النمل أكل السيارة!!!!!!!!!!

**Ahmed Sharaf** · 20-11-2008 04:35 PM

طبعاً دة مش عنوان فيلم جديد بطولة سعد ابو نملة.
دة عنوان مقالة فى جريدة الأهرام بتاريخ اليوم 20 نوفمبر فى عامود مجرد رأى للأستاذ صلاح منتصر , المقالة بتقول :
إن واحد شارى عربية المانى - خدوا بالكو .. المانى - وكان فى الساحل الشمالى وكان راكن العربية , ولما جة يدورها مرضيتش تدور.
إتصل بمركز الخدمة المتخصص للعربية , وبعد معاينة المهندس للعربية قال انة يستحيل تشغيل الماتور لأنة مليان نمل وان العربية لازم تتسحب بالونش لمركز الخدمة.
وهناك اكتشفوا ان العطل بسبب وحدة الكمبيوتر نتيجة دخول النمل فيها , لان اللوحة بتتغطى بمادة جيلاتينية بتجذب فى بعض الاحيان النمل ويقبل عليها بشغف وحب بالغين!! شركات السيارات بتستخدم المادة دى للحفاظ على لوحة الكمبيوتر فى السيارات الحديثة. وطبعاً لما تيجى تشغل التكييف يبتدى النمل يطير فى العربية المهم الراجل لما بعت للشركة المصنعة فى المانيا , عارفين كان رد الشركة اية ( لا تترك سيارتك فى الاماكن الموبوءة بالنمل ).
علشان كدة يا جماعة نعمل حسابنا على علبة بيرسول بالإضافة الى شنطة الاسعاف - ويستحسن يكون فيها حاجة علشان قرص النمل - والمثلث العاكس - وياريت يكون فية مثلث صغير مرسوم علية نملة ونحطة تحت الكبوت -