الموضوع: خيبه الأمل في اتصالات مصر

ادخلو يا جماعة على الموقع بتاعهم كل حاجه مكتوبة
www.etisalat.com.eg

يعني انتظرنا علي مفيش وحجزنا ارقام وكنا مبصوطين في ناس كانت بتقول الدقيقه 10قروش والرساله 5 بس كل ده طلع علي مفيش

أعتقد إن هذا أمر طبيعي جداً .
يا جماعة .. هما اتفقوا إن الشركة الجديدة تبتدي من حيث انتهت الشركتين ، يعني من نفس رينج الأسعار ، ثم تقوم كل شركة بعد ذلك بتقديم العروض والتخفيضات زي ما تحب .. هذا وضع طبيعي جداً .
لكن تخيلوا معي السيناريو الذي توقعتموه من خفض الأسعار لمستوى 10 قروش ، ماذا كان سيحدث .. فوضى عارمة ، خسائر رهيبة لموبينيل وفوادفون ، وضغط رهيب على الشبكة الثالثة لن تستطيع تحمله ، وفوضى كبيرة في تغيير الأرقام والنمر .
تخيل ببساطة انك بعثت رسالة لبعض أصدقائك تخبرهم بتغيير رقمك لتجدهم جميعاً غيروا أرقامهم كل هذا في غضون أيام .. مستحيل .. هذا الوضع سوف يكون مستحيلاً .
لذا أنا من مؤيدي الانتظار .. وإن غداً لناظره قريب

طبعا هو من المنطقى ان يبدأو بحيث مانتهى بية الشركتين التانين
بس انا من رأييى نصبر شوية ونشوف اية اللى هيحصل

على فكرة موضوع تقليل سعر المكالمات دة غير وارد لأن اللى بيحدده مش شركات المحمول و لكن الجهاز القومى لتنظيم الاتصالات (مش عارف اسمه كدة صح أم لا) و بالنسبة لمكالمات الموبايل أقل سعر مسموح به للدقيقة 25 قرش و هم أعتقد مش ناويين ينزلوه عن كدة خوفاً من ان الناس تبطل تستخدم التليفون الأرضى و تتجه للمحمول فى جميع اتصالاتها