افتراضي ارجو الافادة من ملاك اللانسر شارك او اللى ركبها وركب غسرها و يقدر يحكم

بعد التحية لاعضاء المنتدى الكرام انا ناوى ان شاء الله اجيب عربية لغاية 160 ميال للشارك و طبعا اقدر بالفلوس دى اركب فئه محترمة فيها و خليجى ياريت من مالكى الشارك او من اللى ركبها و ركب اللى زيها في نفس الفئه يقوللى عن مدى رضائه بالعربيه و هل هى اختيار امثل في رنج الفلوس ده و لا في حاجه احسن ارجو الحيادية في الرأى و ارجو اللى يقول رأيه يكون عن تجربه اللى محيرنى اني سامع كلام كتير ومتضارب جدا في الاراء مش عارف ازاى رغم اني سألت في المصرية و في معرض تانى لقيتها محجوزة و مش موجودة كل اللى جاى محجوز انا بحب الجرى و الغرز فطبعا يهمني موتور قوى و ثبات عالى الاوبشن بالنسبة لى يجي في المرتبة الثانيه بعد الثبات و السرعة مع مراعاة اني اقدر اركب فئه عاليه فيها فهيبقى فيها اوبشن كويس باستثناء التكييف و الباور انهم يكونو كويسين طبعا
موضوع الشكل رغم ان اللانسر شكلها قديم الا انى مقتنع بى و عاجبنى
يهمني اعرف مدى تفوقها او عدمه قصاد مثيلاتها في الفئه زى الالنترا او السيراتو او اى حاجه تانيه منافسه في نفس الفئه و اسف جدا على الاطاله و شكرا مقدما لكل اللى هيشارك

عربية تعبانة ليس فيها غير بلد الصنع ولكنها لاتعبر عنها عزل سئ تحس انك فى الشارع موتور لايتناسب مع وزن العربية (حوالى 1500 كجم) وليس له عزم وخصوصا من الصفر وعلى السرعات المنخفضة موتور مزعج صوته عالى وهناك من تملكها معجب بهذا الصوت ولا ادرى لماذا ويقول ان موتورها رياضى احنا بنركب عربية مدينة مش سبق تكييفها جيد جدا ثباتها جيد شكل قديم من 9 سنين لم يتغير ومنتظر ان يتغير العام القادم (2016 او 2017) الاكصدامين ضعاف جدا بالسعر ده ممكن تركب نيسان سنترا هذا مااراه وفقك الله للخير وتقبل تحياتى

ونسيت اقول لك شنطة ارتفاعها قليل لا تستطيع معها وضع شنط سفر او عجلة اطفال صغيرة او اى حاجة ليها سمك

افضل سيارة فى سعرها

بدليل انها من اكثر العربيات مبيعا فى مصر

ثباتها عالى

موتور ضعيف على العربية .. انا بقول من زمان اقل موتور يركب على الشارك 1800

و فى حدود المبلغ الى معاك تجيب اعلى فئة بدون بصمة .. البصمة بتعلى السعر حوالى 5 الاف

شنطة مش واسعة اوى

عربية حلوة و اعادة بيعها ممتاز

اقتباس:

---

المشاركة الأصلية كتبت بواسطة azhk

عربية تعبانة ليس فيها غير بلد الصنع ولكنها لاتعبر عنها عزل سئ تحس انك فى الشارع موتور لايتناسب مع وزن العربية (حوالى 1500 كجم) وليس له عزم وخصوصا من الصفر وعلى السرعات المنخفضة موتور مزعج صوته عالى وهناك من تملكها معجب بهذا الصوت ولا ادرى لماذا ويقول ان موتورها رياضى احنا بنركب عربية مدينة مش سبق تكييفها جيد جدا ثباتها جيد شكل قديم من 9 سنين لم يتغير ومنتظر ان يتغير العام القادم (2016 او 2017) الاكصدامين ضعاف جدا بالسعر ده ممكن تركب نيسان سنترا هذا مااراه وفقك الله للخير وتقبل تحياتى

---

متفق معاك بشده في رأيك عن الشارك .... العربيه فعلا مفيهاش غير اسم

عربية حلوة جدا
بالنسبة لى مشكلتها الكبيرة جدا قطع غيار فلكية جدا جدا

لو عايز تركب افضل عربية يابانى يبقى مازدا 3 ... بدون اى منافس ... بس تزود حبيتين قارن السيارات: تويوتا كورولا 2013 1.6L vs. ميتسوبيشي لانسر 2013 1.6L GLX vs. مازدا 3 2012 Sedan 1.6L

مازدا الافضل فى كل حاجة بلا اى منافس
الوحيدة المصممة للعمل باعلى كفاءة ببنزين 92 بدون اى مشاكل عكس اى منافس يحتاج بنزين 95
افضل من شارك بكتير و افضل من كورولا

