زي الفل طبعا بس اكتر من كده لازم تقف علي طول و تطفي المحرك علشان الميجاترونكس كده تبوظ.

للاسف هو فتيس جامد جدا و مريح جدا و موفر جدا في البينزين, بس طبعا ظروف السواقة في مصر بتقصر في عمره و برده اسلوب السواقة لو وحش بيبوظه بسهولة.

نيجي للدبرياج هما 2 و كده ولا كده زي اي عربية مانويل بيتغيره بس طبعا عمرهم الافتراضي بيقل لو اسلوب السواقة وحش.

ان شاء الله لو عملته اللي بقوله ده, مش حيحصل حاجة للفتيس بنسبة كبيرة و حيعيش معاكم وقت اطول ان شاء الله.

و بالتوفيق ان شاء الله

انا سمعت انك لما تمشى مانويل بتأخر النقل السريع بتاع الفتيس .. لان النقل السريع بيبوظ الميكاترونيك .. فهل الكلام دا صح ولا غلط .. ودلوقتى لو انا ماشى فى طريق كل شويه بقابل مطب فلو مشيت على المانويل ونقلت على rpm 3 هيأخر النقله ويريح الميكاترونيك .اما لو فضلت على d الفتيس هينقل بسرعه ويجيب السابع على طول ويفضل طالع نازل . ايه رأيك ؟ ياريت عاوز اعرف ايه الطريقه الصح والامثل لاستخدامه لانى بمشى اغلب الوقت مانويل وبنقل على rpm 3 فى طرق زحمه او مفتوحه بس فيها مثلا مطبات فكل شويه بقف وبمشى تانى . واتعودت عليه كدا ومش تعبان منه.. فهل كدا غلط ؟ ..
عاوزين آخر كلام فى الموضوع ..