السيراتو الجديده بتتسرق

**م.محمد مختار** · 02-10-2015 10:05 PM

المشاركة الأصلية كتبت بواسطة bakkarahmed

جهاز الاموبيلايزر مش سحر وزيه زي جهاز الانذار بياخد وقته في الاول لغايه ما السارق يقدر يعرف خباياه وياسلام لو كان شغال في توكيل او ليه علاقه بحد شغال جوا التوكيل وبيعرف يتعامل ويوصل جهاز ويفك شفره

ماحدش يحط في بطنه بطيخه صيفي ماهي الكروز اللي فيها اموبيلايزر اتسرقت برضو

الفكره في جهاز ال جي بي اس انه حتي لو مامنعش سرقه اقدر اوصل لمكان عربيتي علي الاقل وانا شايف انه لازم يبقي اساسي في اي عربيه

طيب بعد ما توصل لمكان العربية هتعمل ايه؟؟؟
هتجيب رشاشات و تقتحم مقر العصابة؟؟

**bakkarahmed** · 03-10-2015 12:03 AM

المشاركة الأصلية كتبت بواسطة م.محمد مختار

طيب بعد ما توصل لمكان العربية هتعمل ايه؟؟؟
هتجيب رشاشات و تقتحم مقر العصابة؟؟

الحلول كتيره طالما عرف مكان عربيتك...يااما تستعوض ربنا فيها كلها وخاصه لو محدش اتصل بيك واتباعت تقطيع

**Omar Sarray** · 03-10-2015 02:11 AM

انشاء الله ربنا يحمينا ويكفينا شرهم امين

**ibrahiiimooo** · 03-10-2015 05:10 AM

لو الموضوع فيه تكويد يبقى مفيش لازمة لان فبرة الدريكسيون تتكسر , مادام الفبرة بتتكسر و العربية بتدور بمفك يبقى فيه حاجة تانية زي عمل كوبرى مثلا على توصيلات الايموبيلايزر بحيث انه يتفاداه و ده ممكن يفسر ليه الحرامية بيسرقوا سيراتو بس مش الالنترا اللي ممكن تيقى خرايط التوصيل فيها للجزء ده مختلفة

**عبدالله برعى** · 03-10-2015 11:24 AM

http://www.nilemotors.net/Nile/391098-gps-tracker.html

**hero** · 03-10-2015 01:19 PM

تحديد مكان العربية مش مهم قوي قد منع السرقة نفسها و دوران العربية مع الحرامي...

لان ايلي بيسرق عربية دة مش واحد او اتثنين ...دي بتكون تشكيلات عصابية و غالبا بتكون لها انشطة اجرامية تانية زي تجارة سلاح و مخدرات....يعني علشان تروح تجيب عربيتك ... محتاج يكون عندك جيش صغير مُسلح ...

و حتي لو روحت جبتها عافية...يبقي سعتها لو حد حصلة حاجة بقت قضية تانية جنائي و الموضوع خرج من سرقة لقتل و بلطجة و سلاح غير مُرخص وحتي لو المُصاب حرامي القانون مش هايرحمك من المسؤلية الجنائية و هايقولولك كنت لازم تشتكي...و تبلغ الشرطة...

الافضل الناس تفكر ازاي ان العربية ما تدورش خالص مع اي حد....غير صاحبها..