المشاركة الأصلية كتبت بواسطة Nfs Rivals
أ. محمد البﻻسى
بالرغم من اﻻنتشار الفظيع للفيرنا وفي التاكسيات خاصة .. تﻻقي وتسمع شكاوى من سواقين التاكسي من الفرنا.. ﻻن موتورها جبار وبيجمع بسرعة
وهبلة عالطريق وجراية ومش بتكسف صاحبها لو بيشد مع بي ام المانى عالطريق .. شوفت لدرجة ايه.. زى ما كانت ال504
بتشد مع اتخن اى عربية وبتغلبها عالطريق كذلك الفرنا ودة ﻻن الخواجة بتاعها ربنا ينتقم منه ونسمع خبره قريب .. البيه معللى التربو بتاعها ومش متظبطة مع وزن وتقل البودى بتاعها عشان كدة بتعوم ومش بتلم بسرعة
لسوء وضعف فراملها عكس النوبيرا وال516 بتلم نفسها بسرعة بتكلبش .. بس تعاﻻ شوفها وهى بتفرمل بتسحب .. عشان كدة حوادثها كتير
والى كان معاه فرنا وباعها بيشاورلك عالعربية ويقولك الفرنا دى عاوزة
سواق صح .. ماجبتوش وﻻدة
من اﻻخر يا محمد باشا ..لك حرية اﻻختيار في اﻻخر
عندك ال516 والنوبيرا 2
افشظضل واحسن من بعض .. اﻻتنين مش وحشين
بس اى صاج عربية كورى ويابانى او الصينى او الماليزى .. خد ركنة او ترييحة او خدش او خربوش او خبطة جامدة او خفيفة .. الصاج بيزعل وبيعوز يتسمكر.. اﻻ الحدادى
في صاج السيارات
اﻻلمانى .. اﻻمريكى.. الفرنسي.. اﻻيطالى.. اﻻسبانى
وبالله عليك تشتري حتة نظيفة من مكنة مش عاوزة عامرة وﻻ عفشة عاوزة بيض وﻻ جلب وﻻمقص وﻻ كبالن عشان ماتصرفش عليها وتكرهك في العربيات
وتانى هقولها
لو رش نظافة كلها بالﻻكصدامات بالرفارف اﻻماميةىعمرها ماتتعايب ابدا بس سعرها هيقل بتاع خمس بواكى عالبائع
عدا
كبوت
سقف
شنطة رش بﻻدها
ﻻن الواحد بيمشي في طرق مابعلم بيها اﻻ خالقها
وخد بالك ال516 واطية من تحت زى النوبيرا ودة هو الى بيحقق لك الثبات والرساوة عالسريع
مش عالية زى التيوتات والفرنا والفيفا فرنا
ولو عاوز تعليها عند اى عفشجى مانصحكش.. عشان ماتعومش وانت عالسريع وبتجري ولو انت مسافر لوحدك
ولتجنب الحك في مطبات مصرنا .. وانت داخل ع اى مطب .. خدها
زى المقص
او ب
/\ \/
عشان ماتتحكش من تحت سواء كنت ماشي لوحدك او محمل ورا
وبالله عليك شوف انت جبت ايه .. وفرحنا :)
عشان نباركلك