حد عندة فكرة عن اجراءات تغيير عداد كهرباء فى الجيزة

حد عندة فكرة عن اجراءات تغيير عداد كهرباء فى الجيزة ؟

بقالى فترة عاوز اغير العداد الصغير لعداد اكبر علشان اركب تكييف كبير ....بس خايف من الروتين وشغل موظفين الحكومة لو حد يقدر يفيدنى اية اسهل طريقة وهل فية الخدمات دة اونلين ...او المكاتب اللى بتتعامل مع الجهات الحكومية


واية الاوراق والرسوم الطبيعية ؟ الواحد بقى محتاج معجزة كل لما اجى ارخص عربية او اجدد بطاقة او اعمل اى حاجة فيها موظفين لازم تظبط التظابيط عشان تخلص ....وبتحس انك خرجت منتصر من الحرب لما بتخلص مصلحتك .....

ياريت اللى عندة فكرة عن موضوع تغيير العداد العادى الى عداد اكبر يفيدنى ويارب ميكونش عداد ابو كارت او الديجيتال لان بصراحة الواحد مش واثق فى اى حاجة من اختراعات الحكومة

انا روحت من سنتين قدمت ورقه ان العداد يتغير باسمى ومحدش لا جه يعمل تحريات ولا حاجه
لازم رشاوى. انما اعتقد بالنسبه لتغيير العداد لسعه اكبر هتبقى سهله ان شاء الله.

اقتباس:

---

المشاركة الأصلية كتبت بواسطة amr011111

انا روحت من سنتين قدمت ورقه ان العداد يتغير باسمى ومحدش لا جه يعمل تحريات ولا حاجه
لازم رشاوى. انما اعتقد بالنسبه لتغيير العداد لسعه اكبر هتبقى سهله ان شاء الله.

---

اخ عمرو اشكر ليك مشاركتك بس اعتقد عشان تغير العداد بأسمك لازم تاخد صاحب العداد القديم او صاحب العمارة معاك لشركة الكهرباء عشان يعمل تنازل عن العداد غير كدة ....لازم وجع دماغ وتحريات واجراءات طويلة وممكن ميغيروش الا لو تابعتهم وغلست شوية زيادة على الموظفين ....غير كدة لازم تفتيح المخ معاهم والشاى بالياسمين

السلام عليكم ... من شهر غيرت العداد من 10امبير الي 40 امبير انا تابع لجنوب الجيزة وشركة الكهرياء في الشارع اللي قدام خزان المياه في شارع الهرم قبل الطالبية عديت عليهم الساعة واحدة الضهر شرحت اللي عايز اعملة ودفعت اخر فاتورة للعداد القديم وقدمت طلب بزيادة قدرة العداد وقالولي في خلال اسبوع هيتغير وبعد 5 ايام الفنيين وصلوا شالو العداد القديم وركبوا العدادا الجديد بدون مصاريف والفاتورة الجديدة جت بالاستهلاك العادي والحمد لله.

اقتباس:

---

المشاركة الأصلية كتبت بواسطة sherifmt

السلام عليكم ... من شهر غيرت العداد من 10امبير الي 40 امبير انا تابع لجنوب الجيزة وشركة الكهرياء في الشارع اللي قدام خزان المياه في شارع الهرم قبل الطالبية عديت عليهم الساعة واحدة الضهر شرحت اللي عايز اعملة ودفعت اخر فاتورة للعداد القديم وقدمت طلب بزيادة قدرة العداد وقالولي في خلال اسبوع هيتغير وبعد 5 ايام الفنيين وصلوا شالو العداد القديم وركبوا العدادا الجديد بدون مصاريف والفاتورة الجديدة جت بالاستهلاك العادي والحمد لله.

---

تمام كده وللاستاذ فريد هما بيبقوا شغالين السبت لو اجازتك السبت وتحب تروح

و انا كمان مع شركه الكهربا اللي في الهرم برضه ...
بعت شقه و اخدت المالك الجديد ورحت عملت طلب تغيير اسم ... هو نظريا بيرفع العداد القديم و يركب العداد بالسم الجديد بس عل الورق
و المهندس جه عمل المعاينه و خلصت في يومها بس اليوم كله من 10 الصبح لحد سع 2

و كويس ان تكبير العداد في نفس اليوم برضه