كيا سيراتو 2010 ﻻ تزيد عن 160 كم فى الساعة ارجو المساعدة

**Fornoobz** · 24-09-2015 06:59 PM

السلام عليكم و رحمة الله و بركاته
انا معايا كيا سيراتو موديل 2010 على طول بسافر علي 120 بس انهاردة الصبح كنت مستعجل علشان اتاخرت و كنت عايز الحق صلاة العيد و الذبح فسافرت من طريق القاهرة/السخنة (القطامية) علشان طريق القاهرة/السويس مش كويس و مش منور المهم الطريق كان فاضى خالص و الساعة كانت 5 تقريبا فكنت عايز اشوف اخر العربية و قفلت التكييف و لما جبت اخر الدواسة جابت 150 بسهولة و جت عند 160 و لقيت الrpm وقف عند 4.5 و العربية مش عايزة تجيب اكتر من 160 مع انى فضلت جايب اخر الدواسة فترة كبيرة يعنى كانت بتجيب 170 بالعافية لو فى منزل فى الطريق و الrpm يوصل ل5 و بعد المنزل ترجع تانى بالتدربج مع العلم انا كنت راكب لواحدى و مكنش فى هوا وﻻ حاجة

العربية ماشية 30 الف كيلو بس و سحبتها زى الفل و الrpm بيوصل فى اول 3 غيارات ل6 او 6.5 عادى لكن فى الغيار الرابع بيقف عند 4.5 او 5 لو فى منزل فى الطريق مع العلم انا من فترة صغيرة غيرتلها فلتر بنزين و زيت ماتور و زيت فتيس و فلتر زيت و بوجيهان مع انها كانت نضيفة بس انا استعجلت و مفضلش غير فلتر هوا مغيرتوش بس بنضفه باستمرار و كل الى شافوه قالولى انه مش محتاج يتغير و انا معنديش مانع انى اغيره بس انا حاسس ان المشكلة مش منه و انا فى الاول افتكرت العربية يمكن هيا كدا بطبعا بس سألت كتير و قالولى كل الى معاهم نفس الموديل انها بتجيب 200 و شوية كمان فانا زعلت بصراحة لانى محافظ عليها جدا و انا مش بحب السرعة بس عايز اعرف ايه المشكلة و المرة الى جريت فيها كنت مطمن من كل حاجة و لسة من 3 شهور جايب كاوتشات bridgestone gr 90 و مظبط الضغط قبل ما اسافر علشان حوار الكاوتشات الى بتفرقع ديه لانها حصلت قدامى
اسف انى طولت عليكم و كل سنة و انتم طيبين :)

**eslam atia** · 25-09-2015 02:33 AM

يمكن الاوفر درايف شغال ؟

**mif** · 25-09-2015 01:31 PM

العربية معاك من الزيرو
و مفتحتش المكنة

**Fornoobz** · 25-09-2015 01:48 PM

معانا من الزيرو و لم يتم التلاعب بالمكنة تماما هى بس قعدت 5 سنين مبتسافرش يعنى مشاوير صغيرة بس و تم تغيير البطارية

**Fornoobz** · 25-09-2015 02:25 PM

المشاركة الأصلية كتبت بواسطة eslam atia

يمكن الاوفر درايف شغال ؟

اسف على التأخير فى الرد بس كنت بحاول اعرف كل حاجة عن الأوفر درايف و اعتقد ان العربية مفهاش أوفر درايف و مفيش زرار ليه أو لمبة حتى فى الطابلو
و لو حاولت انا اعمله من نفسى يعنى استخدم الغيارات و مجبش اكتر من التالت الrpm بيوصل لى 6 و 6.5 و عمرها ما هتجيب السرعة القصوة عليه يعنى يمكن اخره 140 أو 150 مش عارف الصراحة

**wael30003** · 25-09-2015 02:56 PM

اضبط زوايا ....ليها عامل فى زيادة السرعة بس ما اعتقدتش اكتر من ٢٠كم زيادة يعنى ممكن توصلك ل ١٨٠

**Bassem Youssef** · 25-09-2015 09:20 PM

العربيه ماشيه 5 سنين و بتجيب 160 ... اعتقد انها سرعه كويسه بالنسبه لاستهلاك الموتور

الصيانات الدوريه اخبارها ايه ؟؟ العربيه عامله كام كيلو ؟؟؟

**Fornoobz** · 26-09-2015 05:44 PM

المشاركة الأصلية كتبت بواسطة bassem youssef

العربيه ماشيه 5 سنين و بتجيب 160 ... اعتقد انها سرعه كويسه بالنسبه لاستهلاك الموتور

الصيانات الدوريه اخبارها ايه ؟؟ العربيه عامله كام كيلو ؟؟؟

لا أنت فهمتنى غلط أنا بقول العربية يعتبر مركونة بقالها 5 سنين يعنى مبتسافرش خالص هى مشاوير صغيرة بس و هى عاملة 30 ألف كيلو بس و متابع الصيانة أول بأول

**Fornoobz** · 28-09-2015 02:01 AM

طيب حد يعرف حد مضمون أروح أكشف عليها عنده أنا معتقدش أنى هجيب السرعة ديه تانى أصلا بس حابب أعرف هل هى فيها مشكلة ولا هى متبرمجة على كدا ولا أيه علشان أرتاح نفسيا بس و شكرا جزيرا