الموضوع: استفسار اخير قبل شراء التوليدو 2016

السلام عليكم ممكن اسال سؤال
انا معي جيتا 2008 بس فيها شوية صيانه بحولي 5000جنيه بفكر ابيع علي كده واشتري سيات توليدو فيريت حد ينصحني ابيع جيتا المستعمله واشتري التوليدو الجديد 2016 ولا لا

سير الكاتينة جنزير

المشاركة الأصلية كتبت بواسطة ahmadalam

السلام عليكم ممكن اسال سؤال
انا معي جيتا 2008 بس فيها شوية صيانه بحولي 5000جنيه بفكر ابيع علي كده واشتري سيات توليدو فيريت حد ينصحني ابيع جيتا المستعمله واشتري التوليدو الجديد 2016 ولا لا

استاذ احمد,

طبعا الاختيار يرجع ليك وعلى حسب احتياجك ايه من العربيه ومشاويرك عامله ازاى,

لازم تبقى عارف ان الجيتا فئة اعلى من التوليدو. فنظريا انت بتنزل مش بتعلى,

بس انا وجهة نظرى ان الزيرو زيرو, انت مش ضامن حتى لو دفعت ال 5 الاف جنيه الى محتاجهم الجيتا ان مش هيطلعلك حاجه تانى وممكن فى اى وقت, نتيجة العمر الافتراضى والاستخدام (العربيه بقالها 6 سنين), والالمانى بوجه عام مشاكله كتير وقطع الغيار غاليه نسبيا,


الفرق الرئيسى ما بين الجيتا الى حضرتك راكبها والتوليدو نظام التعليق (العفشه), ودى الحاجه الوحيده الى فى صالح الجيتا, يعنى حتى برغم انظمة الثبات والامان الى فى التوليدو, نظام تعليق الجيتا افضل وثباتها افضل, وده السبب الرئيسى لفرق السعر ما بين التوليدو والليون مثلا, الليون نضام التعليق والعفشه زى الجولف والجيتا, انما التوليدو زى الرابيد والبولو,

متتخضش, مش معنى كده ان التوليدو ثباتها وحش, العربيه جنوط 16 و كاوتش عرض 215 و انظمة ABS and ASR and ESC. العربيه اوروبى وثباتها حلو, بس مش زى الجيتا والليون, لأن البلاتفورم الى مبنى عليه العربيه مختلف.

انما بقى لو قارنت كل حاجه تانيه هتلاقيها فى صالح التوليدو, الماتور فى التوليدو افضل, الى عندك فى الجيتا 105 حصان وفى التوليدو 110 وال اتنين 1.6 MPI

الفتيس تقريبا واحد.

الحجم الاتنين قريبين من بعض تقريبا ويمكن التوليدو شنطتها اكبر

الاوبشنز والكماليات انا معرفش انت معاك جيتا انهى فئه, بس توليدو 2016 نازل فيها كماليات كتير محترمه, تقريبا معظم الكماليات المؤثرة بإستثناء مثبت السرعه والفوجات .

قطع غيار الجيتا اغلى من التوليدو, بس الجيتا قطع غيارها متوفره اكتر طبعا, التوليدو مبقالهاش كتير مش منتشره زى الجيتا,

انا معايا باسات 2008 هاى لاين, وحالتها كويسه, وفى ظل الاسعار الغاليه مش هاعرف اجيب باسات ولا جيتا ولا اوكتافيا زيرو, فبفكر جديا انى ابيعها واجيب التوليدو, وانا مدرك تماما ان انا بعمل Downgrade وبنزل مش ب اعلى, بس بريح دماغى, وشارى حاجه موديل 2016 و مش حامل هم يطلعلى مشكله على غفله واحتاج مصاريف وانا مش عامل حسابى, ابقى مسافر وانا متطمن, ومعايا عربيه فى الضمان لمدة سنتين على الاقل,

ف انا رأى الشخصى, لو انت بتستخدم العربيه كتير وما بتخشش سباقات كلها منحنيات - (لو سباقات طريق مستقيم خليك فى التوليدو بردو :) ) - وسواقتك معتدله وعايز تريح دماغك خليك فى التوليدو.

