استفسار اخير قبل شراء التوليدو 2016

**hugan** · 01-10-2015 11:07 PM

المشاركة الأصلية كتبت بواسطة sherif1988

مين اللى قال كدة
العربية عليها حجز لحد شهر 2
وحضرتك تقول العربية مبتبعش
نزول الأسعار بيدل على حاجة من الاتنين
يا اما العربية مبتبعش ودة ينزل سعر العربية فقط
يا اما العربية عليها طلب كتير وبقت تبيع فا بالتالى بقا فية توافر اكتر لقطع الغيار من المستوردين أدى الى انخفاض الأسعار في قطع الغيار

حضرتك مقتنع ان ااسعر نزل علشان العربيه عليها حاجز جامد
اللي اعرفه في مصر ان اي سلعه عليها طلب سعرها بيرتفع
مفيش عليها طلب سعرها بينزل
اﻻ ان كان الوضع اتغير

**هوندا** · 02-10-2015 08:23 AM

الحجز شهرين أو أكتر لأن التوكيل ضعيف بيجيب عدد قليل و بيديه للتجار علشان يعطش السوق و تبقي بالأوفر برايس و لابد يكون مستفيد مش لازم تكون العربية كفاءة احنا في سوء (اقصد سوق ) الإتجاه المعاكس

**mohamed hussei** · 02-10-2015 10:15 AM

انا بكلم علي اسعار قطع غيار نزلت

**سيات** · 04-10-2015 06:26 PM

السلام عليكم
التوليدو محجوزه فى التوكيل حتى دفعه شهر مارس 2016 والناس بتشتريها باوفر برايس يتراوح من 5 الى 10 الاف والاقبال عليها جامد بسبب انها عربيه ممتازه والمانى اسبانى وثبات وحاجات كتير وبصراحه مفيهاش عيوب جوهريه والحاجه التانيه سعرها منافس جدا 140 الف اما بالنسبه لسعر قطع الغيار ده طبيعى ومش غالى بالمقارنه بحاجات تانيه كتير وانا شايف ان قطع الغيار بدات تتوافر فعلا خارج التوكيل وجوه التوكيل

**egytamer** · 05-10-2015 06:06 PM

عربية ممتازه وخامات وثبات وصفقة رابحة جدا بالمقارنة بسعرها وسعر المنافسين بصراحة بستغرب لما اشوف حد يرفض يجيب عربية اوربي بالسعر والكماليات دي ويروح يجب اكسنت ار بي ولا ريو ولا حتي سياز ويقلك اصلها مش منتشرة طيب ما لو كلنا غيرنا تفكيرنا وجبنا العربيات دي هيبقي ليها تواجد والتجار هيجيبو قطع غيار برا التوكيل يلا خلينا في الاسيوي الورق

**Diaby** · 06-10-2015 01:36 AM

يتهيألي موضوع قطع الغيار ده حله انك تأمن على العربية وتضحي ب4 الاف ف السنة بس تبقي مطمن على فلوسك وعلى عربيتك

**هوندا** · 06-10-2015 09:59 AM

المشاركة الأصلية كتبت بواسطة سيات

السلام عليكم
التوليدو محجوزه فى التوكيل حتى دفعه شهر مارس 2016 والناس بتشتريها باوفر برايس يتراوح من 5 الى 10 الاف والاقبال عليها جامد بسبب انها عربيه ممتازه والمانى اسبانى وثبات وحاجات كتير وبصراحه مفيهاش عيوب جوهريه والحاجه التانيه سعرها منافس جدا 140 الف اما بالنسبه لسعر قطع الغيار ده طبيعى ومش غالى بالمقارنه بحاجات تانيه كتير وانا شايف ان قطع الغيار بدات تتوافر فعلا خارج التوكيل وجوه التوكيل

لسة العربية جديدة و مشاكلها ما ظهرتش

**the magice** · 11-10-2015 09:51 AM

مبدئياً العربية ممتازة ومش هتندم انك جبتها لانها سعرها منافس جدا بالنسبة لامكانياتها .
الحاجة الثانية اللي عايز اقولها اني سعيد جدا ان في ناس من أقسام تانية ومش ملاك لسيات اصلا او حتي اوروبي بصفة عامة وبيتكلمو عن العربية بغض النظر بقي سواء كان بالسلب او الايجاب ف ده في حد ذاته نجاح للتوكيل (الضعيف) انه قدر يلفت نظر شريحة لا بأس بها من الناس اللي بعضهم اذا ماكانش اغلبهم فاكر انها عربية جديدة اول مرة تنزل السوق في حين انها بقالها ٢٣ سنة من ٩٣ وهي بتنزل

**goyamasta** · 11-10-2015 08:33 PM

المشاركة الأصلية كتبت بواسطة the magice

مبدئياً العربية ممتازة ومش هتندم انك جبتها لانها سعرها منافس جدا بالنسبة لامكانياتها .
الحاجة الثانية اللي عايز اقولها اني سعيد جدا ان في ناس من أقسام تانية ومش ملاك لسيات اصلا او حتي اوروبي بصفة عامة وبيتكلمو عن العربية بغض النظر بقي سواء كان بالسلب او الايجاب ف ده في حد ذاته نجاح للتوكيل (الضعيف) انه قدر يلفت نظر شريحة لا بأس بها من الناس اللي بعضهم اذا ماكانش اغلبهم فاكر انها عربية جديدة اول مرة تنزل السوق في حين انها بقالها ٢٣ سنة من ٩٣ وهي بتنزل

كلام حضرتك سليم. بس للأسف التوكيل بيجنى ثمار اى تعب و مجهود حصل من اى شخص كل هدفه انه يساعد على نشر العربية و المساهمة فى التسويق ليها. التوكيل منزلش ولا مرة اعلان عن العربية فى اى حتة. التوكيل مش عارف امكانيات العربية الحقيقية و مواصفاتها. التوكيل مش بيعرف يتعامل مع اى فنيات خاصة بالعربية سواء تعديل اوبشن او حتى الكشف عن الاعطال و غيره كتير... بس برضه للأسف لما بيحصل نجاح للعربية بيتنسب للتوكيل و اللى قام بالتسويق الحقيقى حقه مهضوم :)

الموضوع: استفسار اخير قبل شراء التوليدو 2016

LinkBack

أدوات الموضوع

عرض

-

-

-

-

-

المواضيع المتشابهه

استفسار في التوليدو 2014

استفسار بخصوص تعديل إطار التوليدو ٢٠١٤

استفسار عاجل بخصوص التوليدو 2014

استفسار اخير عن byd f3 عاجل

استفسار اخير

الكلمات الدلالية لهذا الموضوع

المفضلات

المفضلات

ضوابط المشاركة