أستفسار بخصوص شراء موتوسيكل بجاج بولسار 200 ns :)

السلام عليكم و رحمة الله و بركاتة
إزيكم يا حبايبى عاملين إية ؟ كل سنة و أنتوا طيبين و يا رب يكون عيد سعيد عليكم و علينا إن شاء الله :36_3_10[1]:


كنت عايز أسأل أصحاب الخبرة فى مجال الموتوسيكلات و بالذات البجاج الهندى ....... أنا كنت بفكر أجيب بوكسر 150 سى سى و بصراحة شوفتها أحسن من الصينى بكتير ......... بس لما أعدت ادور على النت لاقيت فى موديل تانى شكلة أحسن بكتير و هو البولسار 200 إن إس !! فا يا ترى إية رأيكم فيه و هل فرق السعر الى أكتر من الضعف هيخلينى أحس بفرق كبير و لا مش أوى ؟ و هل بتيجى المكنة بمفتاح إيموبلايزر ضد السرقة و لا انا بحلم ههههههههههه

ال 200 ns لا تقارن بالبوكسر فرق كبير طبعا لكن ال 200 فيها عيوب خصوصا الموتور في ناس جابتها مكملتش شهر و فتحت الموتور لكن اللي اقدر افيدك فيه ان ال 220 RACER هي الافضل معايا من 2010 مفكتش مسمار

اقتباس:

---

المشاركة الأصلية كتبت بواسطة Adel.Nasr

ال 200 ns لا تقارن بالبوكسر فرق كبير طبعا لكن ال 200 فيها عيوب خصوصا الموتور في ناس جابتها مكملتش شهر و فتحت الموتور لكن اللي اقدر افيدك فيه ان ال 220 RACER هي الافضل معايا من 2010 مفكتش مسمار

---

شكراً جداً لحضرتك يا أستاذ عادل :)
بس أنا على فكرة مكنتش هشترى ال 200 ns انا بس كنت بسأل على الفرق بناءاً على إنى كنت مفكر إن البجاج الهندى دى حاجة أحسن من الصينى شويتين و بس :)
بس انا أتصلت بالتوكيل بتاعهم عندنا هنا فى دمياط و لقيت البولسار ال 150 ب 10800 جنية تقريباً و ال 180 ب 13800 بردة تقريباً , فلسه بفاضل بينهم الصراحة :) ........ فحضرتك رأيك إية لو جبت ال150 بولسار تبقى كويسة و لا هيبقى أدائها قريب من البوكسر ؟؟

تانى حاجة هل الى حضرتك بتقولى عليها دى ال racer 220 موجودة فى توكيل بجاج و لا لاء و يا ترى هتبقى بكام ؟
و أنت تقصد البولسار ال 220 و لا حاجة تانية ؟

حضرتك في البجاج افضل انواع هى البولسر ( 150 _180_ 200 _220) للاسف ال220 مش متواجد حاليا
بالنسبه لل150 افضل بكتير من البوكسر و حجمه مناسب و لو تقدر تكمل و تجيب ال180 هيبقى افضل
بص الفرق بين ال150 و ال 180 عن ال200 و ال 220 الاتنين الاول كاربيراتير و التانيين انجكشن (كهربائى)
ال 150 موتوسيكل حلو و هيعجبك اهم حاجه تحافظ على تغيير الزيت في معاده و تنضيف فبتر الهواء
مش عارف اقول ايه تاني لو في اي استفسار ابعتلي

تانى حاجة هل الى حضرتك بتقولى عليها دى ال racer 220 موجودة فى توكيل بجاج و لا لاء و يا ترى هتبقى بكام ؟
و أنت تقصد البولسار ال 220 و لا حاجة تانية ؟[/QUOTE]

ال 220 فيه منه نوعين الاول له فير زي الريس التاني له مالوش شبه ال 180

رديت على حضرتك على الخاص :)

و شكراً جداً على تعب حضرتك معاية يا أستاذ عادل :)

بس هل فعلاً ال180 ممكن نقول إن أدائها نفس أداء الهوندا الريس ال 250 العادية موديل 85 مثلاً و لا بردة الهوندا هوندا مفيش كلام ؟! :)

ال220 قوه و سرعه ممتازه ال 180 اقل في الاداء حضرتك ممكن تقارن بين ال220 و الهوندا 250 لكن ال 180 اقل منهم في الاداء

شكرأ جداً لحضرتك يا أستاذ عادل ربنا يخليك :)

الـ 220 غير موجود فى مصر ولو موجود بيبقى مستعمل ، وطالع عينه انت عارف الاستخدام فى مصر عامل إزاى .

اقتباس:

---

المشاركة الأصلية كتبت بواسطة sdeek

الـ 220 غير موجود فى مصر ولو موجود بيبقى مستعمل ، وطالع عينه انت عارف الاستخدام فى مصر عامل إزاى .

---

فعلاً طبعاً يا باشا أكيد معاك حق .....، و أنا عموماً بالنسبة للموتوسيكلات فأفضل إن الواحد يشتريها جديدة أحسن ...... بالذات كمان إن سعرها مش غالى أوى زى الموتوسيكلات اليابانى و الإيطالى و الألمانى :)

شكراً لمرور حضرتك الكريم يا أستاذ صِدِيق :)