الموضوع: أستفسار عن اسعار قطع الغيار للسيارة شيرى a11 موديل 2009

انصحك لا تشتريه من بتوع الصينى عن تجربة شراء منهم و الريداتير خفيييييييف جدا و تعبان جدا و باظ بعدها بكام يوم فيه عندك البستانى للريداتيرات ناحية شارع الترعة و لو بحثت على جوجل تجد رقمه كلمه و اشتريه من عنده ارخص و خامات اعلى بس يكون انتيمونيا مش نحاس يعمل بالكتير 300 ج
مساعدين أمامى وخلفى والمقصات
المساعدين الامامى الساكس فى حدود 750 ج الجوز بتوع جولف 2 و المقصات مجربتش اشتريها بس برضه بتوع جولف 2 اما المساعدين الخلفى فى حدود 550 ج متوسط بتوع سيات توليدو 97 بس خذ معك القديم عشان ساعات بيفرق فى الطول
تيل الفرامل امامى وخلفى
تيل الفرامل موضوع تانى و غالبا اللى عندك هيكون صينى فقط فأنت لو جبته الصينى يغمل 100 متوسط و لو حابب تجيب بتاع الالمانى فيجب انك تغير الكاليبرات بتاعة الفرامل و دى تجيبها من بتوع الجولف الاستيراد كاملة ببيت التيل الجوز فى المتوسط يعملوا 170 ز بعدين تشترى التيل اللى بسوسته بتاع الباسات 99 فى حدود 180 الالمانى و ممكن يزيد لو اصلى
الاكصدام الأمامى والخلفى وهل موجود استيراد وأيهم الافضل
عن تجربة ايضا عليك و على بتوع الاستيراد هاتهم بتوع سيات توليدو 97 مس 95 عشان بيفرق و الامامى بالفوجات يعمل 700 تقريبا و اسبانى اصلى مطبوع عليه من الداخل اما الخلفى فمعرفش بالظبط بكام بس ممكن يقل شوية
الشبكة وفوانيس الشبورة
الشبكة على ما اتذكر من بتوع الصينى ب 60 ج
الاكر الداخلية للابواب كاملة
من التوكيل افضل بيديهالك بالفريم كاملة على ما اتذكر برضه ب 35 جنيه خامة عاليه مش زى المحلات بتاعة الصينى
الكونتاكت
برضه عليك و على محلات الجولف الجديد تجيبه بتاع جولف 2 فيه صينى نظيف يعمل 75 معرفش الالمانى يعمل كام بس انا اشتريت الصينى
كـتاوت
الفوانيس الخلفية برضه اشتريها بتاعة توليدو 97 من بتوع الاستيراد
مقاس الكاوتش وافضل ماركة مع مراعات السعر والبطارية كم أمبير واى نوع أفضل
الكاوتش 14/185/60 ممكن تشترى كونتننتال او جوديير فرنساوى و براحتك برضه بس خلى بالك جدا من تاريخ الانتاج
البطارية 70 امبير بيبقى مكتوب عليها 62 امبير و ممكن تجيبها بوش او فارتا المانى

المشاركة الأصلية كتبت بواسطة capooahmed

شكراً لإهتمام حضرتك والمعلومات دى
لو ممكن كمان معلومات عن الديسك و الاسطوانة وهل بيتصلحو ولا لأ

** انا بدور على الاسعار دى عشان فى عربية 2009 مانيوال عداد 65000 كيلو ممكن اشتريها
بس كانت مركونة من سنتين واتبهدلت شوية وفى ناس قالت لى بلاش بس فضلت انى اجمع معلومات
الاول عن المصاريف اللى فيها واعيد حساباتى وغالبا هخلص فيها ان شاء الله
وياريت اى معلومات تفيدنى فى الموضوع دا

