حصل معايا موقف ومتضايق شوية !!!
من حوالي اسبوعين كنت ماشي في الشارع الرئيسي عندنا في البلد وهوه شارع مقسوم من النص بالبتاع اللي عامل زي المطبات بس عالي شوية المهم ان الطريق يادوب بيعدي عربيتين جنب بعض .
المهم وانا مشي طبعا على مهلي لمحت عربية بوكس راكنه بس بزاوية شوية زانقة الطريق سنة المهم لمحتها بتتحرك لورا وانا داخل نحيتها المهم كلاكسات ونور ووقفت الاقي العربية راجعة برضه وراحت خابطة فيّ ووقفت
طبعا انا متضايق ومذهول ليه الافندي اللي جوا ماوقفش! الاقي (الباشا العسكري) جاي ع العربية وبيفتح الباب بالمفتاح وهايركب انا كنت نزلت وبزعق وبكلمه وهو بمنتهى البرود ركب البوكس وفر ومشفتوش
الطريق كان مطلع شوية والبيه سايب العربية من غير تعشيق ولا هاند بريك
طبعا الباب الوراني يمين اتحك من اوله لأخره وبعمق كبير ورحت تاني يوم رديته ع البارد مع انه قاللي عايز حموات المهم كنت مستعجل عشان كنت مسافر
مش ده المهم المهم بقى انا متضايق جدا من الاهمال واللا مبالاه بتاعة عربيات الشرطة وهل احنا بنضيع حقنا لما نسيبهم يعملوا فينا كده :sad: يعني ايه اللي الواحد ممكن يعمله معاهم في موقف زي ده
والا اكتم في نفسي واسكت واقول كويس انها جات على اد كده :K15:
كنت عايز اسمع منكم عشان الصراحة مخنوق ومش عارف ايه المفروض كان يتعمل؟؟!! :k41:
العين تدمع والقلب يحزن واللسان لا ينطق الابما يرضى الله
قدر الله و ما شاء فعل
الحذر ميمنعش قدر وربنا ليه فى اللى حصل حكمة لا يعلمها الا هو عز و جل
وخلى بالك ان ربنا بيقدر وبيلطف
مش ممكن كان فى حاجة تانية مستنياك فى الطريق وربنا لطف بيك بالموقف اللى حصل ده؟؟
لا الزعل ولا الخنقة هتغير اللى حصل
لو فكرت بالطريقة اللى بقولك عليه دى والله هتهدا وترتاح
ولازم تحمد ربنا حماك من حاجة اكبر