ابويا اللى بكرهه مات

**devil_storm** · 01-10-2015 07:03 PM

ابوك كان تعبان نفسيا و اكيد هو نفسه مكنش مستريح و تعبان اكتر منكم كلكم و كل تصرفاته دي من تعبه، ادعيله ربنا يرحمه و واضح ان نفسيتك انت كمان تعبانه علشان مشعرك دي مش مشاعر واحد سليم، ربنا يهديك

**SAMEH_FOUAD** · 01-10-2015 07:12 PM

مهما عمل فيك , او مهما درجة كرهك لية , ادعى لية بالرحمة مهما كان وافتكر لية اى حاجة حلوة , ولو مش قادر تفتكر لية اى حاجة حلوة

يبقى حط كلام ربنا قدامك , وانة امرنا بطاعة الوالدين , ودة معناة ان شأنهم كبير جداااااااااا ومكانتهم كبيرة , ورضاهم عليك , يبقى ربنا هيكون راضى عنك

" البقاء لله وربنا يرحمة ويدخلة جناتة "

**طارق _عبد السلام** · 02-10-2015 03:12 AM

نشكرك على فتح الموضوع ده ودعوه لكل من يقرأه ان يترحم على والدك ويدعى له بالمغفره بدلا منك..لقد اصبح بروحه عند الذى خلقه وهو اعلم به فاذا كان مسيئا فلندعوا الله ان يتجاوز عن سيئاته وان كان محسنا فليزد له الله احسانه

اللهم اغفر له وارحمه

**dongol123** · 08-10-2015 05:01 PM

بصراحة انا مشمئز من الموضوع ده و لصاحب الموضوع هقوله جملة واحدة "كما تدين تدان" و ان شاء الله هيبقي ليك ابن في المستقبل و هيعمل فيك زي ما عملت في ابوك و هيقول عليك بكرهك و مش هيدعيلك بعد موتك.

**Hossam Rashed** · 08-10-2015 05:55 PM

بص مفيش اب سليم نفسيا يعامل اولاده بالطريقة اللى ذكرتها دى .. ونستنتج من كده ان والدك الله يرحمه كان مريض نفسى وعنده نقص فى مكونات الشخصية ادت الى تصرفاته دى

بس المريض النفسى بيكون ليه عذر المرض وبالاخص لو كان والدك لازم تديله 1000 عذر ..

انا عارف انه اكيد اثر فيك وفى اسرتك كتير جدا بالسلب ولكن عاوزك تحتسب السنين اللى ضايقكوا وبهدلكوا فيها دى عند ربنا واكيد ده كان ابتلاء من عند ربنا واكيد هيكون فى ميزان حسناتك ..

دلوقتى والدك توفى باصعب مرض وعانى منهكتير قبل ما يموت .. اكيد ربنا ليه حكمه فى كده وممكن يكون ربنا كان بيخلص ذنوبه فى الدنيا علشان يغفرله فى الاخره ..

عموما هو توفاه الله خلاص ولا تملك الا ان تدعيله بالرحمة والمغفره وتبقى تروح تزور قبره من وقت للتانى .. واهو درس انت اتعلمته ولما ربنا يرزقك بزوجه واولاد ان شاء الله تراعى ربنا فيهم وتعمل عكس اللى والدك كان بيعمله

ربنا يهديك ويوفقك لما فيه الخير :)

**sting_2010** · 08-10-2015 07:27 PM

فى الحديث الشريف أُمرت أن أعطي من حرمني وأن أصل من قطعني وأن أعفو عمن ظلمني)

لا يوجد افضل من العفو والتغافل عن الظلم . جرب بس انت العفو وانت ستنام مرتاح البال خاصة وانت تعفو عن ظلم اقرب الناس اليك ! انسى كل ما فات وترحم على والدك فقد افضى الى ما قدم ربنا يرحمه ويغفر له ويرحم امواتنا جميعا .

**memo_p910** · 08-10-2015 11:38 PM

ووصينا الانسان بوالديه حسنا
واضح ان ابوك كان عصبي وديكتاتور ونفسيته مش سليمه وده اثر فيك بشكل عميق لكن انت دلوقت راجل وفاهم الدنيا وهو دلوقت مالهوش غيرك تدعيله وتتصدق عليه قبل ما الدهر يأخذ دورته ويتنسي ولا يجد احدا يترحم عليه
واحنا بنقول ربنا يرحمه ويتجاوز عنه

**slimbig** · 09-10-2015 03:34 AM

الشعب المصري البسيط الشعب المصري اللذيذ

فأول فرصه حد يبوست حاجه شخصيه أو ليها أبعاد مش عاديه يبدأ الشعب العظيم ذو الثقافه الإستثنائيه بالهجوم و النقض و الأحكام القاسيه و ده سلوك منفر و مقرف لو تسألوني, في أبعاد و اسباب لكل حاجه و قبل ما حضراتكم تهاجمو الأخ صاحب الموضوع بالشكل ده إعرفو الاول كل الابعاد بتاعت الموضوع, لو الحكم بالبساطه دي مكانش يبقى في قاضي و محكمه و كان أي ظابط يحكم على المتهمين و ينفذ الحكم كمان, لأ طبعا لازم تسمعو و تفهمو كل حاجه الأول و فالنهايه إحنا مش مكانا الحكم على الآخرين ولا مهاجمتهم بالطريقه دي, ممكن ندي نصيحه بالكتير قوي مش أكتر

سامحوني أنا بقه على طريقتي دي انا بس مش طايق نفسي بصراحه و مش عارف ابقى إيجابي اللحظه دي, نفسي فيوم أشوف سلوكيات مجتمعنا تتحسن

-

-

الموضوع: ابويا اللى بكرهه مات

LinkBack

أدوات الموضوع

عرض

-

-

-

-

-

المواضيع المتشابهه

انا بكره ابويا

هو انا كده هكون بعصى ابويا 2

ابويا هيطير البرج اللى فاضل من دماغى

مصر مش أمى ... مصر مراة ابويا !

عربية ابويا اتبهدلت

الكلمات الدلالية لهذا الموضوع

المفضلات

المفضلات

ضوابط المشاركة