مشروع محل كاويتش - لو سمحتم اللى عنده معلومه مايبخلش بيها
السلام عليكم
باختصار - انا الحقيقه شغال فى مجال ال information technology من حوالي 23 سنه و خلاص زهقت من الشغل ده و نفسي اشتغل حر - من غير مدير مقرف او عميل صعب مبيحددش طلباته بشكل واضح
فبأفكر فى مشروع صغير - عباره عن محل بيع كاويتش و بطاريات - الحقيقه انا كمان زهقت من القاهره فبأفكر جديا في الانتقال الى الاسماعيليه - فالسؤال هو
دلوقتي ممكن الواحد يبتدي بمعرض صغير مثلا - 200 فردة كاويتش واشتريهم من الموزعين فى مصر ولا لازم استيراد
وبعدين لو البدايه صغيره -- فتقريبا بيكون مكسب الوحده كام
واكيد هكون محتاج عامل على الاقل كبدايه - فبيكون مرتبه كام
واللى عنده معلومه تانيه ارجوكم متبخلوش بيها
اشكركم للمساعده