السلام عليكم
ما رايكم فى هوندا سيتى 2016 - انا شايف مازدا 3 او سوباروا امبريزا افضل بس خايف من التوكيل
ياريت حد ينصحنى
شكرا
عرض للطباعة
السلام عليكم
ما رايكم فى هوندا سيتى 2016 - انا شايف مازدا 3 او سوباروا امبريزا افضل بس خايف من التوكيل
ياريت حد ينصحنى
شكرا
لا متخفشى توكل على الله و هات مازدا عربية محترمة عيبها الوحيد ان ماتورها قديم عليها و مش بتاعة شد
وانا كمان برده بفكر جديا اجيب الهوندا سيتى فيا ريت حد يفيدنا وشكرا
الهوندت سيتي غالية علي الفاضي
عربية اصغر من الفيرنا و ب175 الف لية
مازدا احسن منها بكثير
او لو عايز حاجة حلوة و ليها اعاجة بيع يبقي ياريس
او طبعا زود و هات كورولا عربية ممتازة و كمان شوف الشارك
معلش مع احترامى لحضرتك مين قال انها اصغر من الفيرنا و متستاهلش؟
حضرتك ركبتها ؟؟ شوفتها؟؟ عارف امكانيتاها ؟؟ عارف يعنى ايه هوندا؟؟؟
معلش لا الشارك ولا الياريس يجوا جمبها حاجة
استاذ طارق اخر حاجة تخاف منها هى التوكيل .... انا اقدر اقولك من تعاملى مع توكيلات مختلفة مفيش توكيل بيهتم برضا العميل ذى توكيل هوندا خصوصا و ان فى اشراف عليه من هوندا الشرق الأوسط فى دبى
هقول لحضرتك حاجة بسيطة:
1- التوكيل الوحيد اللى لما حصل حملة استدعائات كلم العملاء
2- التوكيل الوحيد اللى بعد كل صيانة تلاقى مكالمة من دبى تتأكد ان كلوا تمام
3- التوكيل الوحيد اللى لما لقى قيمة الصيانة فى مرة كانت 3350 عملى خصم اوتوماتيك و خلاها 2890
4- التوكيل الوحيد اللى تروح و انت مطمأن ان لما تخلص صيانة عربيتك هتسوقها تحسها فاقت و رجعت زيرو
دى خلاصة تجربتى 7 سنين مع التوكيل و مع السيتى 2006 و لو ربنا كرم انا هركب 2016 منها عربية بمعنى الكلمة
السلام عليكم
جميعها عربيات ممتازة
انما مش خيتفع تاخد كل حاجه
فيه الجميله و الذكية و المتدينه و لاكم تشوف بتحب مين فيهم
لو يهمك تسارع و اداء محرك و توفير بنزين يبقى الهوندا
لو بيهمك الثبات شديد و متعه قيادة سوبارو
لو عاوز ثبات حلو و شياكه مازدا
لو عاوز التلاته bm 320
e90 بس موديل قديم و مصاريف كتير
شوف سيفيك استعمال خفيف حتحقق المعادله الصعبه و ممكن تشوف المستعمل بتاع التوكيل نضيف اوى و عليه ضمان !
العربية تصميمها اكثر من رائع واسعة جداا من جوه بالنسبة لحجمها الهاي لاين منها ممتاز
توكيلها يعتبر من احسن و انضف التوكيلات في مصر ...
مفيش ياباني زي الهوندا .. هي غاليه لانها ببساطة بعد الألماني وان كانت تتفوق على الألماني في حاجات كمان و شكراً
الإمبريزا عربيه ممتازه بس واطيه جدا (14 سنتيمتر) وده إرتفاع مأسوي في شوارعنا الجميله أما المازدا فدي عربيه بطه نازله بموتور قديم أربع نقلات
انا شفتها قبل كدة و ركبتها و كلو
بس من برة قد الصني بلاش الفيرنا او يمكن كمان اصغر من الصني الجديدة
هي ااه كعربية ممتازة و امكانيتها ممتازة انا مقولتش حاجة في كدة
بس لية اشتري الهاي لاين ب 185 لما ممكن اشتري كورولا ب 185 برضو و اكبر منها و نفس الاداء و كمان اعادة بيع ممتازة و قطع غيار مترمية في كل مكان
عشان الهاى لاين بتاع السيتى فيه اوبشن مش موجود فى الكرولا الهاى لاين نفسه ... تانى حاجة لو همشى تبع السوق و قطع غيار و الكلام دا ... الهوندا قطع غيارها موجودة بره و لكن انا من الناس اللى مادام هشترى عربية بالمبلغ دا مش هخلى غير التوكيل اللى يلمسها .... خلاصة الكلام هوندا تركبها و انت مغمض
التيوتا جميلة بس مش زى الهوندا
بص حضرتك امكانيات الهاى لاين فى السيتى و البيزك فى الكرولا اللى ب 185 هتلاقى فرق رهيب جدا
بالظبط كدة
العربيات مبيتقارنش بينها بالاوبشنز
لو علي كدة اشتري اي عربية صيني و وفر لو بتدور علي الاوبشنز
لكن لو هنقارن بين كورولا و سيتي الكورولا هتكسب بنسبة 100%
و الدليل علي كدة انا ما شفتش غير 2 هوندا سيتي و شفت بتاع 10الاف عربية كورولا
حضرتك ممكن تكون شوفت كورولا كتير لان دي ثقافة شعب مش لانها كويسه .. زي الناس اللي بتقولك كورولا موديل ٢٠٠٥ ب ١٢٠ و هي متسواش غير ٦٥ الف و يبقى كتر خيرها
