وإيه الحل مع الإهمال في صحة البنت ؟

**amr011111** · 26-09-2015 05:16 PM

مش شرط فى السن ده تسنن. ممكن بعد اسبوعين

**ESO101** · 26-09-2015 05:26 PM

المشاركة الأصلية كتبت بواسطة إنسانة

بس بالراحة من فضلك , انا بقولك انها في المعدل الطبيعي دي حاجة تزعل ؟

مليش دعوة بخلافاتك و مش بدافع عن حد هدافع ليه ؟ انا ردي بس من كلامك وممكن الاطفال الي بتقارنها بيهم مولودين وزنهم كبير اوعندهم قابلية للزيادة اكتر

بس وزنها من ضمن المعدل الطبيعي للوزن في السن دا وروح لدكتور اتاكد لو حاسس ان عندها ضعف في النمو وديها لدكتور بدون تاخير

ولكن الي بتقوله كله مش دليل اهمال

أنا بسألك إيه مقياسك للوزن الطبيعي ؟
وهل شايفة إن الطفل يقعد لحد مايكمل 9 شهور بدون أي اسنان
دا شيء طبيعي وبتقولي كمان خلال السنة الأولى
ولما الأم تدي الشغالة تغسل حاجة بنتها يبقى دا مش إهمال ؟
ولما الأم تدي بنتها اكل مخصص للكبار .. دا مش إهمال ؟
أنا هوديها للدكتور وهتأكد .. بس إيه حل الإهمال
واضح إنك بتصفي حسابات

**ESO101** · 26-09-2015 05:32 PM

المشاركة الأصلية كتبت بواسطة amr011111

مش شرط فى السن ده تسنن. ممكن بعد اسبوعين

بس هيا فاضلها اسبوعين وتخلص التاسع

**محمد عز** · 26-09-2015 07:01 PM

اوعى تقارن طفلك بالأطفال الاخريين، كل طفل مختلف عن التانى، انا ابنى التانى سنن وطلع سنان بعد عمر سنة والطفل اللى بعده ما زحفش ومشى متأخر عن أخوه

روق كده وبنتك مفهاش حاجة

وعلى فكرة فيه أزواج كتير بتغير لعيالها وتاكلهم عادى

**7oda** · 26-09-2015 07:04 PM

المشاركة الأصلية كتبت بواسطة إنسانة

والحليب الصناعي بديل اثبت كفائته والغالبية من الاطفال دلوقتي بيرضعوا صناعي وعايشين وزي الفل ومتفوقين دراسيا < هل فيه طفل بيرضع طبيعي لحد دلوقتي ؟

فى ابحاث طبية كتير اثبتت ان الرضاعة الطبيعية احسن بكتير من الحليب الصناعى
اطفال الرضاعة الطبيعية اقل عرضة لمرض السكر فى الكبر
الحليب الطبيعى بينقل الاجسام المضادة للامراض من الام للطفل فبيحمى الطفل من الامراض فى الشهور الاولى
فى بحث سمعتة ان عملية الرضاعة الطبيعية مهمة نفسيا للطفل
و فى ابحاث اخرى وجدت ان مرض التوحد يوجد بنسبة اقل فى اطفال الرضاعة الطبيعية

و فى الاخر منظمة الصحة العالمية بتنصح بالرضاعة لمدة سنتين او اكتر

فيريت محدش يقلل من قيمة الرضاعة الطبيعية

**إنسانة** · 26-09-2015 07:28 PM

المشاركة الأصلية كتبت بواسطة ESO101

أنا بسألك إيه مقياسك للوزن الطبيعي ؟
وهل شايفة إن الطفل يقعد لحد مايكمل 9 شهور بدون أي اسنان
دا شيء طبيعي وبتقولي كمان خلال السنة الأولى
ولما الأم تدي الشغالة تغسل حاجة بنتها يبقى دا مش إهمال ؟
ولما الأم تدي بنتها اكل مخصص للكبار .. دا مش إهمال ؟
أنا هوديها للدكتور وهتأكد .. بس إيه حل الإهمال
واضح إنك بتصفي حسابات

حسابات ! لووول

مش فاهمه تقصد ايه بتصفية الحسابات , انت عصبي لسبب ما زيادة عن اللازم انا مالي ؟

وابحث بنفسك

Your child's size and growth timeline | BabyCenter

ومن ناحية النضافة مهمة بس مش تعقيم مبالغ فيه زي اللي قبل 6 شهور << "مين ينضف ايه مش مهم" المهم تبقى نضيفة

واقصد خلال السنه الاولى يعني معاها كمان 3 شهور او لما تكمل السنه , ممكن تسنن في المده دي