وشكرا لحضرتك مرة تانية

الديسك ممكن يفيدك فيه الاستاذ احمد
اما نصيحتى لك بخصوص السيارة المركونة سنتين انك تصرف نظر عنها لأن حتى لو سعرها قليل فممكن تفتح معاك فى حاجات كتيييييييير و خاصة ان اللى بيترك السيارات لا يرفعها بطريقة سليمة و بيتركها للى يخبطها و لعوامل الجو من مطر و شمس شديدة و غيرهم فتلاقى بارومة فى اى حته الظاهر منها و الخفى و غير الموتور و العفشة و هكذا
لو كانت نوع العربية عاجبك ابحث عن واحدة نظيفة و ركز على المانيوال عشان الاتوماتيك فيها بعض المشاكل مثل الكونترول و مشاكل الفتيس لو عطل و خاصة ترس الفلام لأن واحد صاحبى مرت عليه هذه المشاكل و تعب منها فغير موتوره لجولف

المشاركة الأصلية كتبت بواسطة capooahmed

شكراً لزوق حضرتك واهتمامك

العربية دى موتورها سليم وتمام واكترمن ميكانيكى شافها وموضوع البارومة دا لسه هشوفه كويس عند سمكرى كويس ولو طلعت تمام ومفيش بارومة ممكن تخلص على 18 الف وانا هظبطها واحدة واحدة
والمشكلة انى كنت بفكر اشترى واحدة تكون مش محتاجة مصاريف لكن لقيت اى عربية هيكون فيها
شغل ومشاكل والعربية دى هتخلص بسعر كو يس وكل حاجة هتتغير هتكون جديدة وانت بنفسك ضامنها
يعنى هتظبطها على ايدك وهتكون نفس سعر عربية هتشتريها ومش عارف هيظهر فيها ايه
وعموما الناس قالوا اكشف عليها فى اى مكان كويس جداً وشوف السعر كام ومش هنختلف ان شاء الله
وبصراحة انا كنت بفكر اشترى عربية فى حدود 25 او 30 الف لكن الاسعار نار وعربيات قديمة كلها بداية من مازدا 323 سعرها عدى 25 الف او الفليشيا الكويسة عدت 30 الف والاكسيل كمان والبرايد كلهم فوق 30 الف
ومش ضامن فيهم ايه

عموما اكشف عليها كويس جدا عشان تعرف مشاكلها و تحصرها و بناء عليه تشوف هتصرف عليها كام ده طبعا لو لم يكن فيها مشاكل تجبرك على عدم شرائها
و استخير ربنا برضه و انا ادعو الله لك بالتوفيق و التيسير

المشاركة الأصلية كتبت بواسطة capooahmed

معلش اخر سؤال

سير الكاتينة و الدينامو والديسك والاسطوانة هما شغالين بس من باب العلم بالشئ
يتغيروا بأى نوع والاماكن اللى ممكن الاقى فيها قطع الغيار الاصلية عشان انا فى بلبيس فى الشرقية

وشكرااااااااااااا

بالنسبة للسيور فيجب عليك تغييرها كلها بلا استثناء لأنها لها عمر افتراضى سواء بالاستخدام بالكيلومترات او بالمدة و هذه السيور اكيد نشفت من ركنتها فابدأ بها لتريح قلبك خاصة سير الكاتينة و بلية الكاتينة و ممكن تشتريها تركى من عند بتوع الفورد تقولة بتاعة فورد اسكورت 99 كاربراتير 1600 و بيكون 97 سنة ممكن المانى او دايكو ايطالى سعر السير حوالى 120 و البلية لو تركى 175
سير المجموعة رقمه 6bk 1268 و ممكن 1270 و غالبا ده هو الموجود فى السوق و ابعد عن الصينى ممكن تلاقيه تايلاندى سعره 75 متوسط
سير البور رقمه 715*10 و ممكن تلاقيه المانى او تايلاندى 25 متوسط
اخيرا لما تيجى تشترى اتأكد من تاريخ الانتاج المكتوب على السير
و هذا موضوع ممكن يفيدك بخصوص بعض قطع غيار السيارة

http://www.nilemotors.net/Nile/396571-a11.html