سيارتى نوبيرا مش بتدور ارجو المساعدة

**saif hamdy** · 09-10-2015 02:26 PM

المشاركة الأصلية كتبت بواسطة mecha

ازاي لما غيرو الطرمبه دارت ,وانت كاتب قبليها انك بدلت الطرمبة في مكان سابق ومدارتش!!!!!!!!!!!!!!!.
والماب يقدر يموت مكنه والناس بتتغافل عنه. فكدا ايه الحكايه؟؟؟.
عندك طرمبه وماب ,وملاحظتش قبل الاطعه الاخيره تخسيع من المكنه.
!!!!!!!

من ضمن وظائف حساس الماب انه بيرسل اشارات لكمبيوتر السياره بكميات البنزين المطلوب ضخها داخل الرشاشات ولو الكميات مظبوطه العربيه هتدور ولو الاشاره وصلت ملخبطه بالتالى الامر مش هيتنفذ
الحساس احيانا يعمل وكتير يقطع
وانا بأرجح وأكيد ان اثناء تبديلنا لطلمبة البنزين فى المره الأولى كان فى حالة خمول أو عطل
ولما غيرنا طلمبة البنزبن مره تانيه كان شغال

يعنى الحساس دا اساس دورة الهواء ودورة البنزين كما قرأت عنه

**saif hamdy** · 11-10-2015 07:42 PM

دى صورة للحساس ياريت اللى يقدر يدلنى اجيبه منين وهل يوجد منه جديد ولا استيراد فقط
وياحبذا لو يكون فى محافظة الدقهلية ميت غمر أو المنصوره
شكرا لحضراتكم

**asas630** · 11-10-2015 11:59 PM

حضرتك انا متاكد انك حتلاقيه لو روحت بورسعيد اوالحرفين في القاهرة
وفي اسكندرية انا ممكن اقابلك واجبهولك ان شاء الله

**asas630** · 12-10-2015 12:02 AM

بس نصيحة خلي الميكانيكي او الكهربائي يحل واحد من اي عربية سليمة ويجربه عندك عشان تتاكد ان هوا السبب لان الحساس ده انا مشفتوش بايظ عند حد قبل كدا

الفيشة الي داخله له اتاكد ان الاسلاك الي فيها سليمة وخصوصا الارضي

**Nfs Rivals** · 13-10-2015 05:49 AM

المشاركة الأصلية كتبت بواسطة saif hamdy

دى صورة للحساس ياريت اللى يقدر يدلنى اجيبه منين وهل يوجد منه جديد ولا استيراد فقط
وياحبذا لو يكون فى محافظة الدقهلية ميت غمر أو المنصوره
شكرا لحضراتكم

انزل المنصورة ش الحسينية
وهناك هتﻻقية مرترط.. بس زى ما قال اﻻستاذ.. هاتو من عربية اخت بتاعتك وركبو
كان هو يبقي تغيره وانت مغمض... خير.. ماكانش هو يبقى عيب تانى وقولنا عليه وطمنا عليك

**saif hamdy** · 14-10-2015 04:32 PM

الحمد لله بعد تغيير الحساس بآخر استيراد العربيه ظبطت ومش بتبطل دلواتى لكن اللى ركبناه مش نفس الشكل اللى كان راكب فى العربيه لكنه خاص بنوبيرا
كان جهاز كشف الأعطال بيسجل العطل بعد حذفه كل ما امشى كام كيلو بالعربيه
دلواتى بعد تغيير الحساس مش بتبطل ولما حذفنا العطل من على كمبيوتر السياره مرجعش تانى
مشيت بيها كتير كويسه الحمد لله - هى مش بتدور فى الصباح من أول مره دورة مارش لكن اهو كويسه نوعا ما
مرفق صورة لشكل الحساس اللى ركبناه

ونصيحه لكل من يمتلك نوبيرا بريميم اتوماتيك اوروبى قبل ما تغير اى شيء بسبب عدم الدواره أو تبطيل العربيه يكشف على الحساسات واهمها حساس الماب لانه بيتحكم فى ضخ البنزبن وكمية ودرجة حرارة الهواء الداخل للمانفولد
ومتوديش سيارتك بنها المركز الكورى لانهم هيجربوا فيك ومحدش فيهم عنده فنية اكتشاف العطل وهتغير نصف قطع غيار العربيه
شكرا لحضراتكم جزيل الشكر