انا قولت اشاركك تفكيرى , الى ممكن يكون صح او غلط, عشان انا تقريبا فى نفس وضعك والرأى فى الأخر يرجعلك طبعا,

وبالتوفيق :)

المشاركة الأصلية كتبت بواسطة authority973

استاذ احمد,

طبعا الاختيار يرجع ليك وعلى حسب احتياجك ايه من العربيه ومشاويرك عامله ازاى,

لازم تبقى عارف ان الجيتا فئة اعلى من التوليدو. فنظريا انت بتنزل مش بتعلى,

بس انا وجهة نظرى ان الزيرو زيرو, انت مش ضامن حتى لو دفعت ال 5 الاف جنيه الى محتاجهم الجيتا ان مش هيطلعلك حاجه تانى وممكن فى اى وقت, نتيجة العمر الافتراضى والاستخدام (العربيه بقالها 6 سنين), والالمانى بوجه عام مشاكله كتير وقطع الغيار غاليه نسبيا,


الفرق الرئيسى ما بين الجيتا الى حضرتك راكبها والتوليدو نظام التعليق (العفشه), ودى الحاجه الوحيده الى فى صالح الجيتا, يعنى حتى برغم انظمة الثبات والامان الى فى التوليدو, نظام تعليق الجيتا افضل وثباتها افضل, وده السبب الرئيسى لفرق السعر ما بين التوليدو والليون مثلا, الليون نضام التعليق والعفشه زى الجولف والجيتا, انما التوليدو زى الرابيد والبولو,

متتخضش, مش معنى كده ان التوليدو ثباتها وحش, العربيه جنوط 16 و كاوتش عرض 215 و انظمة abs and asr and esc. العربيه اوروبى وثباتها حلو, بس مش زى الجيتا والليون, لأن البلاتفورم الى مبنى عليه العربيه مختلف.

انما بقى لو قارنت كل حاجه تانيه هتلاقيها فى صالح التوليدو, الماتور فى التوليدو افضل, الى عندك فى الجيتا 105 حصان وفى التوليدو 110 وال اتنين 1.6 mpi

الفتيس تقريبا واحد.

الحجم الاتنين قريبين من بعض تقريبا ويمكن التوليدو شنطتها اكبر

الاوبشنز والكماليات انا معرفش انت معاك جيتا انهى فئه, بس توليدو 2016 نازل فيها كماليات كتير محترمه, تقريبا معظم الكماليات المؤثرة بإستثناء مثبت السرعه والفوجات .

قطع غيار الجيتا اغلى من التوليدو, بس الجيتا قطع غيارها متوفره اكتر طبعا, التوليدو مبقالهاش كتير مش منتشره زى الجيتا,

انا معايا باسات 2008 هاى لاين, وحالتها كويسه, وفى ظل الاسعار الغاليه مش هاعرف اجيب باسات ولا جيتا ولا اوكتافيا زيرو, فبفكر جديا انى ابيعها واجيب التوليدو, وانا مدرك تماما ان انا بعمل downgrade وبنزل مش ب اعلى, بس بريح دماغى, وشارى حاجه موديل 2016 و مش حامل هم يطلعلى مشكله على غفله واحتاج مصاريف وانا مش عامل حسابى, ابقى مسافر وانا متطمن, ومعايا عربيه فى الضمان لمدة سنتين على الاقل,

ف انا رأى الشخصى, لو انت بتستخدم العربيه كتير وما بتخشش سباقات كلها منحنيات - (لو سباقات طريق مستقيم خليك فى التوليدو بردو :) ) - وسواقتك معتدله وعايز تريح دماغك خليك فى التوليدو.

انا قولت اشاركك تفكيرى , الى ممكن يكون صح او غلط, عشان انا تقريبا فى نفس وضعك والرأى فى الأخر يرجعلك طبعا,

وبالتوفيق :)

شكرا خالص علي كلامك بس ممكن تفكر معي انا من الصعيد سوهاج وسافر كتير القاهره واسكندريه موضوع لثبات مهم عندي مع ان وزن الجيتا زي توليدو ولكن ممكن تشرحلي موضوع العفشه ده والعربيه المعي الفئه قبل الاخره كنوفيرت طيب نفس ثبات التويوتا او لانسر مثالا وبعدين في حاجه الباسات تفرق في الثبات عن الجيتا بس يريت تفكر معي وترد عليا وشكرا خالص علي ردك

اعلي كتير في الثبات من التويوتا و اللانسر

المشاركة الأصلية كتبت بواسطة arc_sherif_81

اعلي كتير في الثبات من التويوتا و اللانسر

طيب زي ثبات الجيتا لان نفس الوزن

المشاركة الأصلية كتبت بواسطة ahmadalam

طيب زي ثبات الجيتا لان نفس الوزن

مجربتش الجيتا قبل كده