أستفسار مهم عن النيسان التيدا 2012 هاتش باك

لو سمحتوا كنت عايز اسأل عن النيسان التيدا 2012
انا معروض عليا تيدا 2012 هاتش باك تقفيل مكسيكي في ناس بيقولولي ان هي ملهاش قطع غيار وغاليه اوي ومش موجوده غير في شارغ دمشق بس هل الكلام دا صحيح و ايه رايكم
ثاني حاجه عايز اعرف كل حاجه عن العربيه من حيث الثبات علشان انا هستخدمها في سفر كتير وكمان استهلاك البنزين والثبات وارتفاعها عن الارض مناسب ولا لاء وكمان الاداء من حيث الماتور والسحب والفرامل ؟
وهل في فرق بين التثفيل الياباني والمكسيكي ولا لاء ؟
بالاخص ان معروض عليا هيونداي الينترا بس انا حابب التيدا اكتثر
منتظر ردكم بعد الشكر

قطع الغيار موجودة في التوكيل / الحرفيين / دمشق
العربية معايا من 2006
اتوكل على الله

بص انا اللى معايا سيدان 2012 مش هاتشباك والثبات بتاعها جميل يعنى لحد 140 و160 قشطه جدا اعلى من كدا الثبات بيقل شويه بس مبتبقاش ضايعه يعنى وبمشى بيها عادى لحد 190 .
الموتور والسحب والفرامل بسم الله ماشاء الله جميله, التقفيل حلو , قطع الغيار معرفش عنها لانى الحمد لله الى الان محتجتهاش