انا مسافر الى مرسى مطروح الاسبوع القادم ..
ارجو معرفة الطريق بالضبط .. انا جاى من حلوان طريق الاتوستراد ..
وهل طريق العلمين مازال مغلق .. طيب ايه الطريق البديل ..
ارجو الرد ...
عرض للطباعة
انا مسافر الى مرسى مطروح الاسبوع القادم ..
ارجو معرفة الطريق بالضبط .. انا جاى من حلوان طريق الاتوستراد ..
وهل طريق العلمين مازال مغلق .. طيب ايه الطريق البديل ..
ارجو الرد ...
طريقك طوله حوالي 500 كيلو.. وهياخد منك حوالي 5 ساعات ونص بدون توقف.
طريق العلمين مقفول على حد علمي.. والبديل هو الوصول إلى العامرية في اسكندرية وبعدين تاخد طريق مطروح من أوله من عند الكيلو 21
التفاصيل:
- هتاخد الأوتوستراد لحد التقاطع مع دائري المنيب.. وتاخد الاتجاه اللي يوديك على وصلة المريوطية.
- لما تطلع على المريوطية.. قبل الآخر خلي بالك من تفريعة الكباري اللي في الآخر.. وخليك على الشمال علشان تاخد الدائري اللي هينزلك على الطريق الصحراوي المتجه إلى اسكندرية.
- هتعدي بوابة القاهرة لحد بوابة اسكندرية.. مفيش أي حاجة خالص غير إنك ممكن تريح شوية في الماستر.. بس ابقى خد بالك إنك تاخد طريق الخدمات من بدري قبل منه .. علشان الطريق دلوقتي بقى غير زمان خالص.
- بعد ما تعدي بوابة اسكندرية.. هتطلع أول كوبري عادي... وبعديه بحوالي 2 كيلو تقريبا فيه كوبري جديد بعرض الطريق قدام ماكدونالدز.. ما تطلعهوش... إنما خليك على اليمين علشان فيه كوبري تاني شبهه بالظبط بعديه علطول.. ده هو اللي تطلعه..
- هتفضل ماشي في الطريق ده .. ولا تروح يمين ولا شمال.. لحد ما توصل لتقاطع زحمة شوية... هو ده الكيلو 21... من هناك تاخد الصينية شمال .. وكده حضرتك وصلت أول طريق اسكندرية-مطروح.
- من أول الكيلو 21 .. احسب حوالي 3 ساعات بالعربية لحد مطروح على سرعة 80-100.
وتوصل بالسلامة إن شاء الله.
...
تسلم ياغالى .. انا همشى على الوصفة بتاعتك ..
بس هو ده الطريق البديل للعلمين
ده الطريق الأصلي.. وطريق العلمين هو البديل.
عموما.. تقدر تتأكد من الطريق على خرائط جوجل من هنا..
https://www.google.com/maps/dir/29.9...31.3489033!3e0
...
لسه مغلق للاصلاحات
والطريق ده كله كويس .. يعنى مفهوش مثلا حتت مكسرة وغير ممهدة زى العلمين
معلش هو لما اعدى بوابة القاهرة كنت بلف اول نيوترن عشان اخد طريق العلمين ..
دلوقتى اكمل عالطول بعد بوابة القاهرة لا يمين ولا شمال لحد بوابة الاسكندرية ..
يعنى ملفش .. زى ما انا عالطول ..
أيوه... حضرك ماشي علطول ولا يمين ولا شمال لحد ما توصل بوابة إسكندرية...
والطريق زي الفل لحد بوابة إسكندرية وأحلى من طريق العين السخنة... بس فيه شوية زحمة وعربيات بتعدي الطريق عند العامرية بعد ما تعدي البوابة.. بعد كده الطريق كويس قوي لحد الكيلو ٢١..
بعد كده.. الطريق ضيق وقديم حوالي ٣٠ كيلو لحد ما تعدي مدينة الحمام.. ودول أكتر مسافة مملة وخطرة في الطريق كله...
بعد كده طريق الساحل العادي.
وربنا يسلملك طريقك.
...
تسلم .. كل سنة وانت طيب