هل يا جماعة انا اقدر امشى بالنوبيرا 600 كم متواصل والسرعة تكون ما بين (90-110) كم فى الساعة هل دة يضر الماتور ولا لازم اريح شوية
ياريت الرد الفنى يا جماعة
عرض للطباعة
هل يا جماعة انا اقدر امشى بالنوبيرا 600 كم متواصل والسرعة تكون ما بين (90-110) كم فى الساعة هل دة يضر الماتور ولا لازم اريح شوية
ياريت الرد الفنى يا جماعة
؟؟؟؟؟؟؟؟؟؟؟؟؟؟؟!!!!!!!!!!!!!!!!!!!! !!!!!!!
بيتهيألى مافيش مشكلة
الف شكر يا باشا على الرد :)
طارق
المشكلة لن تكون فى السيارة ، المشكلة ستكون فيك انت
طالما ان درجة حرارة المحرك معقولة ومش سخن لا مشكلة اطلاقا انه يفضل داير انشاللا ميبطلش من غيار الزيت لغيار الزيت (على فكرة ، بتوع الميكروباص بيعملوا كدة فى ايام ذروة الشغل)
لكن المشكلة ان الغنسنا الطبيعى يفقد تركيزة فى الطريق بعد ثلاثة ساعات من القيادة، ولذلك يفضل ان تستريح كل 200 كيلومتر ، ولا مانع ان تستغل فترة الراحة هذة فى الكشف على حالة زيت المحرك ومياه السيارة
لا انا لسة مغير زيت من اسبوع بس ال600 كم مش هسقهم لواحدى انا هبدل انا وصحبى :wink: بس العربية مش هتبدل مع عربية تانى :D
فكدة مفيش مشكلة على كلامك يا باشا صح
طارق
في رأي ان اللي سايق أكيد لازم يريح عشان يقدر يسوق لحد الأخر بتركيز حتي لو معاه حد .وحتي لو العربية مهيأه انها تمشي كتير بتهيألي لازم تاخد راحة. :wink:
http://www5.0zz0.com/2007/07/28/01/41918750.jpg
__________________
محمد عبدالله
يعنى ممكن نقول 300 او 350 كم كويس
واريح بعد كدة
ولا اية
let me tell u some thing
in 2005 i drive from cairo to sharm and its a bout 550 km and i was almost all the way after the suez canal over 150 km and some times 180-190 and i take it direct to ssh i make it in 3 hour and 43 min
start drive from 2 pm to and was in my hotel at 5,43 pm :)
this is a repeated story , i heard many time about people who did the same, but belive me in 60% f cases they ended up with severely broken down engines or prematurely worn out engines ,tdespite the fact that the cars were good ones, so i would never recommend any one to do thisاقتباس:
المشاركة الأصلية كتبت بواسطة aymanemo
هذة القصة مكررة وسمعتها من الكثيرين ، لكن صدقنى فى 60% من الحالات انتهى الأمر بالمسافرين باعطال جسيمة فى محركاتهم او بمحركات مفوتة فى نهاية الرحلة تحتاج لعمرات كاملة، مع الاخد فى الإعتبار ان سياراتهم كانت جيدة
لذلك انا لا انصح احد نهائيا بأن يكرر هذة التجربة
I agree with Mr. Saab3awy and infact the EFFECT of doing so , is almost instantly ... after Al Ahly Won Against Zamalek Last time . We wen't to alex with My Friends Octavia A5
We took it in a very small amount of time ( can't remmember exactly ) but the average speed was 190 - 200 .
and seriously almost after we arrived .. the driver noted that the car No longer responds to the fuel pedal correctly ( Kinda weak ) and it totally dull to accellerate at all , but after a day of rest in the Garage it went back to normal conditions , never the less this shows that even the Sturdiest cars and the German engines as well ( VW engine ) still would suffer from such ( Allow me to say ) TERRORIST acts on the engine :P.
