محتاج تقييم لانسر ٢٠٠٧&٢٠٠٨ والفروقات بين الموديلات

السلام عليكم
محتاج المشورة ورأيكم فى تسعير عربيتين ادامى لانسر
٢٠٠٧ سوبر اكشن راشة من الخارج نضافه ماعدا السقف كاملة فتحة سقف وسبويلر وجنوط والتابلوه اسود ولونها اسود وماشية فى رنج ٦٠٠٠٠كيلو. مطلوب فيها ٨٨الف جنيه

٢٠٠٨ كامله اوتوماتك سبويلر وطاسات وعتب و راشة اكصدمين وفرشها جلد نضيف من غير فتحة سقف والتابلوه اسود ولونها اسود .. معرفش عددها كام ..مطلوب ٩٠ الف

عايز اعرف كلمة كامله دى تعنى ايه وازاى فى موديل فيه سبويلر وطاسات وكامله
وموديل آخر كامله وفتحة وجنوط وموديل مفهوش فاتحه سقف ولاسبويلر وفيها جنوط وتابلوه ابانوس
ياريت الفرق فى الموديلات ومشورتكم فى سعر السيارتين
شكرا جزيلا

انا لو منك اشتري السوبر سبورت تحفة بصراحة و ياريت لو حضرتك مش هتشتريها قولي رقم تليفون صاحبها
علشان انا بدور علي واحدة زي دية
الكاملة دية واحد شاريها و مركبلها سبويلر و كدا
لكن السوبر سبورت دية نازل كدة بالكماليات بتاعتها

2007 احسن .. وعداد ممتاز

بس اكشف عليها فى التوكيل او حد ثقة

اقتباس:

---

المشاركة الأصلية كتبت بواسطة محمد مجدي 22

انا لو منك اشتري السوبر سبورت تحفة بصراحة و ياريت لو حضرتك مش هتشتريها قولي رقم تليفون صاحبها
علشان انا بدور علي واحدة زي دية
الكاملة دية واحد شاريها و مركبلها سبويلر و كدا
لكن السوبر سبورت دية نازل كدة بالكماليات بتاعتها

---

افهم من كلام حضرتك ان مفيش موديل ٢٠٠٨ بينزل كاملة سبويلر وطاسات وعتب ومفيهاش فتحه سقف. انا شوفت ع مواقع بيع سيارات كتير نفس الموديل بس كانت بتبقى جنط. هل هو مركبلها اسبويلى وعتب .موضوع العتب ده اعتقد صعب. والراجل بيقول كامله. يعنى ايه كامله يعنى زيها زى السوبر اكشن وفيها حساسات وسى دى شنجر بس مفيهاش فتحه سقف. ممكن لنك لانواع الموديلات دى لو تقدر تجبهولى

1600 اوتوماتيك *تكييف *باور *سنتر *زجاج كهربا *طاسات ( خليجى )
1600 اوتوماتيك *تكييف *باور *سنتر *زجاج كهربا *طاسات *ابانوس *عتب
1600 اوتوماتيك *تكييف *باور *سنتر *زجاج كهربا *جنوط اسبور *ابانوس *ظهر كنبه 4 قطع
1600 اوتوماتيك *تكييف *باور *سنتر *زجاج كهربا *جنوط اسبور *ابانوس *عتب *كساحات *اسبويلر *فتحه سقف
1600 اوتوماتيك *تكييف *باور *سنتر *زجاج كهربا *جنوط اسبور *ابانوس *عتب *كساحات *اسبويلر *فتحه سقف *فرش جلد * سى دى تشانجر
1600 اوتوماتيك *تكييف *باور *سنتر *زجاج كهربا *جنوط اسبور *ابانوس *عتب *كساحات *اسبويلر *فتحه سقف *فرش جلد * سى دى تشانجر *فوانيس اسموك

على فكره ال2007 سعرها قليل جدا ومش طبيعى ولو العربيه سليمه فعلا توكل على الله

اقتباس:

---

المشاركة الأصلية كتبت بواسطة أبو إياد

على فكره ال2007 سعرها قليل جدا ومش طبيعى ولو العربيه سليمه فعلا توكل على الله

---

الف شكر على الافاده الكبيره دى. انت نورتنى وعرفتنى علشان اغرف اقيم اى عربيه دلوقتى.جزاك الله كل خير

انا لسة شاري 2007 ب91ال

اقتباس:

---

المشاركة الأصلية كتبت بواسطة elnakshabandy

انا لسة شاري 2007 ب91ال

---

دى مواصفتها ايه