فلوانس اول فئه احسن قيمه مقابل السعر اللي حضرتك محدده

انا متشكر اوي للناس اللي ردت بس للأسف حيرتي زادت أكتر الاّراء متعاكسة مش عارف

خليك فى فيرنا او لانوس وان كنت افضل الفيرنا لانها اعلى نسبيا من اللانوس وحضرتك فى ارياف فى الطرق مش متظبطه كويس كمان المطبات وان انت جديد فمن المتوقع انك تحتاج ميكانيكى او قطع غيار والعربيات دى متوفره ومنتشره وصيانتها سهله
بالتوفيق

خالص احترامي للآراء المذكوره لكن
العربية معايا من شهر ٢ ٢٠١٥ تحفة بمعنى الكلمة موتور قوي ١٦٠٠ ميفك جري وثبات واتزان وعلى مسئوليتى العربيه موجوده آه بالمناسبة شارك هاي لاين شرق اوسط وموجود لأي استفسار من سيادتك

اقتباس:

---

المشاركة الأصلية كتبت بواسطة sherifwahab

خالص احترامي للآراء المذكوره لكن
العربية معايا من شهر ٢ ٢٠١٥ تحفة بمعنى الكلمة موتور قوي ١٦٠٠ ميفك جري وثبات واتزان وعلى مسئوليتى العربيه موجوده آه بالمناسبة شارك هاي لاين شرق اوسط وموجود لأي استفسار من سيادتك

---

بما انك من الملاك لاحظت ان العربية بعد المطبات بتتشال و تتحط ...و كان الموضوع دا لاحظته و امامى شارك و صنى على نفس السرعة تقريبا...الصنى اخدت النزلة بتاعة المطب و ثبتت و الشارك طالعة و نازلة شوية.

و كمان ناس تتكلم انها مع التحميل بتهبط....ايه اخبار نظام التعليق الخلفى ؟

عربية مقلب و هتندم ولي بيشتريها محدثي سيارات او الناس الي بيضحك عليهم في كل حاجة دول .
العربية ديه ٢٠١٢ الفول اسبوت معدا فتحة سقف ب ١٢٥ و السعر الحالي هو نصب و رزق الهبل علي المجانين ، و ذلك لان الموديل القديم ٢٠٠٨ كان بيأتي بي امكانيات اعلي و قطع الماني مثل البور الكهربا الي مش موجود في الموديل الحالي ده غير ان العربية الحالية مرشوشة من الخارج فقط و متشال منها عوازل الصوت و الحرارة علي عكس موديل ٢٠٠٨ الارخص الفاشل .

و دليل علي كلامي ان شركة متسوبيشي اضربت بموديل شارك الفاشل اعلن المدير التنفيذي للشركة وقف انتاج لانسر شارك ، و العربيات الي عندنا في الشرق الاوسط غالباً ملمومة و معاد تعدلها .

انا برجح لحضرتك تلقي نظرة علي السيات توليدو من وجهة نظري افضل سيارة في الفئة السعرية ديه من حيث تقريباً كل شئ و ميغوركش السعر الشركة مقللة المكاسب لغزو السوق ، سياسة وكيل .

اقتباس:

---

المشاركة الأصلية كتبت بواسطة sherifwahab

خالص احترامي للآراء المذكوره لكن
العربية معايا من شهر ٢ ٢٠١٥ تحفة بمعنى الكلمة موتور قوي ١٦٠٠ ميفك جري وثبات واتزان وعلى مسئوليتى العربيه موجوده آه بالمناسبة شارك هاي لاين شرق اوسط وموجود لأي استفسار من سيادتك

---

100 100
نفس رأيي

http://www.nilemotors.net/Nile/475651-a.html

اقتباس:

---

المشاركة الأصلية كتبت بواسطة Dangolo

عربية مقلب و هتندم ولي بيشتريها محدثي سيارات او الناس الي بيضحك عليهم في كل حاجة دول .
العربية ديه ٢٠١٢ الفول اسبوت معدا فتحة سقف ب ١٢٥ و السعر الحالي هو نصب و رزق الهبل علي المجانين ، و ذلك لان الموديل القديم ٢٠٠٨ كان بيأتي بي امكانيات اعلي و قطع الماني مثل البور الكهربا الي مش موجود في الموديل الحالي ده غير ان العربية الحالية مرشوشة من الخارج فقط و متشال منها عوازل الصوت و الحرارة علي عكس موديل ٢٠٠٨ الارخص الفاشل .

و دليل علي كلامي ان شركة متسوبيشي اضربت بموديل شارك الفاشل اعلن المدير التنفيذي للشركة وقف انتاج لانسر شارك ، و العربيات الي عندنا في الشرق الاوسط غالباً ملمومة و معاد تعدلها .

انا برجح لحضرتك تلقي نظرة علي السيات توليدو من وجهة نظري افضل سيارة في الفئة السعرية ديه من حيث تقريباً كل شئ و ميغوركش السعر الشركة مقلله المكاسب لغزو السوق ، سياسة وكيل .

---

هي دي الحقيقة برافو Dangolo