الموضوع: السيراتو الجديده بتتسرق

المشاركة الأصلية كتبت بواسطة bakkarahmed

ايوه ...... بالظبط كده زي ما قريتو عنوان الموضوع
للاسف في صدفه غريبه اتسرقت عربيتين في اسبوع واحد موديل 2014 من تحت البيت لاتنين زمايلي في الشغل والعربيتين فيهم اموبيلايزر :(((( واضح ان موضوع الاموبيليزر ده فاكس
العربيتين كانوا في الفيوم (محل الاقامه)
الطريف في الموضوع ان عربيه منهم لما اتسرقت صاحبها ماعرفش غير لما الحراميه اتصلوا بيه :) ولما راح يبلغ في القسم ظابط المباحث قالنا ماتدوني رقم الحرامي ادور عليه في الترو كولر
والعربيه التانيه كانت متصوره وهيا بتتسرق عن طريق كاميرا متركبه في الشارع بس للاسف ماوضحتش رقم لوحات السياره الفيرنا بتاعه السارقين والسرقه استغرقت تلت ساعه فقط
العربيتين فيهم انذار ومانع سرقه (اموبيلايزر)
العربيتين رجعوا بعد تفاوض مع السارقين ودفع 30 الف لكل عربيه ورجعوا ناقصين جنط الاستبن والزجاج الجانبي يمين مكسور والكونتاكت متفور وفبره الدريكسيون مكسوره
والعربيتين كانوا دايرين ساعه الاستلام عم طريق مفك متوصل في الكونتاكت (ايوه شغاله بمفك)
حاجه تحزن طبعا
السارقين كانوا من محافظه بني سويف والتسليم كان واحده في طريف اسيوط الغربي في الصحرا والتانيه كانت بالقرب من بني سويف
السارقين بيسرقوا كيا بس بالرغم من انهم يقدروا يسرقوا هيونداي كمان لانهم شركه واحده ونفس المواصافات والطريقه ( زمايلي مرجحين غالبا انهم ليهم علاقه بمركز كيا اللي في بني سويف) والله اعلم
الخلاصه
1- انسي موضوع الاموبيلايزر والكلام الفاضي ده وماتعتمدش عليه
2- عايزين نركب gps tracker وانا عايز اركبه ضروري ليا انا لاني متنكد ومش عارف اروح بالعربيه الشغل
ياريت حد يفيدني اركبه منيني وفين وانواعه لاني قريت كل المواضيع اللي هنا بخصوصه بس عايز حد يديني الخلاصه ويقولي هاتروح تركبه في الحته الفلانيه وهاتركب النوع الفلاني وبسعر كذا
3- بالرغم من ان الكهربائي بيقولي ان كنترول الكيا الجديده مانزلش منه نوع مفتوح وان كله مقفول وان طالما الفن كود اللي علي الزجاج متغطي اذن فان السرقه صعبه ...بس الواضح ان الحقيقه غير كده

How cars are stolen through OBD port theft and key cloning
https://www.youtube.com/watch?v=_k75BTI_KJQ

https://www.youtube.com/watch?v=FWZKX5bvnMI

https://www.youtube.com/watch?v=0wZNSA1Re3Q

https://www.youtube.com/watch?v=YTOUArz3bNU

https://www.youtube.com/watch?v=dvmSOEKfkug

https://www.youtube.com/watch?v=uDhnSAZVIY4

و الرسالة بتوضح ايه اللى حصل للعربية من خبط او فتح باب او العربية دارت او مشيت و ده احسن من الاتصال لانه بيعرفك المشكلة ايه و على اساسها بتتصرف