مشكله في تركيب زنون في bm
لسلام عليكم
عربيتي موديل 2007 وفوانيسها هالوجين من غير ولا زنون ولا رنجات ولا عدسات
اشتريت زنون صيني وركبته علي النور العالي بس
ولكن العربيه طلعت error وطفت الزنون
الكهربائي قاللي محتاج اشتريله حاجه اسمها تكويد من التوفيقيه واشترتها والزنون اشتغل من غير error
بس بعدها بيومين لقيت التكييف والكاسيت بيهنجوا وانا مشغل الزنون يعني التكييف يحول الهوا للهوايه اللي في الدواسه لوحده والكاسيت يحول من راديو لcd
المهم روحت عند متخصص BM وقاللي ان الزنون ووصلاته دي هتضر الكنترول بتاع العربيه والافضل اني اشيل الزنون الصيني واروح لحازم الشربيني في الحرفيين وهو هيركب لي نوع تمام من غير تكويد.
ولكن واحد صاحبي قاللي اني لو اشتريت الزنون الالماني هيركب علي طول من غير اي error بس دا بيتباع بمبلغ كبير 1300 جنيه وانا خايف اركبه ويرجع يهنج كنترول العربيه وارجع اشيله تاني
حد عنده حل يا جماعه انا بس عاوز اركب زنون.