أخويا راح بال 128 مرسى مطروح ورجع في نفس اليوم بسبب ظروف معينة
وهو رايح الزيت كان بينقص جامد والسرعة مبتزيدش عن 115 وكل شوية يزود الزيت
صلح التسرب هناك تقريبا كان من طبة الزيت ورجع في نفس اليوم
يعني مشي حوالي 1000 كيلو على خبطتين
المهم خلال شهر بعدها إضطرينا نعمل نصف عمرة
طب مهو كل دة حلو اوى وشغال
بس محدش قالى امشى كام كم كحد اقصى
350 كم يعنى كويس
محنا قلنا يا عم زورو ، خد المسافة كلها على مرة واحدة مفيش مشكلة، بس امشى 90-110 زى ما انت قلت ، وبدل مع سائق تانى بعد 300 كيلومتر كحد اقصر
اوكى يا استاذ سبعاوى وانا اسف على الاطاله
طارق
فى التأنى السلامة وفى العجلة الندامة . وعلى فكرة المتعة كل المتعة اثناء القيادة مش فى السرعات العالية ومين يكسر العداد .. ابدا المتعة انك تسوق وانت بتتمتع بالسواقة مش شادد اعصابك طول الوقت وعمال تعرق من كتر العصبيه اللى انت فيها فمهما كان اتحدى واحد فاتح على ال150 او ما بعد ذلك من غير ما يكون مشدود الاعصاب ومش طايق حد يكلمه .. طيب عاوز توصل لايه مش عارف فى النهايه حتوصل لنفس المكان اللى رايح له واحد ماشى على 100 .. كل ما فى الامر انك كسبت ربع ساعة بدرى وقعدت باقى اليوم مشدود بتاثير الضغط العصبى اللى كنت انت فيه طول الطريق .. نهاية السرعة وحشة ياشباب
انا يا بشمهندش مش اقصد السرعة انا اقصدك اقصى كم للعربية تقدر تمشية متواصل (مسافة وليس سرعة)
بمناسبة الحر اليومين دول خللي بالك من الحرارة لانها بترهق الموتور جدا خصوصا مع التكييف
فلو كنت مسافر بالنهار حاول تريح العربية كل ساعتين تقريبا لمدة حوالي ربع ساعة (السرعة زي ما انت قلت)
و متنساش تسيب العربية دايرة بعد ما تقف كام دقيقة كدة لغاية لما الموتور يهدي شوية
لو ودنك حساسة مع الموتور حتحفظ صوته و هو شغال مرتاح و تغيير الصوت يعني انذار بوجوب الراحة للموتور شوية و الوقت اللي الموتور يحتاج فيه للراحة يتوقف علي حاجات كتير اشهرها
- سعه الموتور.
- درجة حرارة الجو.
- تشغيل التكييف
- الوزن المحمل علي السيارة.
- السرعة المتوسطة.
- اسلوب القيادة (تسارع شديد مثلا).
شكرا يا اسلام باشا على ردك
طارق
سافر بالليل و غير فى السواقه انتا و صاحبك و متزودش عن 120 بس خلى بالك من موضوع البنزين لحسن يخلص و انتا مش واخد بالك و كل ما تحس إن منسوب الميه قل اقف و زوده و إن شاء الله مش هيحصل حاجه و تروح و تيجى بالسلامه طارق باشا و ابقى طمنا عليك :) :) :)
شكرا يا باشا على ردك الجميل
بالنسبه لبتوع الميكروباص دى مواتير جاز زى ماحضرتك عارف و المواتير دى خدمه شاقه زى ماانت عارف و لما العربيه بتمشى مشوار طويل لازم العربيه تفضل دقيقتين دايره على السلانسيه علشان تريح شويه و بعدين تبطلها و فى العاده مابتبطلشاقتباس:
طالما ان درجة حرارة المحرك معقولة ومش سخن لا مشكلة اطلاقا انه يفضل داير انشاللا ميبطلش من غيار الزيت لغيار الزيت (على فكرة ، بتوع الميكروباص بيعملوا كدة فى ايام ذروة الشغل)
ده اللى اعرفه عن المواتير الجاز عامه
اقتباس:
this is a repeated story , i heard many time about people who did the same, but belive me in 60% f cases they ended up with severely broken down engines or prematurely worn out engines ,tdespite the fact that the cars were good ones, so i would never recommend any one to do this
هذة القصة مكررة وسمعتها من الكثيرين ، لكن صدقنى فى 60% من الحالات انتهى الأمر بالمسافرين باعطال جسيمة فى محركاتهم او بمحركات مفوتة فى نهاية الرحلة تحتاج لعمرات كاملة، مع الاخد فى الإعتبار ان سياراتهم كانت جيدة
