الموضوع: محتار بين افيو اوتوماتك او نيسان اوتو او فيرنا اوتو او ﻻنسر اتراج اوتو .. ادخل هنا

باختصار شديد جدا

ابعد عن فتايس الكورى في اﻻفيو اﻻوتو.. المنوال فيها ناجحة مش وحشة

فتيس النيسان الى بقت بتتصنع فالهند .. النيسان الشكل الجديد كلة صناعة بالهند.. ودة عيب لكون ان النيسان اليابانى مش اكتر
تركت الهند تاكل عيش وتسترزق وبدات بتصنيع ديزاين المحرك
من مكنة لعفشة لبودى لفتيس ﻻجزاء داخلية وخارجية وعﻻمة النيسان الكبري اليابانية المحترمة في وش فبرة المحرك و الطارة والكبوت والشنطة والجنوط وﻻ تمت نيسان اليابانية بالشكل الجديد بصلة وﻻ تساوى ببصلة.. زى الشفرولية كروز خارج مصر اسمها
نوبيرا 4
D.Nubira IV
ودى نازلة كدة في بﻻد برة عامة
واتاكد بنفسك في صور جوجل فهو خير دليل
وهتﻻقيها في المواقع اﻻجنبية وبس
والى قبلها النوبيرا 2 من مو99 : 2009 الى بيقولو عليها ان الشكل دة نازل لمصر بس وبتتقفل في مصر .. ودة صحيح وﻻكن مش في كلة .. ﻻن في منها كتير برة مصر وبتنزل مصر من اميركا و يوروب عشان كدة بتﻻقي منها استيراد وارد يوروب اوتوماتك ومنوال بتابلوة بيج اللون مش اسود
زى الهيونداى ﻻفيتا
Lavita
دى داخلة الخليج وشرق اوسط باسم الماتريكس في نهاية عام2006
بالشكل الجديد
واﻻفيو الى مفيهاش مسمار من شفرولية اﻻمريكية الشركة المصنعه اﻻم
والشفرو اﻻوبترا المحترمة جدا الى هيا في بﻻدة برة اسمها
نوبيرا 3 .. برضو مافيهاش مسمار من شركة شفرو اﻻمريكية
D.Nubira III
قالك دة هيا بتنزل من كوريا بعد الجمرك اصﻻ ب ميت الف وشوية
عاوزها تبقي تجميع بﻻدها في امريكا وتنزلك ب200 الف
قالك هتبقي مش مطلوبة ومش هيبقي عليها سحب

والفرنا طالما صناعة كوريا من اﻻبرة للصاروخ
وبتجميعها فالهند دة مايعيبهاش ابدا وعادى جدا.. ﻻن لﻻسف تقفيل الهند انضف واتقن من التقفيل في مصرى.. لية .. هو الواقع كدة هنعمل اية.. وفتيس اﻻوتو في الفرنا .. فاشل ومش ناجح
هى وفتيس اﻻوتو في اﻻفيو
وفتيس النيسان اﻻوتو برضو بﻻش منه
بﻻش منها لو عاوز تركب اوتوماتك بموديل السنة
قلنا ان تقفبل الهند فالسيارات مش عيب وﻻ حاجة وحشة
ﻻكن صناعتها في اى جزء فالسيارات من مكنة عفشة فتيس منوال .. اوتو
عفشة .. التكنولوجيا قديمة جدا مش حديثة او متطورة زى الكورى على ابوه الى بيتجميع ببﻻدة

هنا جبنا النيسان الهندى بﻻ مسمار من نيسان اليابانية بفتيس اوتوماتك .. نبعد عنه ونغنيله
وجبنا اﻻفيو الكوري بفتيس اوتو .. نبعد عنه ونغنيله
والفرنا الكوري - الهندى بفتيس اوتو .. نبعد عنه ونغنيله

عليك ب حبيبه المﻻين .. اليابانى بصناعته وتقفيله وتجميع بﻻدها بفتيسها اﻻوتوماتك المحترم اوى .. الى بيحترم نفسه مع مستهلكيه
ال
Mitsubishi Attrage
Model 2014 : 2017
1400 c.c.
A-T
or
M-T
Tank size : 50 Litre
Cam: 1
Valve: 8V
HorsePower: 112 hp
نازل منها بجنوط لل هاى ﻻين
والمنوال بطاسات

