مشكلة غريبة في حوالة بنكية الى بنك مصر
السلام عليكم
في شركة حولتلي مبلغ 280 دولار من الصين
على حسابي في بنك مصر .. ودي مش اول مرة
والبنك بيحول الدولار الى جنيه مصري ويدخل حسابي مباشرة
اتفاجئت ان المبلغ دخل حسابي بقيمة 1965 جنيه .. طبعا على سعر الدولار الحسبة مش مظبوطة
في عجز في المبلغ .. يعني المفروض يبقى 2190 جنيه تقريباً
اتصلت وقدمت شكوى .. وكان ردهم
ان الحوالة بقيمة 255 دولار وتم خصم 4 دولار عمولة البنك
فتحدثت الى الشركة التي قامت بتحويل المبلغ .. قدمولي صورة برنت سكرين من اميل البنك اللي ارسل الحوالة
وهو بنك hsbc في الصين .. وتم دفع 294.78 دولار .. وتم خصم 14.87 دولار مصاريف تحويل
والمبلغ المحول 280 دولار .. والبنك المحول له " بنك مصر " ورقم حسابي في الكشف .
ايه بقى الموضوع ده
بنك مصر فيه خطأ غير مقصود .. ولا خطأ مقصود .. ولا خطأ في التحويل .. ولا ايه الموضوع .
مع العلم اني مش شاكك في الشركة المحولة ليه المبلغ .. لأن ده مقابل خدمه بيدفعوا قيمتها أولاً
يعني عارفين اني لازم استلم المبلغ الاول علشان يستلموا الخدمة .
ومفيش اي بنك وسيط في النص .. علشان ياخد عمولة
بنك hsbc في الصين اخد عمولته 14 دولار .. وبنك مصر اخد عمولته 4 دولار
ومفيش حاجة مابينهم .
انا مش شاغلني ال 25 دولار الناقصين .. اللي شاغلني يكون في خطأ مقصود او غير مقصود
حد عنده تفسير .