ميعاد الانترفيو و عايز رايكم بسرعه مفيش وقت

**Omar1001** · 02-10-2015 04:48 PM

السلام عليكم و رحمة الله و بركاته

دلوقتي انا لي واحد صاحبي اخد السي في بتاع و بعته للشركة الي هو كان شغال فيها وواضح انها شركة كويسه . انا خريج تجارة انجليزي فالطبيعي اني محاسب بس انا بصراحة مش حابب اشتغل في مجال المحاسبة انا حياتي كلها علي الكمبيوتر في مواقع و الي اخره بالاضافه الي ان انا لسه مخلص جيش مش فاكر اي اي حاجة من الي درسته بالاضافة ان في عقده او تار بيني و بين الارقام و الحسابات و دة الي خلاني افكر بشكل اوضع في اني اعمل تغيير في المسار و اني ادرس النتورك
و فعلا ببحث الان اني اخد كورس قوي و ابدء في المجال دة ان شاء الله

ودة كان موضوعي و ربنا يباركلهم متاخروش علي في النصائح و لكن انا لسة بفكر ماخدتش قرار

المهم الميعاد بكره للانترفيو الساعه 11.15 الصبح ان شاء الله و انا بصراحة مش عايز اروح مش عارف حتي الاكسل الي والدتي بتعرف تتعامل معاه .

انا حياتي كلها شغل علي مواقع و اكواد و شغل علي الانترنت و بما اني خلصت جيش شغل الانترنت مش معترف بيه فبالتالي انا فكرت يكون شغلي ايضا في الحاجة الي بحبها في اي مجال في الاي تي سواء نتورك او داتا بيس ادمنيستريشن او اي حاجة انا علي اتم استعداد لمجهود كبير و هوصل فيها ان شاء الله

فرايكم ايه ؟؟

**Medo.Malek** · 02-10-2015 05:46 PM

روح خد خبرة الانترفيوهات

**mmtronic** · 02-10-2015 05:55 PM

علشان تحقق الى انت بتحبه لازم تاكل شويه من الى انت مش بتحبه

ده رزق جاى ليك - يبقى تسعى اليه

اشتغل و اتعلَّم من شغلك - الشغل و زياده الخبره بتوسع المدارك و البصيره

نصايحى ليك

١. قوم حالا راجع اساسيات الى انت درسته - خليك مستعد للمقابله و اذا مكنش عندك الى تراجع منه - طلع من على النت
٢. اسأل على Dress code شوف صاحبك حيقولك ايه
٣. تروح قبل معادك علشان تكون فى المكتب فى معادك بالدقيقة
٤. خد نسخه جاهزه من cv بتاعك علشان تقدمها فى حاله حد طلب نسخه تانيه
٥. نام بدرى علشان تقوم فايق و دهنك صافى
٦. بعض الناس فى المقابلات بتحاول تستفز المتقدم علشان تشوف رد فعله - خليك بارد و هادى و دبلوماسى فى ردّك حتى لو كنت عايز تقوم تضرب الى قدامك
٧. اقرأ عن الشركه الى انت رائح تشتغل فيها - مجالها و راس مالها و حصتها من السوق و ترتيبها و. و. و.

لما تشتغل و تاخد مرتبك حيبقى عندك مساحه تخطط خطوتك الجايه

بالتوفيق

**3abdo.it** · 02-10-2015 08:30 PM

حبيبى انا مهندس كمبيوتر وبضرب نفسى بالجزمة انى مدخلتش تجارة

مجالة واااااااااااااسع جدا وفلوسة احلى من هندسة الكمبيوتر اى والله زى مبقلك روح يابنى اوعى تسيب الفرصة