حوارى في كل دة عشان الى بيدور على حديث اوتوماتك
و يابانى بعيد عن ال ﻻنسر الشارك - القرش الى ب135.000ج
اﻻتراج هنا تكسب ﻻنها بسعر معقول جدا ومناسبةوعائلية جدا وشبابية
واعتمادية مقارنة بفئتها السعرية وكمالياتها من كاملة منوال او كاملة اوتو
بس بزيادة ب4000ج عن النيسان الهندى الى فتيسها مش حلو
و كفاية انك راكب يابانى و زيرو

الفرنا اوتو
99.500ج

واﻻفيو
108.000ج

والنيسان صنى ش جديد اﻻوتو
110.000ج

انا عارف الى هيقولى انا معايا فرنا اوتوماتك ومفسش منها مشاكل زى ماقلت


والى هيقولى انا معايا افيو اوتوماتك من عشرين سنة وﻻ الهوا زى الفل


والى هيقول انت بتقول ايه
دة انا من اول مانزلت الصنى الشكل الجديد2012
اوتو و3 سنوات زى الفل وﻻ كلمة وﻻ زعلتنى

هنا الرد بقى : كدة حظكم انتو حلو .. زى الى مات بوقوعه مالسرير
والى فضل عايش لما وقع من الدور العاشر

وهو انا هاوابخ فالعربيات لية .. بينى وبينها طار

الى اثبتت نفسها واداء عالى وزى الفل .. انتو خير دليل فالتجربة والعكس

هانبعد لية ما اﻻلمانى في فتايسها اﻻوتو في اوكتافيا
a5
بموديل معين بتاع2010-2009
حصل فية مشاكل زى الرينو الميجان الفرنساوى ابو تجميع تجمع تركيا

واحد هيقول طب انا مايل ل اى موديل كيا اوتوماتك
او اى هيونداى اوتو
هقولك الكورى تقفيل بﻻدة وتصنيع بﻻدها.. فتايسها اﻻوتو مفيهاش اى مشاكل ودة على لسان مالكيها والمجربين والى باعوها اكدوا ذلك

هانبعد ليه .. عندكم الكيا سيراتو موديﻻت 2012:2007 اوتو
والكارينز و البيكانتو اوتو

والهيونداى
ماتريكس مو2007:2012 بالشكل الجديد اوتو
و
i10
i30
Gets

النترا 2007:2016
اﻻلنترا اﻻسطورة
اﻻكسنت RB .. 2012
محدش لحد اﻻن اشتكى من فتايس اﻻوتو في اى موديل اصدار
مالهيونداى او الكيا

عشان كدة بتنزل سعرها غالي حبتين .. بس بتريح دماغك اودام فالمستقبل

وشكرا لكم اعضاء شباب منتدايا المفضل

المشاركة الأصلية كتبت بواسطة amr_darwesh

كلام جميل بس جبت منين ان التسوبيشى اتراج تقفيل يابانى ده الوكيل نفسه بيقول تقفيل تايلاندى تانى حاجة الاتراج غالية بالنسبة لعربية 1200 سى سى ......واخيرا كل الموديلات اللى بتنزل مصر من شركات السيارات لو نزلت فى الخليج كان زمان قفلوا الشركات كلها ....مصر بينزاها اسوا حاجة

عشان احنا عندنا مستورد ﻻمواخذه
هات يا عم اليابانى ﻻنسر واوتو
وبتمشي فالمية وتطير فالجو وتعمل بالمياة بدﻻ من الوقود وبسعر رخيص عليا..عشان اعرف ابيع واكسب.. قصده يسرق.. يا معالى الباشا
العربية تمنها قبل الجمرك الله يحرقها جمرك
نازلة وواقفه عع المستورد ب49 الف ج
مكملتش خمسين باكو.. وتتجاب الضعف بميت الف
ﻻﻻﻻ وتتباع ب114 الف والناس تشتري زى ال... هقول ايه بس.. عارف ونا معاك ان اﻻتراج بامكانياتها و1200 سس
و اوتو وب114 الف غالية جداااا
و اﻻتراج في منها تقفيل بﻻدها يابان
وفيه الى متقفل ومتجمع ماﻻبرة للصاروخ ففي تايﻻند ودة حقيقي والتقفيل التايﻻندى هو الى بينول مصر وشرق اوسط .. اما خارج مصر
يوروب .. اميركا اى بلد تانية المستورد بتعهم دماغو حلوة يقولك تقفيل تايﻻندى ﻻء
دى عربية مش علبه تونة وﻻ كيبورد
والمصدر اليابانى بيسمع الكﻻم وبيصدر تقفيل بﻻده.. والتوكيل كﻻمو صح
بس برة مصر بينزل منها تجميع بﻻده
مع ان تقفيل وتجمبع التابﻻندى مش رديئ وﻻ وحش
زيها زى النيسان التيدا