وظيفة بدون مؤهل و لا مؤهل بدون وظيفة

السلام عليكم
كل سنة و انتم طيبين و عيد سعيد علينا جميعا و على الامة الاسلامية ان شاء الله
كنت محتاج استشارة من اهل الخبرة في موضوع شخصي شوية.
لاني لقيت كل ما الواحد يكبر في السن تفكيره بيتغير و نظرته للحياة بتكون اوضح و اعمق و صحيحة عما كانت عليه نظرته من سنين.

الموضوع باختصار علشان ماطولش عليكم.
انا خريج بكالوريوس زراعة 2008 و بعد ما دخلت الجيش و كده روحت اشتغلت في شركة خضار على اساس اكون مهندس جودة ؛ لقيتهم محتاجين واحد خبرة فاشتغلت امن صناعي و بعدين روحت شغال في نفس الشركة برضه مسئول شئون عاملين و ده من 2011 لحد دلوقتي.

بس بعد مرور الايام لقيتني حابب ارجع لمجالي تاني مجال الزراعة و اشتغل بمؤهلي خاصة اني قعدت ادرس كم سنة علشان احصل على المؤهل ده .
فهل لو اشتغلت جودة بالمؤهل بتاعي يكون افضل مع العلم اني لسه هابدأ من الصفر لكن لو معايا خبرة سنة واحدة بتفرق كتيير في سوق العمل.

متردد حالياً خاصة و اني باجهز ادرس دبلومة في مجال الجودة

شوف خبرتك وسوق العمل محتاج ايه الشهادة للجواز وشوف بعد كدة ايه بيجيب فلوس حلال مش كل شوية تغير عتبة محلك يعني وظيفتك الثقل المهني يغلب طالما بيجيب فلوس وربنا يعملك اللي فيه الخير وكون ان انت مراقب جودة دا اعلي من اللي شغال نفسه بص للموضوع كأنك غريب عنه بالمعطيات اللي عرفتها جيدا موقع وظيفي ومادي وعالمدي البعيد وربنا يعمل لك الخيركمان مرة