الموضوع: استشارة في تركيب dvd سينفوني وكاميرا خلفية

الراجل كلامه صح، لازم تدي للكاميرا كهربا بصورة مستمرة لان الجهاز السيمفوني (و على حد علمي كل الاجهزة الموجودة في السوق كده) مفيهوش امكانيه انك توصل كهربا للكاميرا لما تدوس علي الايقونه.
اما بقى هل ده حيحرق الكاميرا ولا لا، فأنا توقعي انه حيحرقها اسرع من لو وصلتها على المارشدير بس.

شكرا للمشاركة ...

انا راجعت الوصلات الي الراجل عاملها لقيت كابلين. واحد كهرباء موجب والتاني حاجة زي كابل كونترول لانه لما يكون متوصل بيخلي الكاميرا تظهر علي الشاشة ولا يمكن الخروج منها الا بفصل هذا الكابل. الكابلين متوصلين بالدواية بتاعة لمبة المارشدير.

جربت أشيل الوصلات دي ومديت كابل للكاميرا من فيوز الكاسيت ولغيت كابل الكنترول. والنتيجة ان الكاميرا اصبحت تشتغل من السوفتويير بتاع الجهاز فقط.

بعد كدا جربت ارجع كابل الكنترول واوصله لدواية لمبة المارشدير والنتيجة انها الان بتشتغل مع المارشدير اوتوماتيك وايضا من السوفتويير.

المشاركة الأصلية كتبت بواسطة nasr-eldeen

الف مبروك
ممكن راي حضرتك في الجهاز ده
لأَنِّي بفكر اركبه وخايف يكون مش بالجودة اللي بسمع عنها مقارنة بسعرة
وحضرتك اشتريته بكام وتركيبه كام
وربنا يبارك لحضرتك فيه وفي سيارتك

الله يبارك فيك.
بص انا جبت الموديل الي فيه بلوتوث وجي بي اس. لكن بدون سي دي و واي فاي و 3 جي.
الجهاز جيد جدا من حيث نقاء اللصوت وعلوه ايضا بدون تشويش. وان كان دا راجع ايضا للسماعات لكني معملتش حاجة في سماعات العربية. زي ما هما.

السوفتوير والقوائم بتاعته سهلة وممكن متحتاجش تقرأ الكتالوج.

الشاشة نقية جدا خصوصا علي افلام الهاي ديفينيشن

في اوبشنز كتير جدا لدرجة انك محتاج يوم تظبط فيه علشان تعمل بروفايل

في aux, 2usb, sd card, bluetooth, radio, 2 av, camera, & support multi function

العيوب بقي..

برنامج الجي بي اس بيفتح في مدة. حوال 10:15 ثانية من زمن الضغط علي الزرار وبداية التحميل. لكن بعد كدا سريع. وبقيت البرامج التانيا سريعة

الخرايط الي علي الجهاز قديمة من 2010 ولو عايز التحديث فعلي الانترنت ب79 دولار .. او تجيبه من التوكيل نسخة ب 150 جنيه.

حصل مرتين معايل ان الجي بي اس وانا بخرج منه يهنج واضطر اقفل الجهاز واشغله من جديد.

والجهاز بالكاميرا بالتركيب ب 1650

المشاركة الأصلية كتبت بواسطة nasr-eldeen

جميل جداً
لكن حضرتك ممكن عنوان التوكيل
وكم سعره
وبالنسبة للموديل الثاني حضرتك بتقول فيه 3G ,wi fi هل ده بنظام أندرويد وممكن سعره
ومرة اخرى الف مبروك وربنا يباركلك فيه وفي سيارتك

* التوكيل في فرع في المهندسين والمعادي بس مش معايا الكتالوج الوقتي علشان العنوان بالظبط.
* السعر تقريبا 1400 لوحده. بدون الكاميرا والتركيب.
* الموديلات كالتالي:
بدون جي بي اس 950 او 1000 تقريبا
الموديل الي في جي بي اس الي انا اشتريته 1400
الموديل الثالث في كل حاجة cd. Wifi. 3g. ودا اندرويد وتقريبا "كينوود" وسعره تقريبا 2800