لذلك انا لا انصح احد نهائيا بأن يكرر هذة التجربة
حضرتك قولت خد المسافه مره واحده مادام العربيه تماما
ليه دلوقتى تقولى الموتور هيفوت , ماهو برضه اى شخص عربيته 1300 مثلآ مش هياخد مشوار 500 كيلو مره واحده
لآن الموتور صغر
و حتى لو افترضنا انه الموتور فوت.. هيفوت بعد قد اايه؟؟ بعد تانى سفريه؟؟ أستحاله طبعآ
لو حضرتك بتتكلم ان فى السرعه العاليه فدى بقى حاجه تانيه
يعنى عندى مثلآ و انا ماشى على 170 مابعلاش ال RPM عن 4500 تقريبآ و الخطر عندى بيبدأ من 6500
اعتقد انى عادى انى اسافر ال 500 كيلو مره واحده منغير ما ابطل العربيه و انا ماشى على السرعه دى و عملتها كتير
لكن طبعآ السرعه مابتبقاش ثابته يعنى نبدآ مثلآ من 120 لحد 170 حسب حاله الطريق
معلش سؤال
هوا تانك النوبيرا قد ايه و العربية تستهلك قد ايه
اصلى مش متخيل انها ممكن تمشى 600 كم متواصل من غير ما تحتاج تمون فى النص
اكيد فر راحة اجبارية فى النص و لو مرة واحدة
تانك النوبيرا 61 لتر
واعتقد انها بتاخد 20 لتر كل 200 كم فى السفر
يعنى ممكن تاخد 600 كم مرة واحدة لو على سرعة 100 بدون تكييف
نصيحه لو حتسافر ما تسافرش وقت الضهر و بالاخص من الساعه 11 لحد الساعه 5 العصر.يا تسافر بالليل و يا سلام بقي لو سافرت الفجر علي طول يبقي كده تمام اوي الجوي حيبقي لسه كويس.يعني تطلع الساعه 3 الفجر و عند الصلاه اقف في اي زاويه و صلي و الطريق حيبقي فاضي و جميل و ما تقلقش العربيه لو كويسه وانت حاسس انها كويسه حتستحمل ان شاء الله الطريق دا
انا مش هقدر اقول اى حاجة قدام الاخوة الاكثر خبرة، بس هحكى تجربتى ارجو تكون مفيده.
انا معايا بيكانتو و ربنا سهلها و سفرت من الاسكندرية لشرم شبه بدون توقف، 750 كم وقفت مرتين علشان امون و مرتين لدخول الحمام (حوالى 15-20 دقيقة كل مرة)، لكن الكلام ده كان فى شهر 6 و انا طلعت الساعة 6:30 الصبح من اسكندرية و وصلت الساعة 2 الظهر و طبعا التكييف كان شاغل طول السكة تقريبا و كنت انا و المدام و الاولاد و الشنط كمان، بس ارجع و اقول بعد الكلام اللى قريته هنا ان ربنا هو اللى سهلها و وصولنا عى خير، انا كنت ماشى على120 - 140 كم/س و الـ ار بى ام كان حوالى 4 او اكتر الاحمر بعد 5.
بالتاكيد تركيزى كان ابتدى يقل و ده خلانى اقف مرتين فى اخر المسافة علشان افوق (و دخول الحمام)، و كمان ساعدنى ان الطريق فاضى و كانت سايق مسترخى بدون ضغط (كنت باشوف عربية مرة كل نصف ساعة او اكتر).
ده اللى حصل معايا ، بس انا دلوقتى قلقت بعد اللى قريته هنا، فربنا يسهلك المشوار انتى كمان
مع تمانياتى برحلة سعيدة
مفيش مشكله لكن يجب تغيير عدد لفات المحرك كل فتره عن طريق زياده السرعه أو تقليلها لأن استمرار دوران المحرك على عدد لفات معين ثابت له أضراره على المحرك مع متابعه الحراره والتأكد من جوده الزيت
انا مش بحب اقف ابدا
باخد الطريق كلو مرة واحد NON-STOP
بس اطول طريق مشيتوا كان القاهرة اسكندرية صحراوي
و كنت لوحدي خلصتها من كارفور اسكندرية ل ميدان لبنان في ساعتين
كنت علي 150 مش بهدي و الحمد لله
انا مش بحب اقف ابدا
باخد الطريق كلو مرة واحد NON-STOP
بس اطول طريق مشيتوا كان القاهرة اسكندرية صحراوي
و كنت لوحدي خلصتها من كارفور اسكندرية ل ميدان لبنان في ساعتين
كنت علي 150 مش بهدي و الحمد لله
اسف للتكرار
بس ايه المشكله اني امشي حتى و لو 1000 كيلو مستمر بعربيه 1600 بحاله جيده بسرعه تتراوح بين 140 و 180؟ طالما درجه حراره الموتور مضبوطه.. و الزيت بيتغير في معاده؟ مظنش فيه مشكله.. ولا ايه؟