**wael30003** · 02-10-2015 09:43 PM

كل كلام الاعضاء صح
١-خد خبرة الانترفيو
٢-ممكن تتعلم تعمل جدول اكسيل فى ساعتين قبل ما تروح المقابلة يعنى ممكن والدتك تعلمه لك
٣-الشغل مش كتير قوى عشان ترفض فرصة شغل
٤-المحاسبة ممتعة انا حالياةمدير مالى وممكن افيدك فى بعض الاسئلة لانى باعملاختبارات
٥-اخيرا زى ما العضو المهندس قالك ان مجال المحاسبة مطلوب فى اى مكان وانت اللى تقدر تثبت نفسك

**wael30003** · 02-10-2015 10:02 PM

خد بعض الاسئلة السهلة اللى لازم تعرفها لانها ا ب محاسبة
الصندوق مدين وعمره ما هيكون دائن
العملاء والمدينون اصول متداولة
الموردين والدائنون خصوم متداولة
الفرق بين الاصول الثابتة والاصول المتداولة
الاصول الثابتة عمرها الافتراضى اكبر من سنة مالية
الاصول الثابتة يصعب تحويلها الى نقدية مثل الالات والمعدات
البنوك مدينة بطبيعتها ......امتى بتكون دائنة فى حال السحب على المكشوف
الفرق بين المخصص والاحتياطى
المخصص من الخصوم المتداولة
المخصص لمواجهة اعباء محتمل وقوعها مثل الديون المعدومة
الاحتياطى احد بنود حقوقالملكية
اقرا فى الاحتياطى كويس والمخصص لانها دايما من الاسئلة اللى بتبين فهم المحاسب
ما هو ميزان المراجعة .....هو ميزان لاظهار الارصدة المدينة والدائنة لكافة القيود المحاسبية
وظيفته للتاكد صحة ادخال القيود
معرفة ارصدة الحسابات
من اصول وخصوم وايرادات ومصروفات
الايراد دائن
المصروف مدين
الاصل مدين
الخصوم دائنة
حقوق الملكية تتكون من
رأس المال
الارباح او الخسائر المرحلة
ارباح او خسائر الفترة
الاحتياطيات
.....
الفرق بين الميزانية والموازنة وحسابالارباح والخسائر
اقراها كويس وافهمها
الميزانية توضح المركز المالى مالها من حقوق وما عليها من التزامات
ويتم اعدادها عن فترة واحداث ماضية
الموازنة يتم اعدادها لفترة مستقبلية
الارباح والخسائر يوضح نتيجة اعمال الفترة من ربح اوخسارة
حاول تنشط الذاكرة بالقراءة ......وبالتوفيق ان شاء الله

**Omar1001** · 02-10-2015 11:27 PM

و الله مش عارف اشكركم ازاي
مع ان الرياح لم تاتي بما تشتهي الانفس كنت متخيل زي ما انا عايز تقولوي متروحش

لاني حاسس كان طفل صغير بتقولوه روح امتحان الجامعه بس هروح ان شاء الله

المهم اروح بقي فورمال و لا قميص و بنطلون و لا ايه نصائحكم اول مرة اروح انترفيو

**wael30003** · 03-10-2015 06:21 AM

فورمال

**3abdo.it** · 03-10-2015 09:44 AM

المشاركة الأصلية كتبت بواسطة Omar1001

و الله مش عارف اشكركم ازاي
مع ان الرياح لم تاتي بما تشتهي الانفس كنت متخيل زي ما انا عايز تقولوي متروحش

لاني حاسس كان طفل صغير بتقولوه روح امتحان الجامعه بس هروح ان شاء الله

المهم اروح بقي فورمال و لا قميص و بنطلون و لا ايه نصائحكم اول مرة اروح انترفيو

صدقني التجاره حلوه جدا وتقدر تسافر اي بلد انا مثلا زي مبقلك مهندس كمبيوتر it والحمد لله شاطر جدا بس علشان مش واخد شهادات كتير ملقتش فرصه كويسه سواء في مصر او برا غير التجاره لو نفسك تسافر هتشتغل من بكره