عرض للطباعة
مساء الخير ياجماعه
ممكن يكون موضوعى اتفتح قبل كده كتيير بس معلش مليش خبره فى العربيات قبل كده وكان معايا النترا 1995 معاقين وكرهتنى فى العربيات شويه بسبب مشكله قطع الغيار الغير متواجده وكمان ان محدش فيها
انا معنديش خبره فى العربيات ومعروض عليا ميجان 2005 على 55 والف اللون الرصاصى مانيوال راشه جانبين بس
انا معرفش ايه مميزات ولا عيوب الموديل ده ومعرفش ياريت ياريت لو حد يفيدنى بس يحط فى دماغه انى مليش خبره قد كده
وللمعلومه انا من دمنهور ومفيش مركز خدمه معتمد ل رينو عندنا
بسم الله الرحمن الرحيم
العربية ممتازة بس للسف الحلو ميكملش لأرتفاع سعر قطع الغيار + عدم وجود صناعية محترفة للتعامل مع العربية
ابحث عن عربية كورى او يبانى فى نفس السعر مثل لانسر كرستالة 99 او 2000 حالة كويسة هتبقى عربية ممتازة جدا .
مع الشكر
طالما دمنهور عليك اللادا أو فيرنا حتريحك و تلاقي ألف واحد يفهم فيها !!!
لادا ايه ياعماقتباس:
المشاركة الأصلية كتبت بواسطة yehya badr
انا بتكلم بجد حابب حد يقول المميزات والعيوب اللى ممكن اواجهه
مفيش حد هيفيدنى بمعلومه ولا ايه ياجماعه
بص .. اولا انا شايف السعر غالي حبه .. لان بال55 ممكن تجيب 2005 اوتوماتيك اول فئه .. ولو حطيت الف او اتنين هتجيبها الهاي لاين
تاني حاجه .. مشكله الميجان موديلات 2005 و2006 في علبه الفيوزات وضفيره الكهربا بيتأثروا بالحراره جامد لدرجه ان الفيش بتسيح (خاصه فيشه حساس الكرنك) وعلبه الفيوزات نفسها ممكن تسيح
تالت حاجه .. بما ان العربيه مانيوال .. ف انت تلاشيت عيب كبير في الميجان وهو فتيس ال dp0 الاوتوماتيك .. واللي مشاكله كتيره (حساسات ضغط - شنابر - الخ..) .. ف دي ميزه في العربيه
انا كده كلمتك تقريبا على العيوب
اكلمك على المميزات
stability مفيش احسن من كده على الطريق
safety مش هتكلم لانك فعلا ً مبتقلقش وانت راكب العربيه ولا قدر الله لو حصل اي حاجه خليك مطمن انها هتشيل كتير ( عن تجربه :) )
كماليات .. كتيره ماشاء الله على سعرها وفئتها العمريه (وهتشوف بنفسك)
قطع غيارها .. انا شايف انها مش غاليه .. سعرها مناسب للقطع الاستهلاكيه (تيلات - سيور - الخ..)
قطع الغيار الغاليه هي القطع الغير استهلاكيه او اللي عمرها طويل بمعنى اصح .. زي الحساسات وعلبه الفيوزات والضفيره والكارته واخرهم الجيربوكس والموتور
اما بالنسبه للعربيه نفسها .. ف نصيحه .. اكشف في التوكيل (متسترخصش)
توكيلها في الكيلو 24 ط اسكندريه/القاهره الصحراوي في منطقه اسمها العامريه ..
ولو ربنا كتبهالك
نصيحه تانيه .. مش اي حد يحط ايده فيها .. لانها بتجمع الغلطات (يعني لو اتعك فيها مره .. هتلاقي حاجه بتجيب حاجه وهتلففك حولين نفسك)
لو عايز حد في اسكندريه .. هبقى اقولك .. بس اكشف في التوكيييييييييييييييييل
شكرا ً
انت اللي هتجيبه لنفسك
عموما هي وسيلة مناسبة لتعذيب النفس
لانك باختصار هتخدمها أكتر ما هتخدمك
السلام عليكم
مبدئيا بالنسبه للسعر لو العربيه حالتها حلوه ومش محتاجه مصاريف يبقي 55 شويه عليها . الميجان الحالات النضيفه بتبقي غاليه
ثانيا انت من دمنهور يعني اسكندريه اقرب حاجه ليه لو حبيت تشتري قطع غيار اوتعمل صيانه اسكندريه مليانه ناس كتير بتفهم في الميجان
ثالثا العربيه مانيوال يعني ماعتقدش ان في حاجه هتقابلك تضايقك زي نتشات الفتيس او الحجات دي وماتخفش خالص من موضوع علبة الفيوزات او الكهرباء بتاعتها مدام ال هيشتغل فيها حد فاهمها
توكل علي الله واشتري . بس اكشف عليها في مكان كويس
أنا بأنصحك باللادا أو الفيرنا لأن الميجان 2005 عايزة ميكانيكي شاطر و فاهم كويس في الرينو و عنده إجهزة كشف و دا معناه إنك حتضطر تنزل الأسكندرية علشات قطع الغيار و الأصلاح و دا مش عملي ليك بأعتبارك لسة جديد
أنما الللادا و الفيرنا منتشرين عندك و كل الناس فاهمة فيها و قطع غيارها موجود و تقدر تشوف بدل الصنايعي ألف و تقدر تصلح العربية بسهولة و 55 ألف تجيب عربية علي سنجة عشرة و تريحك لغاية ما تاخد الخبرة و بعدين جيب اللي أنتا عايزة
الميجان من العربيات المحترمه جدا ولكن .....
قبل موديل 2007 فاعطالها كتيره
السعر ده تجيب بيه اوتوماتك , المانوال شيل منها في حدود 3-4
نصيحه في الميجان............ هات بعد 2007 شهر 6 , حتتبصط كتير كتير وحتحب الميجان والاوروبي كله
بس السعر حيزيد شويه
بالتوفيق
في امان الله
السلام عليكم
انا كنت عايز اشتري ميجان وفعلا في ناس قالتلي ابعد عن موديل 2005 و 2006 عشان فيهم مشاكل
وبصراحة محتار اجيب 2007 ولا لأ
وهل فعلا موديل 2007 مفهوش مشاكل