مساعده من اهل القاهرة والجيزة الكرام..

**amgadshah** · 03-10-2015 07:47 PM

السلام عليكم..
كنت عاوز اخد رأي اهل القاهرة و الجيزة بخصوص رحلة ناوي ان شاء الله اعملها بالعربية للقاهرة والجيزة ليوم واحد..
كنت في دمافي بعض الاماكن اللي عاوز اروحها زي جنينة الحيوانات في الجيزة بس بيقولوا بقت تعبانه عالاخر..الازهر بارك..وطبعا سيتي ستارز في مدينة نصر.
السؤال هو ..هل التنقل بالسياره يوم الجمعه داخل القاهرة حيكون فيه زحمه ولا احسن من باقي الايام؟؟
لأن عندنا في اسكندرية السواقه في المدينه يوم الجمعه ارحم بكتير من باقي الاسبوع.. فهل عندكم نفس الكلام؟
و كنت عاوز مقترحاتكم ليوم ظريف اقضيه مع العيله واذا كان اي حد ممكن يقترح عليا شيئ معين لأني مش من اهل البلد
وياريت حد ينصحني أبدأ بإيه وانتهي بإيه في المزارات اللي حددتها
ولكم جزيل الشكر..

**hugan** · 03-10-2015 08:04 PM

يوم الجمعه طبعا أرحم من اي يوم تاني
لكن اخرك لحد بعد الصلاه
بعد كده بتقلب بزرميط زي باقي اﻻسبوع
اكيد طبعا شوفت فيلم هنا القاهرة لمحمد صبحي
الراجل كان عامل برنامج عظيم للزياره ووقت قياسي يلف القاهره فيه
عايز اقول لحضرتك
خلي بالك او عي تقع في الفخ
القاهرة الكبري عباره عن فخ كبير ﻻءي حد مش عارف مسالكها
رحله سعيدة إن شاء الله

**hilal** · 03-10-2015 08:18 PM

أنصحك بزيارة المعالم التاريخية مثل قلعة صلاح الدين ، وهي قريبة من حديقة الازهر ، ثم أهرامات الجيزة ، ثم تذهب إلى مول العرب في 6 اكتوبر ، ولو كان معك أطفال يمكنك الذهاب الى دريم لاند ......... هكذا بالترتيب
اتمنى لك رحلة سعيدة

**amgadshah** · 03-10-2015 08:58 PM

المشاركة الأصلية كتبت بواسطة hilal

أنصحك بزيارة المعالم التاريخية مثل قلعة صلاح الدين ، وهي قريبة من حديقة الازهر ، ثم أهرامات الجيزة ، ثم تذهب إلى مول العرب في 6 اكتوبر ، ولو كان معك أطفال يمكنك الذهاب الى دريم لاند ......... هكذا بالترتيب
اتمنى لك رحلة سعيدة

شكرا لاهتمام حضرتك..
طب حضرتك شايف الوقت المناسب اني امشي من القاهرة الساعة كام؟؟

**hilal** · 03-10-2015 11:23 PM

المشاركة الأصلية كتبت بواسطة amgadshah

شكرا لاهتمام حضرتك..
طب حضرتك شايف الوقت المناسب اني امشي من القاهرة الساعة كام؟؟

انا ارى انه لا مانع من السفر ليلا حتى تستمتع باليوم كله ، اذا لم يكن لديك مشكلة في السفر ليلا تستطيع ان تغادر في العاشرة مساء ، خاصة ان الطريق الصحراوي قريب من 6 اكتوبر
تمنياتي لك بسلامة السفر والوصول

**amgadshah** · 04-10-2015 12:46 AM

المشاركة الأصلية كتبت بواسطة hilal

انا ارى انه لا مانع من السفر ليلا حتى تستمتع باليوم كله ، اذا لم يكن لديك مشكلة في السفر ليلا تستطيع ان تغادر في العاشرة مساء ، خاصة ان الطريق الصحراوي قريب من 6 اكتوبر
تمنياتي لك بسلامة السفر والوصول

شكرا لذوق حضرتك واهتمامك..
هو بس سؤال.. التنقل من مدينة نصر للجيزة ساهل يوم الجمعه ولا زحمه برضه ؟
وايه الاوقات المناسبه للتنقل يوم الجمعه؟
وآسف جدا بتقل علي حضرتك..

**amr011111** · 04-10-2015 01:00 AM

يوم الجمعه الطريق بيبقى بلاشك افضل من اى يوم فى المرور. وانصحك تروح دريم بارك افضل من الازهر بارك. لانها تجمع بين جنينه والعاب ومول العرب. وتخلى يوم تانى لسيتى ستارز ثم جنينة الحيوانات ورحله موفقه وبالتوفيق

**amgadshah** · 04-10-2015 01:49 AM

المشاركة الأصلية كتبت بواسطة amr011111

يوم الجمعه الطريق بيبقى بلاشك افضل من اى يوم فى المرور. وانصحك تروح دريم بارك افضل من الازهر بارك. لانها تجمع بين جنينه والعاب ومول العرب. وتخلى يوم تانى لسيتى ستارز ثم جنينة الحيوانات ورحله موفقه وبالتوفيق

شكرا لرد حضرتك..
اعتقد ان ده فعلا انسب حل فعلا.