ابويا اللى بكرهه مات

**someoneels** · 01-10-2015 04:03 PM

السلام عليكم ورحمه الله وبركاته انا عضو معاكم من زمان بس ده مش الحساب الخاص بتاعى علشان اعرف اتكلم بحرية اكتر و بدون احراج ليا

انا كنت كاتب الموضوع ده من سنه و حبيت اتكلم معاكم فى اللى حصل

http://www.nilemotors.net/Nile/442801-a.html

الموضوع ده كتبته فى شهر 10
والدى اصيب بالسرطان او بمعنى اصح اكتشفنا انه كان مصاب بالسرطان من فتره كبيرة وانتشر اكتشفنا ده فى شهر 11 تقريبا كان سرطان مثانة و انتشر فى المخ و رغم كرهى ليه لفيت بيه طبعا على الدكاتره و حاولت باقصى قدرتى ولكن كل الدكاتره قالو مفيش اى علاج اقصى حاجه ممكن نعملها ان لو فى اى الم ان احنا نديله مسكنات وفعلا توفى والدى فى بعدها 4 شهور
فعلا كان بيتعذب و هو مريض انا اللى كنت بغير له و كنت بديله الحقن والدوا و بركب له القسطره بس برضه كنت بتمنى موته وانا بعمل كده مش عارف كان احساس غريب انى بكرهه و بتمنى موته وفى نفس الوقت بحاول انى اشوف حل علشان يعيش و فى النهاية لما توفى مزعلتش عليه بالعكس كنت مبسوط و لغاية دلوقتى مش قادر ادعى واقول ربنا يرحمه .

**lamada** · 01-10-2015 04:09 PM

ربنا يرحمه و ارجوك ان تفعل الخير و تدعو له بالرحمة و تخرج صدقة له و لو تقدر تعمله عمرة او حجة يبقى جزاك الله كل خير و اللى انت هتعمله دلوقتى ان شائ الله ربنا يقعدهولك فى اولادك و احتسب الاجر عند الله

**No Comment** · 01-10-2015 04:12 PM

هو حضرتك كاتب الموضوع ده ليه ... أيه وجه الافادة منه يعنى .. ومنتظر من وراءه أيه ...!

لو حضرتك كلامك حقيقى من بدايته ووالدك توفاه الله فأتقى الله فيه وأدعوا له بالرحمة وأجرك وثوابك عند الله
أما لو حضرتك عامل الموضوع للتسلية علينا فأتقى الله فينا أحنا مش ناقصين

ربنــــا يهــــدى

**someoneels** · 01-10-2015 04:24 PM

المشاركة الأصلية كتبت بواسطة no comment

هو حضرتك كاتب الموضوع ده ليه ... أيه وجه الافادة منه يعنى .. ومنتظر من وراءه أيه ...!

لو حضرتك كلامك حقيقى من بدايته ووالدك توفاه الله فأتقى الله فيه وأدعوا له بالرحمة وأجرك وثوابك عند الله
أما لو حضرتك عامل الموضوع للتسلية علينا فأتقى الله فينا أحنا مش ناقصين

ربنــــا يهــــدى

الكلام حقيقى مش داخل هنا اتسلى وشوف الموضوع القديم

ثانيا ده قسم اجتماعى بيسمح للاعضاء انهم يقولو مشاكلهم الاجتماعية ويتنقاشوا فيها حضرتك لو مش ناقص متدخلش على القسم الاجتماعى

**someoneels** · 01-10-2015 04:26 PM

المشاركة الأصلية كتبت بواسطة eng wael

لا حول ولا قوة الا بالله
ربنا يرحمه ويغفر له
يا اخى الفاضل كما تدين تدان ومعرفش والدك رحمه الله عليه عمل ايه علشان تكرهه كده
فى يوم من الايام هتكون اب

حضرتك ممكن تدخل على اللينك اللى فوق انا كنت كاتب فيه الموضوع قبل كده

**ibrahim sallam** · 01-10-2015 04:34 PM

وعليكم السلام ورحمة الله وبركاته

تضارب في السلوك والمشاعر

أي أن السلوك يوحي بالرعايه للوالد المريض ( وهذا لو لم تفعله لكن زعلت منك جدا) لكن على حسب كلامك

فانت مارست معه السلوك الذي ينبغي ان يمارس مع الوالد في مثل هذه الحاله.

وتبقى المشاعر وهي احيانا تكون خارجه عن السيطره ولا اراديه لكن هل يمكن معالجتها او تغييرها حتى لو جزئيا ..... نعم يمكن ذلك.

ولكي تتغلب على ذلك يجب عليك ان تعلم ان والدك انتقل من دار الدنيا الى دار الاخره حيث الحساب لا العمل.

ونحن لن نفرح اذا كان عمل الانسان سيء واستحق العقاب.

يجب عليك اعادة النظر في مشاعرك وخصوصا ان والدك لن تراه مرة اخرى... والله اعلم بحاله الآن

ادعو له بالرحمه وبالمغفره وحاول تعمل له صدقه جاريه له واعمل زيارات لأصدقائه

اخيرا رحمه الله رحمة واسعه وغفر الله له

**hilal** · 01-10-2015 04:39 PM

إذا لم يتق الله فيكم ، فعليكم أن تتقوا الله فيه
لا مبرر لكل هذه الكراهية
ألا توجد له حسنة واحدة تذكرها ،
اتق الله يا رجل

**aif** · 01-10-2015 05:00 PM

الله يهديك ويرحمك

-

الموضوع: ابويا اللى بكرهه مات

LinkBack

أدوات الموضوع

عرض

-

-

-

-

المواضيع المتشابهه

انا بكره ابويا

هو انا كده هكون بعصى ابويا 2

ابويا هيطير البرج اللى فاضل من دماغى

مصر مش أمى ... مصر مراة ابويا !

عربية ابويا اتبهدلت

الكلمات الدلالية لهذا الموضوع

المفضلات

المفضلات

ضوابط المشاركة