الموضوع: طلب الطلاق

السلام عليكم

أولا: أوصيك و نفسي بتقوي الله و لزوم الإستغفار....يجعل الله لك من كل ضيق مخرجا

ثانيا: كلامي موجه للأخوه الزملاء الأعزاء المتضامنين....هي لا تزال زوجته و أم أولاده...رجاءا إختيار الكلام الملائم عند التطرق للحديث عن الزوجه...أما النصح بالطلاق فهو تعجل و أتمني ألا أراه إلا مع إستحاله الحياه بينهما

ثالثا: تابعت كثيرا من موضوعات حضرتك و التي كنت تطلب فيها المشوره بخصوص النوم و بعد مكان العمل عن المنزل....لماذا لا تفكر خارج الصندوق.....قد يكون تغيير محل السكن و لو مؤقتا حل لجميع مشكلاتك
شقه جديده قريبه من مكان عملك قد توفر لك وقت و جهد ومال تحتاجهم كثيرا في رأب ذلك الصدع و محاوله بدء حياه جديده مبنيه علي التفاهم و حسن العشره

رابعا: إذا كانت الزوجه تستخدم مع حضرتك بعض الكلمات التي تضايقك....حاول إنتقاء الكلمات التي تخاطبها بها و كما ذكر زميل عزيز لنا أن الكلام الجميل يؤثر جدا مع السيدات
لا أتخيل أن تستخدم كلمات جميله معها و يكون ردها سيء....وع الحرص الشديد في ألا تكون بخيل معها ماديا ما يجعلها عاجزه عن تدبير مطالب المنزل و مطالبها الشخصيه "ربما يكون هذا هو السبب الخفي"

خامسا: تربيه الأطفال في جو من المشحانات و البغضاء أسوأ كثيرا من تربيتهم عند أمهم أو أبيهم في حاله الإنفصال....و ذلك لا يعني التعجل في الإنفصال

أخيرا
حاول التواصل مع أحد من أهل الزوجه و يفضل أن يكون أقربهم لقلبها.....تكلم معه بصراحه فيما يعكر صفو حياتكم فقد يكون له تأثير إيجابي عليها ما قد يمهد لعودة الأمور للهدوء

جزاكم الله خيرا
وكتب لك الخير حيث كان

على فكرة واضح من كلامك انها بتحبك..بتدلع عليك بس بغباوة الستات المعروفه
بمعنى اصح عاوزاك تدلعها..بس برضه لما تجيب سيره الطلاق اقلب وشك وفهمها انكوا مش عيال عشان تتكلم بالبساطه دى عن الطلاق ونكد عليها لما تفتح السيرة دى عشان متستحلاهاش

المشاركة الأصلية كتبت بواسطة أحمد كمال

مش باهزر

من اجل هؤلاء خلق الطلاق

1- مش محترمة تعبك في مشوار شغلك

2- مش محترمة تركيزك في شغلك اللي مأكلها عيش

3- تقول لك من غيرك احنا احسن (دي كلمة كبيرة اوي و تقيلة) ..... و فاكرة انها تقدر تعيش و ان شغلك و فلوسك و وجودك دول و لا حاجة


و انت بصراحة واضح انك - اسف عاللفظ و ارجوك ما تزعلش مني و اعتبرني اخوك - طري شويتين معاها

ساكن بعيد عن شغلك و مشوارك طويل و بترجع ميت بدل ما تسيبك ترتاح عايزك تصحى تقوم انت تدور على دواء يسهرك (في الموضوع الاخر اللي كتبته)


انشف شوية ........ الانسان يحتاج لجرعة صحية بسيطة من الانانية ليستطيع الحياة ...... و انت مش عايز تنهب انت عايز تنام عشان شغلك اللي فاتح البيت ...... لا رايح تتفسح في امريكا و لا رايح تفرقع فلوسك عالصنف !


طول ما هي حاسة انك انت اللي محتاجها اكتر ما هي محتاجاك (و ده احساس زائف لانك انت اللي ابن ناس بس ..... هي هتلوص من غيرك) هتفضل تركب و تدلدل و تسيطر و تتنطط و تقول طلقني و من غيرك احسن



انشف شوية ......... ماجابش نتيجة يبقى الطلاق احسن لك ...... عيالك مش هيبقوا مبسوطين بوجودك و انت زي الزومبي ..... و هي اصلا - بلا طلاق و لا حاجة - هتربيهم ان هي الاصل و انت بس مصدر فلوس و بكرة تشوف كلامي اما يكبروا

والله انت برنس

طلب الطلاق كتير.. حلة لازم توقع طلقة... ودا عن تجربة بس النتايج الإيجابية غير مؤكده

المشاركة الأصلية كتبت بواسطة cyborg_ift

لو زوجتك بتطلب الطلاق كتير هتتصرف ازاي ولو ابسط المشاكل تعمل عليهه فلم موقفك ايه على سبيل المثال واللى مرارته تعباه ميكملش

مثال:
- رجعت من الشغل هلكان ونمت يبقا انت مبقتش تحبني ومش فارق تقعد معايا انت اكيد متغير انا مش عاوزه اعيش معاك طلقني

- كل حاجه تشتريهه لما تروح عاوزه ترجعهه لاي سبب وطبعا انا بعد كام مشوار مش هرجع حاجه يلف الموضوع لان اسلوبي باه وحش وعاوزه اطلق

- نكد نكد نكد في التليفون وانا في الشغل واقولهه معلش شويه ونتكلم يبقا انا كده الشغل اهم منهه انت اتغرت ومش عاوزه اعيش معاك

وخد من ده لبكره والواحد ماسك نفسه عشان العيال ولما اقولهه بلاش نهد البيت تقولي احنا من غيرك احسن وانا هقعد مع امي ومعاش ابويا هيرجعلي وخد من ده لده لده وربنا يصبرني وافضل ماسك نفسي

إتجوز تانى