تقرير رحلة شرم من الاسكندرية ذهاب وعودة..
السلام عليكم..
انا حبيت اشارككم تجربتي في السفر لشرم وذلك لتعم الفائدة وتدعولي دعوتين بظهر الغيب..
اولا انا سيارتي فيرنا
ثانيا الصيانه والكشف قبل السفر مهم جدا وتقولهم في التوكيل انك مسافر سفر طويل
ثالثا الكاوتش وضبط الهواء والضغط مهم جدا
رابعا ودي حاجه تقديريه ليك وهي احساسك بالعربية وهل تقدر تسافر سفر طويل ولا ممكن تقل معاك..وده بيبان من تاريخها معاك
نخش في المعركه بقي..
التحرك من اسفل بيتي كان الساعة 4.30 صباح الجمعة بعد ما صلينا الفجر وتوكلنا علي الله..
طبعا طريق اسكندريه القاهره بقي حاجه عالمية والسرعه اترفعت بقت 120 بس انا كنت بجري من 120 لحد 170 ومنصحش حد يعمل كده لانه شيئ غلط جدا وفي منتهي الخطورة بس انا كنت قليل الخبره في السفر ومقضيها والمشكله انك بتجري ومنتاش حاسس عشان كله بيجري زيك والطريق واسع..
المهم وصلت بوابة القاهرة 6.30 وبعدين الدائري قعدت فيه كتير و الطريق وحش مش زي طريق اسكندرية القاهرة وصلت on the runاللي عالدائري 8 الاربع ولقيت اول مفاجأة..
مفيش بنزين 92 !!!!!!!
الموجود بنزين 95 بس ب 6.25 جنيه..طبعا محطيتش المهم قعدنا في on the run حوالي نص ساعة واتحركت اخدت طريق السويس وبدرور علي بنزين 92 وبعد مل لفيت الناحيه التانيه لبنزينه وملقيتش فيها رحت واحده تانيه التعاون جنب مدينة بدر وفولت وتنفست الصعداء وده كان درس ليا عشان المفروض احط بنزين كل اما يقل للربع لكن انا استنيت لحد ما المؤشر نزل لبعد النص وخصوصا واضح انه كان في ازمه بس اللي خلاني مفكرش فيها ان اسكندريه كان البنزين فيها بدون اي ازمه يعني الخلاصه ده درس انك متسيبش العربيه تنزل عن النص ابدا وانت مسافر..دخلنا بقي منطقة النفق علي الساعة 10 دفعنا ال2 جنيه وعدينا علي حوالي الساعة 10.30 جوه سينا بقي مكنتش بفوت بنزينه الا لما افول منها لدرجة احيانا مكنتش بتاخد غير 5 لتر بس انا كنت اتعلمت الدرس..
مشينا في طريق راس سدر وهو طريق عباره عن حارتين رايح جاي بس جميل ومفيهوش قلق وبعدين قابلتنا ابو زنيمه وبعدين الطور كنت بجري برضه عالطريق ده بوصل ل 150 و160 ربنا يعافيكم ومحدش يعمل كده ارجوكم..
بعد الطور ب 70 كيلو تقريبا بدأت التعاريج الرهيبه بس لو ماشي بالراحه ومركز هتعديها بمنتهي السهوله بإذن الله..وقفت في رست قبل شرم بحاجه بسيطه عشان كنت خلا مش شايف قدامي وبنام نزلت من العربية غسلت وشي بميه متلجه عشان افوق وشربنا حاجه في الرست ودخلنا الحمامات و قعدنا بتاع نص ساعة كده وتوكلنا علي الله علي شرم وصلنا البوابة الساعه 1.30 من ظهر الجمعه ودفعنا ال5 جنيه ومن البوابه للفندق حوالي نص ساعة يعني وصلت الفندق تقريبا الساعه 2 ظهرا..
ال check in اخد حوالي نص ساعه كنا في الاوضه الساعه 2.30 .. والحمد لله قضينا كام يوم حلوين .بالنسبه بقي للرجوع اسهل كتييييير عشان كنت اتعودت عاطريق وقررت الاستمتاع بالرحلة عملت check oout الساعة 12 الا ربع وكنت واخد الطريق كده علي 12.30 ظهرا وكنت ماشي علي 120 ل 140 بس غصب عني كنت بلاقي السرعه زادت من غير ما اقصد وكنت بنزل تاني ل 120 ..الطريق لحد النفق كان ممتع ..عملت رست في بنزينة وطنية بعد النفق علي طول و من بعد النفق للقاهرة الطريق كان زفت عشان بيجددوا الطريق وفي كذا وصله..وهي دي كانت اسوأ حاجه في الرحله..
دخلت القاهرة علي 5.30 كده عشان انا كنت راجع عالقاهرة يومين كده.
ودي الحكايه بإيجاز غير مخل..
اللي حابب يسألني علي حاجة انا تحت امره ..