الموضوع: ثعبان في البيت

السلام عليكم ورحمة الله وبركاته

النهاردة بفتح باب الشقه وقت الظهر نازل لشقة والدي ووالدتي وفي ايدي حجات منزلها عندهم

إتفاجئت بثعبان نازل امامي عالسلم .. طوله حوالي 50 سم ورفيع ( سمك اصبع اليد الصغير )
ولونه اسود

انا تنحت شويه مابين بفكر اتصرف ازاي .. خاصة ان ايدي مشغوله بحجات مينفعش احوطها عالارض وكنت قفلت باب الشقة ورايا
ومابين اني مصدوم .

و خلال الفتره دي كان هو بدأ يتحرك اسرع في النزول لما حس بيه .. وانا نازل وراه متتبعه
وراح داخل الشقة اللي تحت مني ( شقة طوب احمر وفيها كراكيب كتير )

ومجرد ما دخلت وراه ملقتوش

روحت نازل بسرعه لشقة والدي مدخل الحجات اللي كانت في ايدي .. وطلعت تاني

دخلت الشقة اللي فيها الكراكيب دي .. لقيته عالارض واقف مش بيتحرك .. واول ما حس بيه

راح مستخبي تحت الكركبه وبعدين طلع يجري على جوه في مكان ضلمه وكله كركبه اكتر

و من ساعتها ماشفتوش .. كان رجع والدي من صلاة الظهر .. وطلع معايا وحاولنا ندور عليه بدون فائده

وفي إحتمالات انه يكون لسه في الشقه دي .. او دخل عالمنور .. والله اعلم هيروح فين في المنور ومن المنور على فين تاني

او ممكن يرجع للسلم تاني او طلع برا البيت خالص

عدم معرفتي هو فين وايه مصيره .. مسببالي توتر .. وقلقان حد من الاطفال الصغيره او اي حد يتفاجىء بيه عالسلم زي ما اتفاجئت بيه

المنطقه زراعات على اراضي فاضيه فيها طوب وتراب وهدد بيوت .. والحجات دي

دلوقت عندي اسئلة

1- اعمل ايه علشان اموت الثعبان ده او اسطاده .. يعني الفار بنعمله مصيدة وكده .. ده نعمله ايه ؟

2- ازاي اضمن ان مفيش منه تاني في البيت .. يعني مش جي وجايب اخوه معاه

3- ازاي اخليهم مايدخلوش البيت تاني .. ايه اللي يبعدهم يعني

انا قلقان جداً وخايف يدخل شقة والدي .. لان عندهم مفارق كتير في الشبايك .. والبتاع ده رفيع

ربنا يحفظ الجميع .

بص ياباشا اي مخزن بيبقي فيه فيران صراصير ابراص وحجات تانيه

الحل انك تحاول تنضف من كل الكراكيب دي وتشيلها...وحتي لو قتلت التعبان دة

هيظهرلك غيرو وغيرو ...عالج السبب الاول...واكيد لو ظبط الكراكيب دي هتلاقيه وممكن تلاقي غيرو والله اعلم