و زي البومة اللي ب ١٢٠ و ١٣٠ الف
الموضوع الناس معندهاش ثقافة في العربيات خالص وثقافتها من الميكانيكية !!! و قليل اللي فاهم
طب لو كان السيتي مثلا ب 140 الف مش كانت اكتسحت السوق
دية كانت مش هتخلي ولا عربية تتباع لكن 185 الف دية فئة تانية خالص
انا معاك ان تسعير العربيات في مصر مجنون بس دي مشكلة عامة مش هوندا بس .. بس عارف انا ركبت ألماني كتير و ياياني كتير
بجد والله الهوندا زي الألماني في فئتها بمواتير أقوى عدا التربو وانا معاك ان ١٨٥ الف غالي بس ده المتاح في مصر
فعلا مينفعش نقارن السيتى بالكورولا لأن دى فئة و دى فئة بس انا من النوع الميال للسيتى للأسباب كتير
تانى نقطة و هى التسعير كل العربيات فى مصر سياسة التسعير بتاعتها زفت لما تبقى الأكسنت الهاى لاين ب 159 يبقى الهوندا تستحق الهاى لاين ب 185
نقطة انها مش منتشرة عشان ثقافة شعب مش اكتر اننا نشترى العربية المنتشرة حتى لو وحشة
ان العربية مش بالأوبشنز لأ انا الأوبشنز مهمة بس تكون من ماركة محترمة زى هوندا
انت بتقول اي كلام اولا...ثانيا الكورولا متتركبش غير هايلاين ...ثالثا السيتي واسعه من جوه جدا و الشنطه كذلك ..رابعا اداءها احسن بكتييير من الكورولا..اخيرا انا مش راكب هوندا اصلا عشان محدش يفتكر اني متحيز..ده تقييمي بناءا علي التست درايف اللي عملتو و عربيات صحابي الركت معاهم.
جنوط وكمان استبن سبور وزرار ستارت وسمارت كي دخول باللمس وجير سي في تي الجديد بشيفتات في الطارة وبلوتوث وكروز كنترول ومالتي في الطارة وفتحات تكييف خلفية وشنطة واسعة جدا وكنبة خلفية طي وحساسات ركن وشاشة dvd وموتور قوي و كل ده مع "هوندا"
وكل ده ب 186 ألف في التوكيل وبرا التوكيل أقل كمان
تمام التمام
انا بس عايز اقول حاجة انا معنديش تويوتا ولا عندي هوندا
بس انا عايز اقول علس حاجة علشان الناس متقولش اني متحيز للتويوتا
التويوتا لو عملنا مقارنة بينها و بين السيتي الكورولا تتفوق بمراحل لكن الكورولا و السيفيك
مفيش اصلا مقارنة ما بينهم السيفيك تتقارن بالسبورتاج بالاوكتافيا بالجيتا لانها فعلا من احسن العربيات
نصيحتي للاستاذ طارق بالسعر دة اشتري كورولا و نصيحة بلاش السيتي
لان الكورولا فئة و السيتي فئة و كمان هتاخد نفس مميزات السيتي ونفس الاداء ماعدا الوبشنز لكن الكورولا
هتتفوق ي انها اكبر و اعادة بيع احسن و قطع غيار رخيصة و موجودة في اي حتة و عربية حمالة اسية
لو بقي هنبص للاوبشنز يبقي اشتري byd l3 الجديدة مليانة اوبشنز
السيتي عربية ممتازة لكن سعرها مبالغ فية بزيادة و فئة اقل من الكورولا تعادل الياريس و الشارك
اولا انا مش مع حضرتك فى الكلام دا فعلا الكرولا فئة و السيتي فئة اصغر شوية و احنا دلوقتى بنقارن عربيتين يابنى فا فكرة ان الاوبشن مش مهمة لأ مهمة جدا فى حاجة اسمها القيمة مقابل الفلوس شوف دى هتديك ايه مقابل الفلوس اللي هتشتريها
السيتى تتفوق فى استهلاك بنزين و ابشن و شكل داخلى
الكرولا تتفوق فى الشكل الخارجى و ثبات اكتر من السيتى
هنا اللى بيشترى هيحدد ايه اللي هو محتاجه اكتر و هيتجه ليه
ثانيا قطع الغيار بالنسبة لقطع الغيار التوكيل بيوفر من الابرة للصاروخ و اي حاجة مش موجودة خلال اسبوع او اتنين يالكتير ووتكون متوفرة و انا من النوع اللي جربت قطع الغيار الاصلى و المضروب و اللي بيتباع فى الاسواق و بيتضحك علينا و بيتعبى فى علب الاصلي ... طول ما قطعة الغيار مش اصلي بتقصر من عمر العربية
اعادة البيع دى بقى المفروض مفكرش فيها لأنى بشترى عربية واتبسط بيها و متوقع تعيش معايا على الاقل 7 سنين و يمكن اللى بيركب هوندا مبينزلش منها قبل الفترة دي فاانا هشترى عربية اتبسك بيها مش اللي هيشتريها بعدي هيشتريها بكام
للعلم انا والدي معاه كرولا 2012 و كان معانا سيتى 2007 و حاليا بدل السيتى لوجان و انا لو معايا ثمن السيتى ال 185 الف هشتريها و انا مغمض