والاكل بجد الطفل في السن دا بياكل اكلنا طبعا مش محمر وشطه بس الاكل العادي بياكله مخفف بالميه مع بعض الاستثنائات

واضح من اسلوبك انك قلقان على بنتك وبتكتب بعصبية بس الافضل تروح لدكتور مش تتخانق اونلاين صح ؟

**إنسانة** · 26-09-2015 07:41 PM

المشاركة الأصلية كتبت بواسطة 7oda

فى ابحاث طبية كتير اثبتت ان الرضاعة الطبيعية احسن بكتير من الحليب الصناعى
اطفال الرضاعة الطبيعية اقل عرضة لمرض السكر فى الكبر
الحليب الطبيعى بينقل الاجسام المضادة للامراض من الام للطفل فبيحمى الطفل من الامراض فى الشهور الاولى
فى بحث سمعتة ان عملية الرضاعة الطبيعية مهمة نفسيا للطفل
و فى ابحاث اخرى وجدت ان مرض التوحد يوجد بنسبة اقل فى اطفال الرضاعة الطبيعية

و فى الاخر منظمة الصحة العالمية بتنصح بالرضاعة لمدة سنتين او اكتر

فيريت محدش يقلل من قيمة الرضاعة الطبيعية

محدش انكر ا الرضاعة الطبيعية افضل شيء للطفل بس انا لحد النهردة مابقلتش الام دي <كله عايش على الصناعي

ومش معنى كدا اني بقلل من الطبيعي بس هنقول لواحد بالعصبية دي الرضاعة الطبيعية افضل وهتخلي الطفل مايجلوش سكر واذكى وارفع وانجح واشطر والي بيرضع صناعي هيطلعله ديل !

خلاص البنت بترضع صناعي وعمرها 9 شهور

وهو بديل متقارب جدا من الطبيعي وبالعكس بيخلي الطفل وزنه اكبر من الطبيعي ومدعم بالفيتامينات والحديد الي مش موجودة في الطبيعي

فالطفل على الصناعي بيسنن عادي ووزنه بيزيد عادي بس في وقت خاص بالطفل

hh · 26-09-2015 08:18 PM

اولا مفيش حاجة اسمها مش باقتنع بالدكاترة. الأطفال الرضع لغاية سنة و نص سنتين المفروض يتابعوا بشكل دوري مع دكتور كل شهر او شهرين بالكتيرعشان يتابع نمو الطفل من حيث الوزن و الطول و قطر الراس و الاستجابة العصبية و العضلية و استجابة الحواس و حاجات تانية كتير.

ثانيا موضوع الوزن ده مش مقياس للصحة, هو احد العوامل انما مش الأساس و سواء الوزن او الطول بيبقى فيه حد أدنى و اقصى للطبيعي أي حاجة في النص بيبقى عادي. و الطفل اللي وزنه زيادة غلط زي اللي قليل. موضوع الاكل من اكل البيت و المعلبات مفيهاش حاجة. البنت داخلة على عشر شهور يعني كلها شهرين تلاتة و تبقى بتاكل زي الكبار و المعلبات دي كويسة جدا و مضمونة. الرضاعة الطبيعي طبعا ممتازة بس مش كل الأطفال بترضى تفضل ترضع طبيعي و فيه أمهات أصلا لبنها بيبقى قليل جدا و ميكفيش كغذاء للطفل. انا اعرف ستات كتير مقدرتش ترضع و لا واحد من ولادها مهما حاولت. الحاجات دي مش بايدها.

موضوع التسنين ده فروق فردية من طفل للتاني. انا بنتي الكبيرة سننت اربع شهور وده غريب لأن الطبيعي مش قبل ست شهور, انما بنتي الصغيرة مسننتش غير على سنة و الحمد لله سنانها زي الفل. المشي برضه فيه أطفال بتمشي عشرة حداشر شهر و فيه أطفال يتقعد لقرب السنة و نص مش بتمشي كويس. اللي يقول اذا كانت كويسة و لا محتاجة كالسيوم و فيتامينات الدكتور برضه اللي حضرتك مش عايز تروحله :)

بالنسبة للنضافة, البنت كبرت كفاية و مش محتاجة غلي و تعقيم زي الأول. المبالغة في الحاجات دي بتضعف مناعة الأطفال مش بتزودها.

على فكرة ابهات كتير - منهم جوزي - بتأكل و تغير و تنيم, كنوع من المساعدة للأم يعني مش عيب. رعاية طفل في اول سنتين من عمره شيء مرهق و صعب جدا و الأب لما بيساعد بيخفف عن مراته و كمان بيقوي الروابط بينه و بين طفله بشكل كبير