صــوت تزييــق من العجلة الأمامية يمين عند الرجوع للخلف !

**MoToRiZeR** · 20-11-2008 10:35 PM

مساء الفل علي رجال دايهاتسو
انا بقالي فترة بسمع صوت تزييق بيحصل ساعات و انا راجع بالعربية لورا

التزييق مصدره العجلة اليمين قدام .. و هو صوت رخيم يعني مش تزييق مسرسع زي بتاع مفصلة باب بايظة مثلاَ لأ تحس صوته كله bass كدة .

و معتقدش إن له علاقة بفتيس أو دبرياج لأنه حصل مرة و انا راكن علي مكان منحدر و العربية رجعت لورا و انا ممور فا الصوت حصل .

يا تري ده ممكن يكون من الكاوتش نفسه ؟ أصل معتقدش يعمل كدة مع الأسفلت العادي و صوته كان هيبقي مختلف .

انا خايف تكون حاجة في الأكسات أو حاجة من اللي ماسكين العجل .

يا تري ممكن تكون إيه دي ؟

**أبو عبدالله** · 20-11-2008 10:40 PM

اولا يا محمود مسألة انه يأتي من العافشة صعب او احتمال بعيد الا لو كنت اخدت رزعه جامده من قريب يعني

عالعموم انا عاوزك تشوف الصوت بيأتي في كل الأحوال ولا في حالات معينه

اصل خلي بالك ساعات الكاوتش من تطبيعه على الأسفلت ولما يكون الأسفلت سخن فلما بيمشي عكس اتجاهه بيعمل تزييقه كده

انا مش متظاكد لأن انا مسمعتش الصوت ولكن بعطيك احتمالات

بس عفشة صعب بصراحه

**MoToRiZeR** · 20-11-2008 10:46 PM

شكراَ يا أبو عبد الله علي الرد السريع .

هو مش بيحصل في كل الحالات فقط بعد ما أركن العربية فترة طويلة .
انا جربت و انا الصبح لسة خارج أرجع مارشيدير الصوت ساعات يطلع مش دايماَ .. بس اما بيحصل بجرب أمشي شارع كدة و أقف و بعد كدة أرجع حتة بضهري ألاقيه حصل .

إنما بعد ما بجري و أطلع دائري و كدة الصوت مش بيطلع لو جيت أرجع بضهري .

بالنسبة لموضوع الرزعة فا مش عارف انا العربيات إترزعت مني كام مرة قبل كدة أكيد في الشوارع العظيمة بتاعتنا بس مش فاكر حاجة قريب و انا عامة بمشي في شوارع مكسرة كتير بس كل الناس بتمشي فيها يعني ! شارع النيل و طريق الواحات علي سبيل المثال .

**أبو عبدالله** · 20-11-2008 10:50 PM

بص هيا لكاوتش
لا تراب في العافشة

طيب جرب اغسل العربيه في بنزينه كويس من الامام
بس لما تبرد علشان التيل والطنابير

**MoToRiZeR** · 20-11-2008 10:52 PM

أغسلها عادي ولا كمان أرفعها و أغسلها من تحت ؟

**أبو عبدالله** · 20-11-2008 10:54 PM

طبعا الرفع افضل علشان الميه تشيل من كل الجوانب

**MoToRiZeR** · 20-11-2008 11:04 PM

خلاص انا إن شاء الله هعمل كدة و أتابعكم بالنتائج .. شكراَ يا أبو عبد الله

**عمرو عمارة** · 22-11-2008 12:31 AM

ربنا يستر يا محمود وميطلعش بلي عجل !!.......دايماً بلي العجل ده بيدوخ الناس وراه وأعتقد كل الي إنت بتقولوه ده إحتمال يكون أعراض بلي؟

**MoToRiZeR** · 22-11-2008 12:46 AM

المشاركة الأصلية كتبت بواسطة عمرو عمارة

ربنا يستر يا محمود وميطلعش بلي عجل !!.......دايماً بلي العجل ده بيدوخ الناس وراه وأعتقد كل الي إنت بتقولوه ده إحتمال يكون أعراض بلي؟

طب أعرف منين إنه بلي العجل أو لأ ؟
و إيه خطورة إنه يكون بلي العجل فعلا ؟

**عمرو عمارة** · 22-11-2008 12:58 AM

المشاركة الأصلية كتبت بواسطة MoToRiZeR

طب أعرف منين إنه بلي العجل أو لأ ؟
و إيه خطورة إنه يكون بلي العجل فعلا ؟

هايفضل يعمل معاك كده لغاية ما الصوت يزيد وتبقى متأكد بعد كده إنه بلي

أنا كان عندي نفس صوت الـBase ده في الكليو بيجي من ورا بعد ما أعدي الـ60كم\س وفضل يزيد يزيد لغاية ما كان بيجبلي صداع حتى أنا فاكر إني إتخنئت مع الميكانيكي بتاعي عشان أقنعه إن البلية الشمال هي البايظة:k41:

الموضوع: صــوت تزييــق من العجلة الأمامية يمين عند الرجوع للخلف !

LinkBack

أدوات الموضوع

عرض

العرض المتطور

صــوت تزييــق من العجلة الأمامية يمين عند الرجوع للخلف ! - انشر الموضوع فى :

-

-

-

-

-

-

-

-

-

المواضيع المتشابهه

مشاكل الرجوع للخلف

صوت تزييق فى العجلة الأمامية يمين

طقطقه عند الرجوع للخلف فقط

صوت حكة فى العجلة الأمامية يمين - صنى 2009 مانيوال الشكل الجديد

الرجوع للخلف بالدبرياج فقط فية ضرر

الكلمات الدلالية لهذا الموضوع

المفضلات

المفضلات

ضوابط المشاركة